A Ch'an̈ B'ab'el Libro Yic Yab'ixal Eb' Rey 19:11 - Chuj San Sebastian Bible

¹¹ 'Ix yaln Jehová 'a 'ixtic: 'Eln̈ta, tzach jaw lin̈n 'a wojltac an Jehová in 'a lum jolm witz tic, yujto 'oj wec' 'a tic, xchi. —'Ix ya'n cot jun niwquil 'ic', 'ix laj jat eb' q'uen niwc tenam, palta man̈ 'ayc 'och Jehová 'a scal 'ic' cha. Xya'n cot pax Jehová jun quixcab', palta man̈ 'ayc 'och Jehová 'a scal jun quixcab' cha.

Chuj San Mateo Bible

¹¹ Ix yalan Jehová chi' d'a vin̈: Elan̈ d'a chi' tzach och lin̈an d'a vichan̈ d'a jolom vitz tic, yujto ol in ec' ta', xchi d'a vin̈. Ix yac'ancot jun nivan ic' Jehová chi', ix laj pojb'at q'uen tenam yuuj, palta man̈ ayocochlaj d'a scal jun ic' chi'. Ix lajvi yec' jun ic' chi', ix yac'anpaxcot jun quixcab'. Palta an̈eja' man̈ ayocochlaj d'a scal jun quixcab' chi'.

A Ch'an̈ B'ab'el Libro Yic Yab'ixal Eb' Rey 19:11 ပူးပေါင်းရင်းမြစ်များ

Ez 1:4

Xlajw cha, xwiln scot jun niwquil 'ic' yet' jun niwquil 'asn 'a stojlal norte. A 'a scal cha, ata 'aych pax jun c'ac' caw tzn̈iln̈ni sc'aq'uil, jub'lji yec' sletz'lomal. Ax 'a scal jun c'ac' cha, ata 'aych jun tas caw tzictzni, lajn wal stzictznil yilx 'icha q'uen bronce.

Salmos 50:3

'Oj jawc qui Diosalec, palta man̈toc sictac 'oj 'aj sjawi. 'Ay jun c'ac' b'ab'l sjaw yu'uj, a jun chi tzsatn 'el smasnil tas. Oyn 'och pax jun niwquil 'ic' 'a 'a.

Is 30:30

A Jehová 'oj yac' 'ab'xoc sjaj to caw 'ay smay, chan̈ sq'ue yaw, ax sch'oxn 'el spoder. 'Oj ya' cot yowl sc'ojol, lajn wal 'icha sn̈ilchj te c'ac' tzsatn 'el smasnil tas, 'oj ya' cot chacxuxm'ic', niwc yaxn̈ab' yet' sacb'at.

Job 38:1

Xlajw cha, 'ix paxtin Jehová 'a win Job 'a scal jun chacxuxm'ic', 'ix yaln 'ixtic:

A Ch'an̈ Carta D'a Eb' Hebreo 12:26

A 'a pecti cha, yic spaxtini, caw 'ib'xnac sat lum tic yuj yol sjaj. Palta ax ticnec, tzyal 'ixtic: A 'a jun 'ejm xo, man̈ cojnoc sat lum 'oj wac' 'ib'xoc. An̈jtona', 'oj wac' 'ib'xoc pax satcha'an̈, xchi.

Ez 37:7

'Ix waln 'a eb' 'icha xyutj yaln 'ayn cha, ax xwab'ni, 'ay jun tas 'ix c'an̈i, ticni to quixcab' jun cha, ax jun tzo'n̈ b'ac cha, xlaj schan pax sb'a eb'.

Salmos 68:8

A yic cha, caw x'ib'x lum lum o'oj, 'ix cot n̈ab' 'a satcha'an̈. X'ib'x lum tzaln Sinaí 'a ojltac ach qui Diosal an̈ israel on̈ tic on̈.

Ex 34:2

Tza'n lista a b'a 'a sq'uin̈b'il q'uic'an yic tzach jaw 'a wojltac 'a sjolm lum witz tic.

Ex 19:20

A wal 'a schan̈il sjolm lum witz cha, ata x'eml Jehová, xyaln 'a Moisés to tzq'ue'ch 'a 'aj 'ayc' cha, yuj cha, 'ix q'ue'ch win 'a 'aj 'ix 'awtx q'ue cha.

Apoc 20:11

Xlajw cha, xwiln jun wocn 'ejm 'a jun niwquil despacho caw sac. Ax 'a yojltac, ata 'ix satl yolyib'n̈q'uinal, yet' satcha'an̈. Man̈x 'a 'aj 'ix 'ilchj jac sc'ajil.

Apoc 16:18

Yajn̈j wal cha, x'ec' jun tzo'n̈ raya. 'Ix laj c'an̈ c'u. 'Ay pax jun tzo'n̈ xo tas xlaj c'an̈i. 'Ix 'ec' wal jun niwquil quixcab'. Yictax mant 'a 'anma 'a yolyib'n̈q'uinal, mant xon junc quixcab' 'e'nc 'icha jun cha.

