A Ch'an̈ B'ab'el Libro Yic Yab'ixal Eb' Rey 17:1 - Chuj San Sebastian Bible

¹ 'Ay jun schecb' Dios Elías sb'i, ata cajn 'a chon̈b' Tisbe 'a yol yic Galaad. A aljnac 'ixtc 'a win Acab: An tic schecb' in Jehová qui Diosalec an̈ israel on̈ tic. 'A sat tzwaln can 'ayach, to man̈x 'oj yac' n̈ab' jaye'oc ab'il, man̈x 'a xon chicb'chan̈ 'oj 'em 'a 'ac'wal, masnto an 'oj walxi, xchi.

Chuj San Mateo Bible

¹ Ay jun vin̈ schecab' Dios scuchan Elías aj Tisbe d'a yol yic Galaad. A vin̈ ix alan d'a vin̈aj rey Acab icha tic: A in tic schecab' in Jehová co Diosal a on̈ israel on̈ tic, a val d'a yichan̈ Jehová svalcan d'ayach to man̈xo ol yac'laj n̈ab' d'a jaye' ab'il tic, malaj jab'oc yal ac'val ol emoc, masanto a in ol val junelxo, xchi vin̈.

A Ch'an̈ B'ab'el Libro Yic Yab'ixal Eb' Rey 17:1 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 17:12

'Ix ta'w 'ix 'a win 'ixtic: —'A sat Jehová a Diosal tzwaln 'ayach, to man̈x xon junc woch uyb'nac. Cojxn wal jun jop jab' in harina 'ay 'a yol in xalu yet' jab'x in aceite 'a yol yet'ul, cojn tzin c'och yet' chab' in c'atztz tic, ax in b'on jab'x chi in c'ux yet' jun wune'. 'Oj lajwc xoj cha, ax qui tan̈wni b'a'n̈ 'oj qui cham yuj wejl on̈, xchi 'ix.

A Ch'an̈ B'ab'el Libro Yic Yab'ixal Eb' Rey 17:2

Xlajw cha, xyaln Jehová 'a 'ixtic:

A Ch'an̈ B'ab'el Libro Yic Yab'ixal Eb' Rey 18:1

'Ix 'ec' 'oxe ab'il yic may n̈ab', xlajw cha, 'ix yaln pax Jehová 'ixtc 'a Elías: 'Ixic, 'at ch'oxx a b'a 'a win Acab, yujto 'oj wa'x cot n̈ab' 'a sat lum lum tic, xchi.

A Ch'an̈ B'ab'el Libro Yic Yab'ixal Eb' Rey 18:10

'A sat Jehová qui Diosalec tzwaln 'ayach, to may junc lum nacion̈, 'aj ma ach sayx 'ec' yuj win wajlil cha. 'Ix laj yalnc eb', to man̈ ach 'ayc 'ec' ta', yuj cha, xyaln win wajlil chi 'a jun tzo'n̈ nacion̈ cha, to tzyac' eb' sti 'a winac, sec to yel to man̈ ach 'ayc' 'ec' ta'.

A Ch'an̈ B'ab'el Libro Yic Yab'ixal Eb' Rey 18:15

—A Jehová tztac' yuj smasnil, 'a sat tzwaln 'ayach, atn jun tzwac' servil, to a 'a jun c'u tic tzin paxtin yet' Acab, xchi Elías cha.

A Ch'an̈ B'ab'el Libro Yic Yab'ixal Eb' Rey 22:14

'Ix ta'w win Micaías chi 'ixtc 'a winac: —'A sat Jehová tzwaln 'ayach, a tas 'oj yal Jehová 'ayin, atn chi 'oj 'at wala', xchi.

A Ch'an̈ B'ab'el Libro Yic Yab'ixal Eb' Rey 8:35

Q'uinloc 'oj 'och wan ya'n n̈ab' yujto tz'och qui mul 'ayach, yuj cha, tza'n 'och qui yailal, palta toto yajn̈ej tzon̈ jaw leslwoc 'aych 'a yol jun atut tic, tzcaln wach' paxti 'ayach, yic tzqui nan qui b'a yuj qui mul,

A Ch'an̈ Schab'il Libro Yic Yab'ixal Eb' Rey 1:3

Xlajw cha, 'ix yaln jun yángel Jehová 'ixtc 'a Elías 'aj Tisbe: 'Ixc muc'uc, 'at 'ilt eb' schecb' win sreyl chon̈b' Samaria, tzaln 'a eb' 'ixtic: ¿Tom may Dios 'a qui chon̈b' Israel, yuj cha, at 'a Baal-zebub sdiosal Ecrón ata tz'at e c'anb'c e b'a? xa chi 'a eb'.

