A Ch'an̈ B'ab'el Libro Yic Yab'ixal Eb' Rey 17:18 - Chuj San Sebastian Bible

¹⁸ Yuj cha, 'ix yaln 'ix 'a Elías 'ixtic: —¿Tas waj et' ach schecb' Dios? ¿Tom yuj a'n in na cot in mul, yuj cha, xcham jun wune tic? xchi 'ix.

Chuj San Mateo Bible

¹⁸ Ix yalan ix d'a vin̈aj Elías chi' icha tic: —Ach schecab' Dios, ¿tas alan ic d'ayin? ¿Tom yuj snachajcot in mul yed' scham tzun vune' tic, yuj chi' ach javi? xchi ix.

A Ch'an̈ B'ab'el Libro Yic Yab'ixal Eb' Rey 17:18 ပူးပေါင်းရင်းမြစ်များ

Gn 44:16

Xta'w win Judá 'ixtic: —¿Tasto wal tzcutj ta'wc qui b'a 'aych mamin? ¿Tasto wal tzcutj calni to wach'n̈ on̈? A Dios tox 'ix 'ilchj qui mul yuj on̈. A ticnec caj 'a ojltac on̈, tztac' tzon̈ 'ochcn a checb'oc yet' win 'aj x'ilchj q'uet a vaso cha, xchi winac.

Gn 50:15

Yic xlajw xcham win Jacob, syamn 'och ewin yu'tac win José chi snani, xyaln ewin 'ixtic: A ticnec, tecn 'oj cot yowl win José tic 'ayn̈ec, tecn 'oj ya'x win spac 'icha cutjnaquec winac, xchi ewinac.

Gn 50:17

Tzin tew 'ayach, to tzac' niwnc'ojlal 'a yib'n̈ ewin o'tac tic, yuj tas tu sb'o ewin 'ayach, xchi. 'Ixta xyutj win yaln cani, yuj cha, an̈ tic schecb' on̈ qui Diosal yet' qui mamc cha, tzcal 'ayach, to tzac' niwnc'ojlal 'ayn̈ on̈, yuj jun tu nab'enal xcac' 'ayach, xchi ewinac. Ax yic xyaln ewin checb' chi schecnb'il, x'oc' chan̈ José.

A Ch'an̈ Schab'l Libro Samuel 16:10

'Ix ta'w win rey chi 'ixtic: —A jun tic, may eyaln eyic ax yune ex Sarvia tic 'a 'a. A jun 'ixta in sb'ajn cha, tecn a Jehová tz'a'n yala'. Toto 'ixta', ¿mach wal junc 'oj stac' stenn 'och wa'an? xchi.

A Ch'an̈ Schab'l Libro Samuel 19:22

Palta 'ix ta'w David, 'ix yaln 'ixtic: Ax yune ex 'ix Sarvia tic, may eyaln eyic 'a jun tic. ¿Tas yuj tzeyac' somchjoc in nab'en? A ticnec wojc xo chajtlto in 'ochx sreyloc eb' wit israelal, yuj cha, may junc mach 'oj stac' scham 'a yol qui chon̈b'ec 'a jun c'u tic, xchi David.

A Ch'an̈ B'ab'el Libro Yic Yab'ixal Eb' Rey 12:22

Palta 'ix yaln Jehová 'ixtc 'a win Semaías, atn win schecab':

A Ch'an̈ B'ab'el Libro Yic Yab'ixal Eb' Rey 13:1

A yic wan ya'n tz'a Jeroboam incienso 'a yib'n̈ jun yet'l xajmb'al cha, 'ix c'och jun schecb' Dios 'a Betel 'a 'a, ata xcot 'a chon̈b' Judá, caw a Jehová xchecn coti.

A Ch'an̈ B'ab'el Libro Yic Yab'ixal Eb' Rey 17:17

Xlajw ye'cn jun tzo'n̈ cha, 'ay jun c'ual 'ix 'och yab'il 'a win 'unn cha, caw wal ow x'ajch syailal winac, ax x'aji, 'ix chami.

