A Ch'an̈ B'ab'el Libro Yic Yab'ixal Eb' Rey 19:16 - Chuj San Sebastian Bible

¹⁶ Ax win Jehú yunnal Nimsi, a win tza si'ch sreyloc chon̈b' Israel. Ax win Eliseo yunnal Safat, win 'aj chon̈b' Abel-meholá, a win tza si'x can 'och in checb'oc a jeloc.

Chuj San Mateo Bible

¹⁶ Axo vin̈aj Jehú yin̈tilal vin̈aj Nimsi tza sic'paxcaneli yic ol och vin̈ sreyaloc Israel. Axo vin̈aj Eliseo yuninal vin̈aj Safat aj Abel-mehola, tza sic'canel vin̈ yic ol och vin̈ in checab'oc a q'uexuloc.

A Ch'an̈ B'ab'el Libro Yic Yab'ixal Eb' Rey 19:16 ပူးပေါင်းရင်းမြစ်များ

A Ch'an̈ Schab'l Libro Samuel 21:8

'Ix syam win rey chawn̈ eb' yune 'ix Rizpa, yisl win Aja, atn eb' yune 'ix yet' win Saúl, atn win Armoni, yet' win Mefi-boset. 'Ix syam pax win own̈ eb' yune 'ix Merab, yisl Saúl, atn eb' yune 'ix yet' win Adriel, win yunnal Barzilai 'aj Mehola.

A Ch'an̈ B'ab'el Libro Yic Yab'ixal Eb' Rey 1:34

Ach xo Sadoc yet' ach Natán 'ac' q'ue aceite 'a sjolm ni Salomón. Tzeyutz'j no sch'ac calnelu, yic tze ch'oxn 'eli to a ni tz'ochcn reyl 'a yib'n̈ eb' quit israelal. Tz'el eyaw tzeyaln 'ixtic: ¡Viva win rey Salomón! xe chi.

A Ch'an̈ B'ab'el Libro Yic Yab'ixal Eb' Rey 4:12

Baana yunnal Ahilud, a 'ajcuenta yi'n cot jun tzo'n̈ chi 'a Taanac, 'a Meguido yet' 'a smasnil yol yic Bet-seán. A jun cha, junn̈j yaj yet' Saretán 'a yaln̈ 'emt Jezreel, tzchaj cot 'a Bet-seán, masnto tzc'och 'a Abel-meholá, yet' 'a junx scaxpil yic Jocmeam.

A Ch'an̈ Schab'il Libro Yic Yab'ixal Eb' Rey 2:1

A yic jab'xoj sc'och sc'ul yijx 'at Elías yuj Jehová 'a satchan̈ 'a scal jun chacxuxm'ic', a yic cha, 'ix cot win yet' Eliseo 'a Gilgal.

A Ch'an̈ Schab'il Libro Yic Yab'ixal Eb' Rey 2:15

A yic 'ix yiln eb' schecb' Dios 'ayc' 'a Jericó cha, atn eb' najt xcan lin̈n yil eb', 'ix yaln eb' 'ixtic: A jun espíritu yic yopiso Elías a x'ochx can 'a Eliseo tic, xchi eb'. Xlajw cha, 'ix cot eb' wul scha', 'ix 'em n̈ojn eb' 'a yojltac.

A Ch'an̈ Schab'il Libro Yic Yab'ixal Eb' Rey 2:9

Ax yic tox 'ix c'axw 'ec' eb', 'ix yaln Elías 'a Eliseo 'ixtic: —Al 'ayin tas tza nib'j tzwac' 'ayach, ya' sb'a mantzac in 'ijx 'el 'a a tz'ey, xchi Elías. —Tzin tew 'ayach, comnoc cha'ejm tzotj a'n can espíritu yic opiso 'ayin, 'icha to a b'ab'l 'unnal tzin 'ajcn a jeloc, xchi Eliseo cha.

Lc 4:27

An̈jtona', tze na cot pax yab'xil jun schecb' Dios Eliseo sb'i. Til wal eb' quit israelal yamchjnac yuj lepra. Palta may junc eb' b'oxnc yuj Eliseo cha, an̈j jun win man̈ israeloc 'aj Siria, Naamán sb'i, an̈j win b'oxnc yu'uj, xchi Jesús 'a eb'.

Jueces 7:22

Ya' sb'a tzyutz'j eb' 'oxe ciente israel chi scacha, ax eb' soldado madianita cha, 'ix ya'n Jehová somchjoc eb'. Mun a eb' xlaj smil cham sb'a 'a scamplamento cha. 'Ay pax eb' xlaj 'at 'eloc, masnto xc'och eb' 'a Bet-sita 'a stojlal cot Serera, 'a sti smon̈jonal lum Abel-mehola 'a stz'ey Tabat.

A Ch'an̈ B'ab'el Libro Samuel 18:19

Ax wal 'a yic xc'och stiempoal ya'n Saúl 'ix yisl chi yistloc cob' David, ax x'aji, a 'a win Adriel win 'aj Meholá, ata xyac' Saúl 'ix yisl cha.