A Ch'an̈ Schab'il Libro Yic Yab'ixal Eb' Rey 3:14

'Ix yaln Eliseo 'a 'ixtic: —Tzwac' in ti 'a yojltac Jehová jun tztac' yuj smasnil, jun 'aj 'ayn 'ec' 'a yojltac tic, toto may yel'ch Josafat 'a in sat, atn sreyl Judá tic, matz in chaj wab' tas tzala, matz in 'och xon q'ueln jac 'ayach.

A Ch'an̈ Schab'il Libro Yic Yab'ixal Eb' Rey 4:38

'Ix 'at Eliseo 'a Gilgal, yic caw ow ya'n jun niwquil wejl 'a jun chon̈b' cha, ax eb' schecb' Dios 'ayc' eb' yet'oc, yuj cha, 'ix yaln 'a jun schecb' chi 'ixtic: 'Ac' q'ue junc niwquil chen 'a yib'n̈ c'ac', tza b'on tas tzc'ux eb' schecb' Dios tic, xchi.

A Ch'an̈ Schab'il Libro Yic Yab'ixal Eb' Rey 5:16

Palta 'ix ta'w Eliseo 'a 'ixtic: —Tzwac' in ti 'a yojltac jun mach 'aj 'ayn 'ec' tic, atn Jehová, to matz in cha'aj, xchi. —Wach'xam 'ix tew 'och Naamán yic tzchani, palta ma'ix yal xon sc'ojl schani.

A Ch'an̈ Schab'il Libro Yic Yab'ixal Eb' Rey 5:20

ax win Giezi win schecb' Eliseo, 'ix snan 'ixtic: A win wajlil tic schaj 'at win Naamán 'aj Siria, toxn may jac schaj can win 'a jun tzo'n̈ yet' cha. Wal 'a sb'i Jehová tzin 'at 'a spatquil, yaln̈j tas 'oj wi'cn 'ec' 'a 'a, xchi.

2 Cr 21:12

A yic cha, 'ix schan Joram chi jun ch'an̈ scarta Elías, atn win schecb' Dios, tzyaln 'ixtic: A Jehová sDiosal a mam 'ichm David, a tzaln 'aych 'ixtic: Yujto man̈oc sb'eyb'al a mam Josafat wan a b'eylb'ani, man̈oc pax sb'eyb'al Asa sreyl Judá,

2 Cr 6:26

Q'uinloc 'oj 'och wan ya'n n̈ab' yujto tz'och qui mul 'aych on̈, yuj cha, tza'n 'och qui yailal, palta toto yajn̈ej tzon̈ jaw leslwoc 'aych 'a jun atut tic, tzcaln wach' paxti 'ayach, yic tzqui nan qui b'a yuj qui mul on̈,

Job 12:15

Toto tzyal sc'ojl man̈xtzac yac' n̈ab', ax smasnil tas 'ay 'a sat lum tic, c'uxn tztacj 'eli. Q'uinloc tzyal sc'ojl tzjac cot n̈ab', c'uxn tz'atx sat lum lum tic c'acpil yu'uj.

Is 49:18

'Ixc q'ueln 'a smasnil a tz'ey, wan laj syamnc pax sb'a smasnil eb' 'ijxnac 'at 'icha presoal, yic tzjapx eb' 'ayach. An Jehová in, mun tzin loc in b'i, tzwac' in ti 'ayach, to caw 'oj a b'an̈ a b'a yuj eb' a chon̈ab', atn eb' wan sjapx 'aych cha. 'Icha wal swach'l yilx tz'aj junc 'ix cob's 'ix yuj yixtal spichul yic tznupni, 'ixta wal 'oj aj yuj eb'.

Is 5:6

'Oj can 'a cusltacl wu'uj, may xon mach 'oj mesnoc 'el te sc'ab', may mach 'oj 'i'nc 'el ya'nil, 'oj q'uib'x chan̈ sc'ultcal, nab'a q'uix 'oj 'ajoc. Ax waln 'a 'asun, to man̈xtzac yac' cot n̈ab' 'a yib'n̈ jun lum cha, xchi win 'aj munljel cha.

