A Ch'an̈ B'ab'el Libro Yic Yab'ixal Eb' Rey 18:44 - Chuj San Sebastian Bible

⁴⁴ Ax 'a yuc 'ejmal cha, xyaln win 'ixtic: —'Ay jab' 'asn tzwilb't 'a yib'n̈ a mar, lajn yilx 'at 'icha junc sc'ab' 'anma', xchi. —'Ixc muc'uc, 'at al 'a win Acab, to tzyac' lista win e no schej tzto'n scaruaje yic tz'at winac, sec man̈toc 'oj macxoc can cot win yuj n̈ab' cha, xchi.

Chuj San Mateo Bible

⁴⁴ Ayic ix lajvi xid'ec' vin̈ d'a yuquelal chi', ix yalan vin̈: —Ay val tzin jab' asun d'a yib'an̈ a' mar chi', smuslaj yuj junoc co c'ab', xchi vin̈. Ix lajvi chi' ix yalan vin̈aj Elías chi' d'a vin̈ icha tic: —Ixic al d'a vin̈aj Acab to syac' lista noc' schej vin̈ stoc'an carruaje yic spax vin̈, tato maay, majxo ta yal sc'och vin̈ d'a spat yuj n̈ab', xchi vin̈.

A Ch'an̈ B'ab'el Libro Yic Yab'ixal Eb' Rey 18:44 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 18:43

'Ix yaln 'ixtc 'a win schecb' ajun yet'oc: —'Ixc 'a lum jolm witz, tzach 'at q'ueln 'a yib'n̈ 'a mar, xchi. 'Ix 'at winac, 'ix 'at q'ueln win 'a yib'n̈ a mar cha, xlajw cha, xyaln 'a win Elías 'ixtic: —May xon jac tas xwila, xchi winac. Uc 'ejm xyal Elías chi 'a winac to tz'at yila'.

Job 8:7

Wach'xam 'ay tas 'aych xon 'a yic yalan̈, palta a tas 'oj 'ajxoc pax 'ayach, man̈x lajnoc yet'oc, yel xo wal niwn tas 'oj a cha'.

Miqueas 1:13

Ax xo cajn ex 'a chon̈b' Laquis, caw pitx 'icha eb' israel. Yuj e pitl cha, x'och smul eb' 'aj Sión. 'A'c stoc' e no chej jun tzo'n̈ e caruaje yic owal.

Zacarías 4:10

A jun tzo'n̈ eb' may yel'ch 'a sat yic 'ix 'el yich jun munljel cha, ax yic 'oj yilnc eb' to wan ya'n 'och Zorobabel plomo yic tztojlb'tzan 'och q'uen slajb' q'uen tz'och 'a watut cha, caw 'oj tzaljoc chan̈ eb', xchi Dios. Xlajw cha, 'ix yaln pax jun ángel chi 'ixtic: A uque cantil cha, a tzch'oxni 'icha to 'ay uque yol sat Jehová, yujto c'uxn tzyil smasnil yolyib'n̈q'uinal, xchi.

Lc 12:54

'Ix yaln Jesús jun tzo'n̈ xo tic 'ixtc 'a eb' 'anma cha: A yic tzeyilni, tzcot 'asn 'a 'aj tz'em c'u, yajn̈ej tzeyalni to 'oj yac' n̈ab'. 'Ixtn ton ta tz'aji.

A Ch'an̈ B'ab'el Libro Samuel 6:10

'Ix syiclni eb' filisteo chi sb'on 'icha x'aj yalx 'a cha. 'Ix yi'n cot eb' chawn̈ no nun wacx 'ay yune'. 'Ix ya'n eb' stoc' e no te caruaje cha. Ax e no cotc cha, 'ix smacn eb' e no 'a yol scolal.

A Ch'an̈ B'ab'el Libro Samuel 6:7

A ticnec, 'a'c b'o junc te 'ac' caruaje, tzeyi'n cot chawn̈oc no nun wacx 'ay yune', no may 'aj tzq'ue te yugo 'a sjolom. Tzeya'n stoc' e no te'. Man̈ e cha 'och tza'n e no cotc chi yuj snun cha. Tzeyij can meltzjoc e no', tze macn e no 'a yol scolal.