Apoc 11:19

Xlajw cha, 'ix jacw yatut Dios 'a satcha'an̈, caw checl 'elt scaxail strato Dios 'a 'a. Yajn̈j wal cha, til wal xc'an̈ c'u, 'ix laj 'ec' raya. 'Ay jun tzo'n̈ xo tas xlaj c'an̈i. 'Ix 'ec' pax jun niwquil quixcab'. 'Ix jaw pax jun tzon̈ niwc sacb'at.

Ex 24:18

'Ix 'at Moisés 'a scal jun 'asn cha, masnto xq'ue'ch 'a sjolm lum witz cha, ata 'ix can chawinc c'u, yet' chawinc 'ac'wal.

Ex 24:12

'Ix yaln pax Jehová 'a Moisés chi 'ixtic: —Q'uen̈ta 'a sjolm lum witz 'a 'aj 'ayn 'ec' tic, tzach jaw 'a in tz'ey, yujto 'oj wac' chapachn̈ q'uen q'uen 'ayach, 'a 'aj tz'ib'b'il 'och jun tzo'n̈ in checnb'il wu'uj, yic tz'och e cuynb'iloc, xchi Dios.

Mt 28:2

Ax yic wan sc'och eb' ta', 'ix 'ec' jun quixcab' caw ow, yujto a jun yángel Cajlil a 'ix 'emt 'a satcha'an̈, 'ix c'och 'a jun q'uen cha. Slocn 'elt q'uen smac cha, 'ix 'em wocn 'a yib'an̈.

Zacarías 4:6

'Ix yaln pax jun ángel chi 'ayn jun 'ejm xo: A Jehová tztac' yuj smasnil a tzaln jun tzo'n̈ paxti tic 'ixtc 'a win Zorobabel: Man̈ yujoc eb' soldado, man̈ yujoc pax yip junc mach, ax sta'n o'oj, palta yuj Wespíritu.

Nahúm 1:3

A Jehová, man̈ c'unoc scot yowal, palta caw 'ay spoder, yowlal tzya'ch yailal 'a yib'n̈ eb' tz'och smul. A 'a yib'n̈ chacxuxm'ic', ata tzb'eyq'ui, ax 'asun, 'icha spoccal yoc tzq'ue wa'an, 'ixta yaji.

Ex 34:6

'Ix 'ec' Jehová 'a yojltac Moisés, caw 'ip 'ix yutj yalni: —An ton Jehová in, Jehová in b'i. Caw wach' in nab'en, tz'o'ch in c'ojl 'a eb' 'anma', caw 'ay in niwnc'ojlal 'a yib'n̈ eb', yujto caw yel 'ay in chamc'ojlal. Tzwac' 'el'choc tas tzwala.

Ex 20:18

Smasnil eb' israel cha, 'ix yab' eb' sma'n sb'a c'u, x'oc' q'uen trompeta, xyiln eb' yec' letz'lo'om, xyiln eb' sq'ue stab'l sjolm lum witz Sinaí. 'Ix xiw chan̈ eb', yuj cha, snitzn 'el'ch sb'a eb'.

Mt 24:7

'Ay jun tzo'n̈ niwc chon̈b' 'oj yac' owl sb'a yet' yit niwc chon̈b'al; ax ya'n owl sb'a eb' yajl yet' eb' yit yajlil. Til wal 'aj 'oj yamchjc eb' 'anma yuj yab'il, 'oj jawc pax wejl 'a yib'n̈ eb'. Til wal 'aj 'oj 'ec' pax quixcab'.

Zacarías 14:5

Ax xo tic, 'oj e 'at 'eloc. 'Oj eyel 'a jun pan̈n 'ay 'a snan̈l chab' lum tzaln cha, yujto a jun pan̈n cha, 'oj c'och to 'a Azal. Caw 'oj e 'at 'elc 'icha 'ajnc s'at 'elc eb' e mam eyicham yic yec' jun quixcab' 'a pecti', yic 'aych win Uzías reyl 'a Judá. 'Ixta to b'i'an, ax sjaw Jehová qui Diosalec yet' smasnil eb' yico'.

A Ch'an̈ B'ab'el Libro Samuel 14:15

Smasnil eb' filisteo 'ayc' 'a yol scamplamento cha, yet' eb' pucnc 'el 'a spatquil 'eli, caw x'och jun niwquil xiwc'ojlal 'a eb', yet' eb' caw jeln 'a owal, caw xiw eb'. A wal 'a jun rato cha, 'ix 'ec' jun quixcab' 'a sat lum lum cha, 'ixtnta xyutj Dios ya'n cot jun niwquil xiwc'ojlal 'a scal eb'.

Ex 19:16

Ax yic sacb' 'el 'a schab'jil cha, caw tz'ec' letz'lo'om, tzc'an̈ pax c'u, 'ay jun niwquil q'uic' 'asn x'och 'a sjolm lum witz cha. Ax xyab'n eb' caw 'ip 'ix 'oc' jun q'uen trompeta 'a sjolm lum witz cha, smasnil eb' 'anma 'ayc' 'a yol smantiado, caw 'ix xiw eb'.

Salmos 68:9

Man̈x jantcoc n̈ab' 'ix a' coti, sec tzya'xb' pax sat lum tacn̈ lum jun 'ejm xo.