Jeremías 14:22

Caw may junc comn dios 'a sdiosal eb' chuc chon̈b'al to tztac' ya'n cot n̈ab'. Matz tac' ya'n cot satchan̈ yaxn̈ab' 'a mun yol yico'. Mamin Jehová qui Diosal ach on̈, cojn ach ton tztac' a'n coti, yuj cha, caw tzach ca'ch yipc qui c'ojl on̈, xin chi 'a 'a.

Jeremías 15:19

Yuj cha, 'ix ta'w Jehová 'ayn 'ixtic: Toto tzach meltzj pax 'ayin, 'oj ach in cha pax jun 'ejm xo, 'ixta to b'i'an, 'oj stac' in a'n servil. Toto tza tench wan a b'a aln jun tzon̈ comn paxti', toto cojxn tas caw niwn yel'ch tzala, to 'ixta', ach 'oj a paxtin 'el in jeloc. A eb' 'anma 'oj chanc 'ab'nc a paxtini, man̈oc ach 'oj a cha ab' spaxtin eb'.

Jeremías 28:8

A jun tzo'n̈ schecb' Dios 'e'nc 'a pecti', 'a yic mantzac on̈ 'alj et'oc, yaljnac 'el eb' chajtlto 'oj jawc owal, yailal, yet' yab'il 'a yib'n̈ jun tzo'n̈ niwc nacion̈ to caw cob' 'ay yip.

Hageo 1:10

Yuj ton cha, man̈xtzac yac' n̈ab' 'a 'aj 'ayx tic, man̈x 'a pax sb'al lum lum tzyac'a'.

Mt 11:14

Toto tze nib'j tzeya'ch e c'ojl 'a tas yaljnac can Juan cha, 'oj nachjc 'el eyu'uj, to a jun cha, atn Elías tan̈b'il sjawi.

Mt 16:14

—'Ay eb' tzalni tolab' Juan Bautista ach. 'Ay pax eb' tzalni tolab' Elías ach. 'Ay pax eb' tzalni tolab' Jeremías ach, mto junc xo schecb' Dios 'e'nc 'a pecti', xchi eb' 'a 'a.

Mt 27:47

'Ay jaywn̈ eb' 'ayc' ta', yic 'ix yab'n eb' jun xyal cha, xyaln eb' 'ixtic: —A 'a win Elías win schecb' Dios, ata tz'awji, xchi eb'.

Mt 27:49

Palta 'ay jun tzo'n̈ xo eb' xaln 'ixtc 'a 'a: —Yilxo, can cab'n̈ej 'ixta quilnoc b'ela, toq'ue 'oj jawc win Elías wul scolo', xchi eb'.

Mt 7:29

Yujto a yic xcuywj 'a eb', 'ix checlj 'eli, to 'ay yopiso yuj Dios. Man̈ lajnoc scuywj 'icha' eb' cuywjum 'a ley yic Moisés.

Lc 1:17

A Juan cha, 'oj b'ab'l 'ec' yuj Cajlil. 'Icha snab'en win Elías, 'ixta 'oj 'aj snab'en jun xo. Lajn 'oj 'aj pax spoder yet' winac. Yuj cha, a 'oj tennc 'och wan eb' mamb'il yet' eb' 'unnab'il, sec tztup owl 'a scal eb'. Ax eb' tenmtac tzyutj sb'a 'a Dios, a 'oj 'a'nc sjel eb' snab'en, sec 'oj syiclc eb'. 'Ixta 'oj yutc ya'n b'o snab'en eb' 'anma', sec 'ay eb' lista xo yaji ax sjaw Cajlil, xchi jun ángel cha.

Lc 1:19

'Ix yaln pax jun ángel chi 'ixtc 'a winac: —An ton tic Gabriel in, 'ayn 'och ya'malc servil Dios; a 'in checn cot wul wal jun wach' 'ab'x tic 'ayach.

Lc 21:36

Yuj cha, caw lista tzeyutj e b'a. Leslwan̈c 'a smasnil tiempo sec 'ay e te'nal yic wach' 'oj stac' e coln 'el e b'a 'a jun tzo'n̈ 'oj jawc cha. Ma'oj e q'uixw e c'och 'a wojltac an 'Ochnc in 'Anmal tic, xchi Jesús 'a eb'.

