A Ch'an̈ B'ab'el Libro Yic Yab'ixal Eb' Rey 17:20 - Chuj San Sebastian Bible

²⁰ Yajn̈ej x'awj chan̈ 'a Jehová, 'ix yaln 'ixtic: Mamin Jehová in Diosal ach, ¿tom tza chaj cot wal scusc'ojlal 'ix chamnc yichmil tic? A pax 'a 'ix 'ay in posada, palta xcham pax win yune 'ix tic, xchi.

Chuj San Mateo Bible

²⁰ Val chi' ix yalan vin̈ d'a Jehová icha tic: Mamin Jehová in Diosal, ¿tas yuj tzac'cot cusc'olal d'a yib'an̈ ix ix tz'ac'an in posado tic, tza chaan cham vin̈ yune' ix tic? xchi vin̈.

A Ch'an̈ B'ab'el Libro Yic Yab'ixal Eb' Rey 17:20 ပူးပေါင်းရင်းမြစ်များ

Gn 38:10

Xcot yowl Jehová yuj tas tzb'o win Onán, yuj cha, 'ix yi'n pax 'ec' sq'uinl winac.

Gn 38:7

Caw tu sb'o win Er 'a sat Jehová, yuj cha, 'ix yi'n 'ec' Jehová sq'uinl winac.

A Ch'an̈ B'ab'el Libro Yic Yab'ixal Eb' Rey 17:19

—'A' cot win one cha, xchi Elías chi 'a 'ix. Schan 'ec' Elías jun 'unn chi 'a 'ix. Xlajw cha, xyi'n q'ue 'a jun cuarto 'a 'aj tzway 'a cha'an̈, sc'otn 'ec' 'a sat sch'at cha.

A Ch'an̈ B'ab'el Libro Yic Yab'ixal Eb' Rey 17:21

'Ox 'ejm yamn x'at lachn 'a yib'n̈ win 'unn cha, 'ix yaln 'ixtc 'a slesal: Mamin Jehová in Diosal ach, tzin tew wal 'ayach, comnoc tzac' pitzwc win 'unn tic, xchi.

A Ch'an̈ Schab'il Libro Yic Yab'ixal Eb' Rey 19:15

'Ix leslwi win 'ixtic: Mamin Jehová, qui Diosal ach an̈ israel on̈ tic on̈, b'achn 'ec' a despacho 'a scal eb' querubín, cojxn̈ej ach Dios ach 'a yib'n̈ smasnil nacion̈ 'a yolyib'n̈q'uinl tic. Ach 'ix a b'o satcha'an̈ yet' lum lu'um.

A Ch'an̈ Schab'il Libro Yic Yab'ixal Eb' Rey 19:4

Comnoc wal 'ix yab' Jehová qui Diosalec jun tzo'n̈ paxti 'ix yal win syajlil eb' soldado yic win sreyl chon̈b' Asiria checb'il cot yuj win rey yic tzb'uchwj 'a qui Diosal pitzan. Comnoc tzya'ch Jehová yailal 'a yib'an̈. Yuj cha, leslwan̈ cuj on̈, yuj jaywn̈ on̈ to tzon̈ cani, xchi Ezequías, xchi eb'.

A Ch'an̈ Schab'il Libro Yic Yab'ixal Eb' Rey 20:11

Xlajw cha, 'ix tew Isaías 'a Jehová, ax Jehová 'ix 'a'n meltzj lajn̈c'aj jun wewen chi 'a spatic, jun tz'ec' 'a sat sreloj Acaz.

A Ch'an̈ Schab'il Libro Yic Yab'ixal Eb' Rey 4:33

Yuj cha, 'ix 'och 'a yojl jun cuarto cha, smacn 'elt spuertail, 'ix leslwi 'a Jehová.

Salmos 99:6

A Moisés yet' Aarón 'aych eb' 'a scal eb' ya'mal 'och sti eb' 'anma 'a Dios. Ax Samuel 'ayc' 'a scal eb' xyal sb'a 'a Dios cha. A eb' tzyal sb'a 'a Jehová, tzta'w 'a eb', toto tzc'an eb' scolwal.

Ex 17:4

Caw 'ix tac sc'ojl Moisés yuj eb', 'ix tew pax 'a Jehová, xyaln 'ixtic: —¿Tas tzwutj eb' 'anma tic? Caw 'ijn tzin sjulq'uenej eb', xchi Moisés.

Jeremías 12:1

'Ix waln 'ixtc 'a Dios: Mamin Jehová, toto tzin a'ch 'a tejb'al et'oc, ach tic, caw wal tojln̈ej yaj tas tzala. Palta caw tzin nib'j tzin c'anb'j jun tzo'n̈ tas 'ayach. ¿Tas yuj caw wach'n̈j sc'ojl eb' maysch'olnil sb'eyb'al? ¿Tas yuj caw tzaljc'ojlaln̈ej yaj eb' cojn tas tu tzna'a?

Mt 17:21

[Palta a jun c'aj demonio tic, man̈ comnoc tz'eli. Cojn toto tzex leslwi, tzex 'och 'a c'ajb'c'ojlal, 'oj stac' eyi'n 'eli,] xchi 'a eb'.

Mt 21:22

Tzann̈j tas 'oj e c'ana', yic tzex leslwi, 'oj 'ajxoc 'ayex, toto tzeya'ch 'a e c'ojol, xchi 'a eb'.