A Ch'an̈ B'ab'el Libro Yic Yab'ixal Eb' Rey 17:19

—'A' cot win one cha, xchi Elías chi 'a 'ix. Schan 'ec' Elías jun 'unn chi 'a 'ix. Xlajw cha, xyi'n q'ue 'a jun cuarto 'a 'aj tzway 'a cha'an̈, sc'otn 'ec' 'a sat sch'at cha.

A Ch'an̈ B'ab'el Libro Yic Yab'ixal Eb' Rey 18:9

'Ix ta'w win Abdías chi 'ixtc 'a 'a: —¿Tas wal x'och in mulc 'aych mamin, yuj cha, tzin a'n 'och an a checb' in tic 'a yol sc'ab' win Acab, yic tzin smiln chamoc?

A Ch'an̈ B'ab'el Libro Yic Yab'ixal Eb' Rey 20:28

At wal cha, xjaw jun schecb' Dios 'a win sreyl Israel, 'ix yaln 'ixtc 'a winac: —'Ixtc wal xyutj Jehová yalni: Yujto a eb' sirio, xyal eb' to sdiosal in eb' lum niwc witz, man̈ sdiosaloc in lum pan̈n 'a'lic, yuj cha, 'oj wac' jun tzo'n̈ 'anma chi 'a yol a c'ab', sec 'oj ojcoc 'eli to Jehová Dios in, xchi Dios, xchi winac.

A Ch'an̈ Schab'il Libro Yic Yab'ixal Eb' Rey 1:9

Yajn̈j cha, 'ix schecn 'at win rey chi jun scapitan̈ yet' 50 soldado yic tz'at 'ijxoc cot Elías, ax yic xc'och eb' 'a 'a, chotn 'ec' 'a jun tzalan. Yuj cha, 'ix yaln jun capitan̈ chi 'ixtc 'a 'a: —Ach schecb' Dios, 'ix yal win rey tolab' tzach pax 'ejmi, xchi 'a 'a.

A Ch'an̈ Schab'il Libro Yic Yab'ixal Eb' Rey 3:13

Xlajw cha, 'ix yaln Eliseo 'ixtc 'a win sreyl Israel: —¿Tas waln wic et'oc? Ata cab' tzach 'at a c'anb'c 'a eb' schecb' scomn diosal a mam a nun sayjnac, xchi Eliseo cha. —Ma'ay, yujto a Jehová on̈ yamb'tzan an̈ 'oxwn̈ reyn̈ tic on̈, yic tzon̈ ya'n 'och 'a yol sc'ab' eb' moabita, xchi 'a 'a.

2 Cr 35:21

Ax Necao cha, 'ix schecb't eb' schecab', yic tz'at ya'nc alxc 'ixtc 'a Josías: Man̈ ac' owl wet' ach sreyl Judá, yujto man̈oc et' tzin jaw wac' owal, palta a yet' junx nacion̈ tzin jaw wac' owal. A Dios 'ix aln 'ayin to tzin c'olwip wa'n owal. 'Actj a ten a b'a yet' Dios, sec wach' matz ach satl yu'uj, yujto 'aych Dios wet'oc, xchi 'a 'a.

Job 13:23

Al 'ayin 'ajtil xlaj 'och in mul, 'ajtil 'ay tas tu xwutej. 'Ajtil 'ay chi 'aj in 'ec' 'a yib'an̈.

Job 13:26

Caw wal ya tas tzal 'ayn tzwab'i, tza c'anb'n cot 'ayin, 'aj xlaj 'och in paltail 'a yic quelm in 'unin.

Nm 5:15

A chab' nab'en tic, a win winc cha, tzyij 'at win 'ix yistl chi 'a yojltac win ya'mal 'och sti eb' 'anma'. Tzlajw cha, tzya'n chan̈e'oc libra 'ixm harina cebada 'icha ofrendail yuj 'ix. Matz secx 'ejm aceite 'a yib'n̈ 'ixim, matz 'ajx pax incienso yet'oc, yujto a jun ofrenda cha, yic c'a'lc'ojlal yaji, ofrenda yic tzya'n checljoc 'el 'ajmulal.

