A Ch'an̈ B'ab'el Libro Yic Yab'ixal Eb' Rey 2:23 - Chuj San Sebastian Bible

²³ A yic xlajw yaln rey Salomón jun tzo'n̈ cha, 'ix ya'n sti 'a yojltac Jehová 'ixtic: Ya' cab' Dios in yailal caw ow, toto matz cham Adonías yuj tas tzc'an tic.

Chuj San Mateo Bible

²³ Ix lajvi yalan juntzan̈ chi' vin̈aj rey Salomón chi', ix yac'an sti' vin̈ d'a Jehová: Yac'ocab' in yaelal Jehová tato max cham vin̈aj Adonías yuj tas sc'an chi'.

A Ch'an̈ B'ab'el Libro Yic Yab'ixal Eb' Rey 2:23 ပူးပေါင်းရင်းမြစ်များ

A Ch'an̈ Schab'l Libro Samuel 19:13

'Ix yal David cha, to tz'at alxc 'a win Amasa 'ixtic: Ach tic, quicanto qui b'a et'oc, yuj cha, a yic 'oj b'ey 'a cojltac tic, ach tzach 'och syajlilc eb' in soldado sjelc Joab. Toto matz tz'el'ch tas tzwal tic, jaw cab' yailal 'a wib'n̈ yuj Dios, xchi David cha.

A Ch'an̈ Schab'l Libro Samuel 3:35

Xlajw cha, xjaw smasnil eb' chon̈b' 'a David, 'ix tew 'och eb' 'a 'a, sec tzwa jab'oc, ya' sb'a mantzac 'em c'u, palta xya'n David sti', xyaln 'ixtic: —A cab' Dios tz'a'n 'och yailal 'a wib'n̈ si'mb'il, toto tzin wa'i, mto tzin c'ux junc tas 'a yic mantzac 'em c'u, xchi.

A Ch'an̈ Schab'l Libro Samuel 3:9

Ya' cab' cot Jehová yailal 'a wib'n̈ si'mb'il, toto matz wa'ch in b'a yet' David yic tz'el'ch 'icha yutjnac Jehová ya'n can sti 'a 'a.

A Ch'an̈ B'ab'el Libro Yic Yab'ixal Eb' Rey 19:2

Yuj cha, 'ix schecn 'at 'ix Jezabel jun schecb' 'a Elías yic tz'at ya'nc 'ix alxc 'a 'ixtic: A cab' eb' in diosal tz'a'n cot yailal 'a wib'an̈, toto mantzac ach cham wuj yab'n 'icha hora tic q'uic'an, 'icha 'ix otj a miln ewin schecb' in diosal cha, xchi 'ix.

A Ch'an̈ B'ab'el Libro Yic Yab'ixal Eb' Rey 20:10

Ax win Ben-adad cha, 'ix ya'n 'at pax eb' schecb' chi 'a win Acab, xya'n yal eb' 'ixtic: A cab' eb' dios tz'a'n 'och in yailal, toto matz techj yi'n cot eb' in soldado junjn jopoc spococal Samaria cha, xchi winac, xchi eb'.

A Ch'an̈ Schab'il Libro Yic Yab'ixal Eb' Rey 6:31

Xlajw cha, 'ix yaln win 'ixtic: ¡Cotcn cab' yowl sc'ojl Dios 'a wib'an̈, toto matz wac' 'ijxoc 'el sjolm Eliseo, yunnal Safat 'a jun c'u tic! xchi win rey cha.

Salmos 64:8

Mun a spaxti eb' chi 'oj 'a'nc telwoc; ax smasnil mach 'oj 'ilnc eb', 'oj b'uchxoc eb' yuj eb'.

Pr 20:2

A junc rey caw wal ow, lajn wal 'icha junc no león tz'el yaw yic tzcot yowal; a mach tzte'wtzej sb'a stzuntzni, 'ay smay scham yu'uj.

Ec 10:12

Toto tzon̈ paxtinec yet' qui jelnal, wach' tzalx 'ayn̈ec yuj qui paxti cha, palta toto tzon̈ paxtinec yet' qui man̈ nab'enal, mun tzquijec cot 'a quib'an̈.

Lc 19:22

Yuj cha, xyaln pax win 'ixtc 'a 'a: Ach tic cob' moso ach, palta caw may a ch'olnil. Yuj wal jun tzo'n̈ tas xal tic, 'oj ach in b'eyc'ojloc. 'In ojc xoni ch'an in. Toxn̈ej tzin chaj wico'oc tas tzyac' ganar junc xo 'anma'. Toxn̈ej tzin jach'a, palta may tas tzwawej.

Rt 1:17

A wal 'aj 'oj a chami, ata pax 'oj in chami, ata tzin nib'j tzin mucxi. Ya' cab' Jehová in yailal, toto tzach wactj cani, masnto a chamel a 'oj pojnc qui nan̈l et'oc, xchi 'ix.

A Ch'an̈ B'ab'el Libro Samuel 14:44

—Ya'ch cab' Dios junc niwquil yailal 'a wib'an̈ toto ach tic, ma'oj a chami, xchi Saúl.