A Ch'an̈ B'ab'el Libro Yic Yab'ixal Eb' Rey 2:15 - Chuj San Sebastian Bible

¹⁵ —'In ojc ach tic, to a jun 'opiso yic reyal, wic xon yaji, ax smasnil eb' quit israelal tan̈b'il yuj eb', b'a'n̈ tzin 'och reyal. Ax ticnec, a ni wu'tac 'ix 'och reyal, yujto a Jehová a 'ixta 'ix 'utni.

Chuj San Mateo Bible

¹⁵ —Ojtac to toxonton vic yaj jun reyal tic. Ix stan̈vej masanil chon̈ab' Israel b'aq'uin̈ tzin och reyal. Axo ticnaic jun, axo vin̈ vuc'tac ix och reyal chi', yujto icha chi' ix aj snaan Jehová.

A Ch'an̈ B'ab'el Libro Yic Yab'ixal Eb' Rey 2:15 ပူးပေါင်းရင်းမြစ်များ

A Ch'an̈ Schab'l Libro Samuel 12:24

'Ix ya'n David sniwnal sc'ojl Betsabé, 'ix wayx win yet' 'ix yistzil cha. Xlajw cha, x'alj junx yune 'ix yet' David, 'ix ya'n eb' sb'ic Salomón. Ax jun 'unn cha, caw wal chamc'ojlb'il yuj Jehová.

A Ch'an̈ Schab'l Libro Samuel 15:13

'Ay jun win alm 'ab'x xjaw 'a David, 'ix yaln win 'ixtc 'a 'a: A eb' quit israelal smasnil, junxn̈ej xyutj sb'a eb' yet' Absalón, xchi.

A Ch'an̈ Schab'l Libro Samuel 15:6

'Ixtan̈ej xyutj win smasnil eb' yit israelal xjaw sb'oyaj sb'a 'a win rey cha. Ax x'aji, xmontchj eb' israel chi yuj winac.

A Ch'an̈ Schab'l Libro Samuel 16:18

'Ix ta'w win Husai 'ixtc 'a win Absalón cha: —Ma'ay, a mach tzsi'l Jehová 'a scal eb' quit chon̈b' tic, atn yet' tzin cani.

A Ch'an̈ Schab'l Libro Samuel 3:3

win schab'il, atn Quileab win yune 'ix Abigail, 'ix yistl can win xi'lb'a Nabal 'aj Carmel; win yoxil, atn Absalón win yune 'ix Maaca, 'ix yisl Talmai win sreyl Gezur;

A Ch'an̈ Schab'l Libro Samuel 3:4

win schan̈il, atn Adonías win yune 'ix Haguit; win yo'il, atn Sefatías win yune 'ix Abital;

A Ch'an̈ Schab'l Libro Samuel 7:12

A yic 'oj lajwc c'och a q'uinal, yic 'oj a chami, an 'oj wa'ch junc eb' onnal reyl a jeloc, ax wa'n yic' yip yopiso cha.

A Ch'an̈ B'ab'el Libro Yic Yab'ixal Eb' Rey 1:25

Yujto a ticnec, til wal no mam wacax, no quelmtac wacax, yet' no calnelu 'ix smil winac. 'Ix yawtn win eb' onnal mamin rey yet' eb' scapitan̈il eb' a soldado, yet' pax Abiatar ya'mal 'och qui ti 'a Dios. A ticnec wan swa eb', wan yu'n eb' tas tzyu'j yet' winac, caw wal tz'el yaw eb', tzyaln eb' 'ixtic: ¡Viva win rey Adonías! xchi eb'.

A Ch'an̈ B'ab'el Libro Yic Yab'ixal Eb' Rey 1:38

Xlajw cha, 'ix 'ajx q'ue Salomón 'a yib'n̈ no smula win rey David yuj eb' tic: Sadoc, Natán, Benaía yunnal Joiada, eb' quereteo, yet' eb' peleteo. Xlajw cha, xyi'n 'at eb' win 'a spac'b'a 'a Guihón.

A Ch'an̈ B'ab'el Libro Yic Yab'ixal Eb' Rey 1:39

Ax Sadoc 'ix yij cot aceite 'a scajnub' Dios, 'ix ya'n q'ue 'a sjolm Salomón, 'ixtnta 'ix yutj eb' ya'n 'och reyal. Xlajw cha, 'ix yutz'n eb' no sch'ac calnelu, caw wal tz'el yaw smasnil chon̈ab': ¡Viva win rey Salomón! xchi eb'.

A Ch'an̈ B'ab'el Libro Yic Yab'ixal Eb' Rey 1:5

Ax Adonías yunnal David yet' 'ix Haguit, 'ix snib'j x'och reyl 'a mun yol yico'. 'Ix yi'n 'at jun tzo'n̈ caruaje yic owal, yet' eb' soldado 'ay q'ue 'a yib'n̈ chej, yet' nan̈l ciente soldado 'aych yet'oc.

A Ch'an̈ B'ab'el Libro Yic Yab'ixal Eb' Rey 2:14

'Ix syamn 'och win yal 'ixtic: 'Ay jun in nab'en tzwul wal 'ayach, xchi winac. —Al 'an, xchi 'ix.

A Ch'an̈ B'ab'el Libro Yic Yab'ixal Eb' Rey 2:16

A ticnec jun, 'ay jun tas tzin nib'j tz'ac' a b'a yu'uj, palta man̈ a mac'q'ui, xchi winac. —Al 'an, xchi 'ix.

A Ch'an̈ B'ab'el Libro Yic Yab'ixal Eb' Rey 2:22

—¿Tas yuj tzwul a c'an 'ix Abisag yuj win Adonías cha? 'Icha to tzwul a c'ana', sec tzwac' wopiso tic 'a 'a, yujto in b'ab'l 'u'tac. 'In ojtac 'aych pax Abiatar ya'mal 'och sti eb' 'anma 'a Dios yet' winac, an̈jtona pax Joab yune 'ix Sarvia, 'aych pax yet'oc, xchi win rey 'a snun.

Pr 21:30

Wach'xam 'ay mach jelan, 'ay snab'en, toxn̈ej niwn tas yojtac, palta matz tac' stenn 'och wan snib'b'en Jehová.

Dn 2:22

Ach tzac' cojcoc 'el jun tzo'n̈ tas caw 'ajltac snachj 'eli, yet' jun tzo'n̈ tas c'ultac yaji. Ojc tas 'ay 'a scal q'uic'q'uinal, yujto 'aj sacq'uinl ach.