Mt 8:29

'Ix q'ue yaw eb' yaln 'ixtc 'a Jesús: —Jesús, ach Yunnal Dios, ¿tas aln ec 'ayn̈ on̈? ¿Tom tzach jaw on̈ wul extc mu'c on̈, yic mantzac jaw stiempoal? xchi eb' 'a 'a.

Mr 5:7

Yuj cha, xyaln Jesús 'ixtic: —Ach demonio 'eln̈ 'a winac, xchi. Xlajw cha, caw xq'ue yaw win yaln 'ixtic: —¿Tas aln ec 'ayn ach Jesús? Ach tic, Yunnal ach Dios niwn yel'chi. Tzin tew 'aych 'a sat Dios, man̈ in extoc, xchi winac.

Mr 6:16

Palta ax win rey Herodes cha, yic xyab'n jun tzo'n̈ cha, 'ix yaln 'ixtic: —A jun chi tzyal eb' cha, atn win Juan, win xwac' tzu'xoc 'el sjolom, a win xpitzw pax 'a scal eb' chamnac, xchi winac.

Lc 4:34

—Jesús 'aj Nazaret, 'actj on̈ can on̈. ¿Tas aln ec 'ayn̈ on̈? ¿Tom tzach jaw wul on̈ a satcn 'el on̈? Wojtac mach ach, ach tic sic'b'ilch 'el yuj Dios, xchi win 'a 'a.

Lc 5:8

Yic 'ix yiln Simón Pedro jun cha, 'ix 'em cumn 'a yojltac Jesús, 'ix yaln 'ixtic: —Mamin, mamtzac ej 'el a b'a 'a in tz'ey, yujto an tic caw 'ajmul in, xchi.

Lc 8:28

Yic xyiln win Jesús, 'ix 'em cumn win 'a yojltac. Ax Jesús xaln 'a win demonio cha to tz'el 'a winac. Yuj cha, caw xq'ue yaw win yaln 'ixtc 'a 'a: —¡Ach Jesús, Yunnal ach Dios yel xo niwn yel'chi! ¿tas aln ec 'ayin? ¡Tzin tew 'ayach, man̈ in extoc! xchi win 'a 'a. Til wal 'ejm tzyamchj win 'anma chi yuj win demonio cha, yuj cha, tzcob' jalx can 'ejm win yet' q'uen cadena yuj eb' 'anma', tz'och 'a yoc yet' 'a sc'ab'. 'Ixta tzyutj eb' sec matz mil sb'a winac. Palta ton̈j n̈i'chj 'at jun tzo'n̈ cadena chi yuj winac, yuj win demonio cha tzoyb'x 'at win 'a cusltac lu'um.

Jn 2:4

—Nunin, ¿tas yuj a 'ayn tzala? Mantzac c'och stiempoal in ch'oxn 'el in poder 'a eb' 'anma', xchi Jesús.

Jueces 13:6

Xlajw cha, x'at 'ix 'at yal 'a win yichmil cha, xyaln 'ix 'ixtic: 'Ay wal jun win schecb' Dios xjaw 'a 'aj 'ayn 'ec' cha. Caw wal sat in c'ojl yu'uj. Lajn wal yilx 'och 'icha junc eb' yángel Dios. Ma'ix in c'anb'j 'a 'a, 'ajtil xcoti, man̈oc 'ix aln pax sb'i 'ayin.

A Ch'an̈ B'ab'el Libro Samuel 16:4

'Ix syiclni Samuel sb'on tas xyal Jehová. Ax yic xc'och 'a Belén, 'ix 'elt eb' yichmtac wincal chon̈b' chi scha sc'och yet' xiwc'ojlal, 'ix yaln eb' 'ixtic: —¿Tas tzwul a b'o'? ¿Tzaljc'ojlal mto cusc'ojlal? xchi eb' 'a 'a: