A Ch'an̈ B'ab'el Libro Yic Yab'ixal Eb' Rey 16:30 - Chuj San Sebastian Bible

³⁰ A win Acab cha, yel xo wal maysch'olnil sb'eyb'al win 'a sat Jehová, 'ec'b'al xo say win smulc 'a yib'n̈ ewin rey b'ab'l 'e'nc yuj winac.

Chuj San Mateo Bible

³⁰ Te chuc tas ix sc'ulej vin̈ d'a yichan̈ Jehová, ec'b'al chucal ix sc'ulej vin̈ d'a yichan̈ juntzan̈xo eb' vin̈ rey ec'nac.

A Ch'an̈ B'ab'el Libro Yic Yab'ixal Eb' Rey 16:30 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 14:9

Palta ach xo tic, yel xo wal tu tas tza b'o 'a yib'n̈ smasnil eb' 'e'nc reyl 'a yic mantzac ach 'ochi. A jun tzo'n̈ q'uen 'ix a b'o a diosaloc, in a patquiln can 'eli, yic tza tzuntz cot wowal.

A Ch'an̈ B'ab'el Libro Yic Yab'ixal Eb' Rey 16:25

A win Omri cha, yel xo wal maysch'olnil tas sb'o win 'a sat Jehová, 'ec'b'al xo wal sayn win smulc 'a yib'n̈ ewin rey 'e'nc 'a yaln̈tax cha.

A Ch'an̈ B'ab'el Libro Yic Yab'ixal Eb' Rey 16:29

A yic 38 ab'il xo yoch win Asa reyl 'a Judá, ata 'ix 'och win Acab reyl 'a chon̈b' Israel, atn win yunnal Omri. 22 ab'il xyac' win reyl 'a Samaria.

A Ch'an̈ B'ab'el Libro Yic Yab'ixal Eb' Rey 16:31

Man̈ocn̈ej sb'eyb'al win Jeroboam chi sb'eylb'ej, palta to 'ix yij win 'ix Jezabel yistziloc, 'ix yisl win Et-baal sreyl Sidón. 'Ix 'at ya'nc 'ejm sb'a win 'a jun comn dios tzcuch Baal yet' 'ix yistzil cha.

A Ch'an̈ B'ab'el Libro Yic Yab'ixal Eb' Rey 16:33

An̈jtona 'ix ya'n win Acab chi b'o jun yechl comn dios Asera sb'i. Yuj cha, 'ix yi'n cot win yowl sc'ojl Jehová 'a yib'an̈, yujto yel xo wal 'ec'b'al say win smulc 'a yib'n̈ jun tzo'n̈ eb' rey b'ab'l 'e'nc yu'uj.

A Ch'an̈ B'ab'el Libro Yic Yab'ixal Eb' Rey 21:25

(Wal yel, may junc rey 'ixta xyutj sb'a 'icha win Acab, yujto xmontchj win yuj yistzil yic ste'wtzan sb'a sb'on tas tu 'a sat Jehová.

A Ch'an̈ B'ab'el Libro Yic Yab'ixal Eb' Rey 22:53

'Ix yac' 'ejm sb'a 'a yechl Baal. 'Ix yaln sb'a 'a 'a, 'icha wal yutjnac sb'a smam cha. 'Ixta xyutj yi'n cot yowl sc'ojl Jehová sDiosal chon̈b' Israel.

A Ch'an̈ Schab'il Libro Yic Yab'ixal Eb' Rey 17:2

Palta caw maysch'olnil 'ix 'el sb'on 'a yojltac Jehová, wach'xam ma'ix c'och 'icha smaysch'olnilal jun tzo'n̈ eb' rey ya'jnac reyl 'a chon̈b' Israel 'a yaln̈taxi.

A Ch'an̈ Schab'il Libro Yic Yab'ixal Eb' Rey 3:2

Caw maysch'olnil 'ix 'el sb'on 'a yojltac Jehová, palta matz q'ue'ch wal smul 'icha yic smam snun, yujto a x'i'n 'el jun q'uen q'uen yic Baal, jun sb'ojnac can smam.

A Ch'an̈ Schab'il Libro Yic Yab'ixal Eb' Rey 9:22

A yic schan sb'a rey Joram chi yet' Jehú, 'ix yaln 'a 'ixtic: —¿Junc'ojlal am tzach jaw Jehú? xchi. 'Ix ta'w Jehú 'ixtic: —¿'Aj 'oj ec' junc'ojlal, ya' sb'a a 'ix a nun Jezabel an̈j 'ijnoc yoch 'ix 'emmquilal 'a jun tzo'n̈ comn dios yet' sb'alwjumal? xchi Jehú.

2 Cr 21:13

palta a sb'eyb'al jun tzo'n̈ sreyl chon̈b' Israel tza b'eylb'ej, yujto a eb' 'aj Jerusalén yet' jun tzo'n̈ xo eb' 'aj Judá o'oj 'ix yaln sb'a eb' 'a jun tzo'n̈ comn dios, 'icha yutjnac sb'a eb' yin̈tl Acab. An̈jtona', 'ix a tzu'n cham pax eb' o'tac, atn eb' yunnal a mam. A eb' cha, yel xo wach' eb' 'a eb'an̈.