A Ch'an̈ B'ab'el Libro Yic Yab'ixal Eb' Rey 18:7 - Chuj San Sebastian Bible

⁷ A yic wan yec' win Abdías sayj yan̈ chej cha, a yic cha, 'ix 'el-l win Elías 'a yol b'e. Yajn̈ej 'ix yiln 'ochi. 'Ix 'em n̈ojnjoc win 'a yojltac, 'ix yaln 'ixtic; —¿Mamin, man̈oc ach am Elías ach? xchi.

Chuj San Mateo Bible

⁷ Ayic van yec' vin̈aj Abdías sayoj yan̈ chej chi', ix schalaj sb'a vin̈ yed' vin̈aj Elías chi'. Ayic ix yilanoch vin̈aj Elías chi' vin̈, ix em n̈ojan vin̈ d'a yichan̈ vin̈, ix yalan vin̈: —Mamin, ¿toc a ach tic Elías ach? xchi vin̈.

A Ch'an̈ B'ab'el Libro Yic Yab'ixal Eb' Rey 18:7 ပူးပေါင်းရင်းမြစ်များ

Gn 18:12

Yuj cha, ton̈j stzewj 'ix 'a yol sc'ojol, yic xyab'n 'ix yalx jun cha, 'ix snan 'ix 'ixtic: ¿Tasto wal 'oj wutc in nib'n jun tic, 'in chichm inx 'ix, yet' 'ichm winc xo win wichmil tic? xchi 'ix.

Gn 18:2

ax xyilni lin̈n 'ec' 'oxwn̈ winc 'a yojltac 'ati. A yic 'ix yiln cha, yajn̈j wal cha, 'ix 'at win 'at scha eb' muc'uc. Xlajw cha, x'em n̈ojnjoc win 'a sat lum 'a yojltac eb'.

Gn 44:16

Xta'w win Judá 'ixtic: —¿Tasto wal tzcutj ta'wc qui b'a 'aych mamin? ¿Tasto wal tzcutj calni to wach'n̈ on̈? A Dios tox 'ix 'ilchj qui mul yuj on̈. A ticnec caj 'a ojltac on̈, tztac' tzon̈ 'ochcn a checb'oc yet' win 'aj x'ilchj q'uet a vaso cha, xchi winac.

Gn 44:20

Yuj cha, xcaln 'ayach to 'ayt 'ec' qui mam on̈, cojn b'i'an to caw 'ichm winc xo; 'ayt pax junx win cu'tac on̈, slajb' 'unn winac, caw 'ichm winc xo win qui mam chi 'on̈, yic x'alj junx win cu'tac chi 'on̈. Al junx win junn̈j snun yet' winac, chamnc xo winac, yuj cha, caw tzalj qui mam yet' win on̈, yujto cojxn winac, xqui chi 'on̈.

Gn 44:33

Yuj cha, tzin tew 'och 'ayach, toq'ue tztac'a, an tzin can sjelc ni wu'tac tic a checb'oc. Comnoc tza'l ni 'a libre tz'atx ni yet' eco wu'tac tic.

Gn 50:18

A yic xc'och ewin yu'tac 'a yojltac, x'em n̈ojnjoc eb' masnto x'emch snan̈l sat eb' 'a sat lu'um, xyaln ewin 'a 'ixtic: —An̈ tic on̈ wu'tac, a checb' caj on̈, xchi ewinac.

A Ch'an̈ Schab'l Libro Samuel 19:18

Yajn̈ej 'ix 'ec' eb' 'a yojl a muc'uc, yic tzcolwj eb' yi'n e't eb' yunnal win rey cha, yet' 'a jun tzo'n̈ xo eb'. Yic mantzac sc'axptej win rey a Jordán cha, 'ix c'och win Simei 'a yojltac winac, 'ix 'em n̈ojnjoc.

A Ch'an̈ B'ab'el Libro Yic Yab'ixal Eb' Rey 11:29

'Ay jun 'ejem, 'ix 'elt Jeroboam chi 'a sti 'elt chon̈b' Jerusalén. Ax x'aji 'ix schan sb'a 'a yol b'e yet' win schecb' Dios tzcuch Ahías 'aj chon̈b' Silo. A win Ahías tic, 'aych jun spotil, caw 'a'to, sch'ocj eb' 'ayc' 'a yol b'e chi schawn̈il.

A Ch'an̈ B'ab'el Libro Yic Yab'ixal Eb' Rey 18:8

—N', an toni, 'at al 'a win Acab cha, to a 'a tic 'ayn 'eq'ui, xchi.

Is 60:14

A smasnil yin̈tl eb' ex laj 'ixtn cha, 'oj jawc eb' wul yic' 'ejm sb'a 'ayex. Smasnil eb' xlaj chichnc 'och 'ayex, 'oj wul yal sb'a eb' 'ayex, ax yaln eb' eyu'uj to in chon̈b' ex. A chon̈b' Sión Yicn̈ej Jehová Yaji, atn jun Dios To Cojxni, 'oj schic eb'.

Nm 12:11

Yuj cha, 'ix yaln Aarón 'ixtc 'a Moisés: ¡'Ac' wal niwnc'ojlal 'ayn̈ on̈ mamin, man̈ a'ch jun yailal tic 'a quib'n̈ on̈, yuj qui man̈ nab'enal on̈, yuj cha, 'ix 'och qui mul on̈!

Mt 11:8

¿Tas xit' eyiljnac jun? ¿Tom a junc winc caw wach' yaj yet' spichl xit' eyiljnac? 'In a eb' caw wach' yaj yet' spichl cha, a 'a yol yatut eb' rey 'ayc' eb'.

Mt 3:4

A Juan cha, a xil no cameyo 'aych spichloc, ax sjalul tz'u'um. A jun tzo'n̈ noc' 'icha b'ojch'in a tzchi'a; ax no calte'al yal chab' tzyuq'uej.

A Ch'an̈ B'ab'el Libro Samuel 20:41

Cojnn̈ej x'atcn win quelm cha, 'ix 'elt David chi 'a yen̈l q'uen q'uen cha. 'A yic x'elt cha, 'ix 'em n̈ojnjoc 'a yojltac Jonatán 'ox'ejem, masnto x'emch snan̈l sat 'a sat lu'um. Xlajw cha, stz'ub'lan 'elt eb' sti', 'ix 'oc' eb' schawn̈il, ax David caw 'ix 'oc' si'mb'il.