Lc 9:30

Yajn̈j wal cha, 'ix wul sch'oxnc sb'a chawn̈ winac, atn Moisés yet' Elías.

Lc 9:33

Ax yic wan 'ijn s'atx eb' chawn̈ cha, 'ix yaln Pedro 'ixtc 'a Jesús: —Ach in Cuymal, caw wal wach' yujto 'ayn̈ec 'ec' 'a tic. Tecn wach' tzqui b'o 'oxe'oc pat on̈, junc eco', junc yic Moisés, yet' junc yic Elías, xchi 'a 'a. Palta a Pedro man̈ yojcoc tas wan yalni.

Lc 9:54

Ax chawn̈ eb' scuywum cha, atn Jacobo yet' Juan, yic xyiln eb' jun chi 'ixta', xwul yalnc eb' 'ixtc 'a Jesús: —Mamin, ¿tzam a nib'j tzqui c'an cot c'ac' 'a satchan̈ on̈, tz'ejm 'a yib'n̈ eb', sec tzlajw 'el eb'? [yujto 'ixta yutjnac sb'a win Elías 'a pecti',] xchi eb' 'a 'a.

Jn 1:21

'Ix sc'anb'n pax eb' 'ixtc 'a 'a: —¿Machch jun? ¿Mto ach Elías ach? xchi eb'. —Man̈ ino'oc, xchi. —¿Mto ach schecb' ach Dios tan̈b'ilch cuj on̈? xchi eb'. —Ma'ay, xchi 'a eb'.

Jn 1:25

'Ix sc'anb'n pax eb' 'ixtc 'a 'a: —¿Tas yuj tzac' bautisar eb' 'anma', toto man̈toc Cristo ach, man̈ ach Eliasoc, man̈ ach schecb'oc pax Dios? xchi eb' 'a 'a.

A Tas Sc'ulejnac Eb' Schecab' Jesús Hechos 27:23

Yujto a 'a 'ac'wl q'uiq'ui, 'ix wul sch'ox sb'a jun yángel Dios 'ayin. Atn Dios tzwac' servil, yujto yic in.

Ro 11:2

Yictax pecti', yaljnac Dios yuj eb' israel to yic eb'. Ax ticnec, ma'oj spatquilc can 'el eb'. Cojquec yab'xil win Elías 'a Ch'an̈ U'un̈. A 'a jun 'el, xleslwi Elías 'a Dios, yalni tas smul eb' yit israelal cha. Yaln yuj eb' 'ixtic:

Dt 10:8

Atn 'a jun tiempoal cha, ata si'jnac can 'el Jehová eb' yin̈tl Leví, sec a eb' tzb'achn b'ey te scaxail trato. A eb' x'och yac' servil Jehová, ax 'a sb'i, ata tzyal eb' wach' paxti 'a quib'n̈ qui masnil, 'icha ton yaj ticnec.

Santiago 5:17

A 'e'nc Elías 'a pecti', 'anman̈ej win 'icha on̈c tic. A yic sleslwi 'a smasnil sc'ojol, sec matz yac' n̈ab', nan̈l schan̈l ab'il man̈x 'ic yac' n̈ab' yu'uj.

Apoc 11:6

A eb' testigo cha, 'ay spoder eb' smacn 'och wan n̈ab', sec man̈xtzac yac' n̈ab' yic tz'ec' yalnc 'el eb' spaxti Dios. 'Ay pax spoder eb' ya'n 'och a a chic'al. Tzta'n̈j ya'n 'och eb' tzann̈j yailal 'a yolyib'n̈q'uinal, a tzyala 'aj tznib'j eb'.

Jueces 12:4

'Ix yaln eb' yic Efraín chi 'ixtic: Ax 'aj Galaad ex tic, tzcob' eyi' chan̈ e b'a. Ticni 'in a 'a qui cal on̈ ata 'elnc exta, atn 'a qui cal an̈ yin̈tl Efraín yet' Manasés. Ton̈j 'el-lal 'ajnc ex e c'ochcn cajn 'a Galaad cha, xchi eb'. Xbuchwjn̈ej eb' yic Efraín chi 'a eb' 'aj Galaad cha. Yuj tas xlaj sb'o eb' cha, 'ix syamb'tzan Jefté eb' soldado 'aj Galaad, xya'n eb' owl yet' eb' yin̈tl Efraín cha. 'Ix ya'n ganar Jefté jun owl chi yet' eb' soldado.