A Ch'an̈ B'ab'el Libro Yic Yab'ixal Eb' Rey 13:5 - Chuj San Sebastian Bible

⁵ A wal 'a yic jun rato cha, 'ix poj jun yet'l xajmb'al cha, 'ix puccn 'at pax q'uen tan̈ 'ay q'ue 'a yib'an̈, caw 'ix 'el'ch 'icha wal xyutj jun schecb' Dios chi yalni, yujto a Jehová a x'a'n yala'.

Chuj San Mateo Bible

⁵ A val d'a jun rato chi' ix pojb'at jun altar chi', axo jantac q'uen taan̈ ay d'a yib'an̈, ix tob'canb'at q'ueen. Ix elc'och icha ix schec Jehová yal vin̈ schecab' chi'.

A Ch'an̈ B'ab'el Libro Yic Yab'ixal Eb' Rey 13:5 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 13:3

A 'a yic jun c'u cha, 'ay jun ch'oxnb'il 'ix sch'ox jun schecb' Dios cha, 'ix yaln 'ixtic: Atn jun ch'oxnb'il tic 'ix yal Jehová: A jun yet'l xajmb'al tic, 'oj pojoc, ax q'uen tan̈ 'ay q'ue 'a yib'an̈, 'oj puccn 'at q'ue'en, xchi.

A Ch'an̈ B'ab'el Libro Yic Yab'ixal Eb' Rey 13:4

'Ayc' win rey Jeroboam chi 'a stz'ey jun yet'l xajmb'al cha, a yic xyab'n win smasnil tas 'ix yal win schecb' Dios chi 'a jun yet'l xajmb'al 'ayc' 'a chon̈b' Betel cha, 'ix ya'n 'at win sc'ab' 'a jun schecb' Dios cha, 'ix yaln 'ixtic: ¡Yamc coti! xchi. Palta a jun sc'ab' 'ix ya't 'a yic sch'oxn cha, caw x'ochcn yip, man̈x 'ic stac' spacn sb'a.

A Ch'an̈ B'ab'el Libro Yic Yab'ixal Eb' Rey 13:6

Yuj cha, xyaln win rey chi 'a jun schecb' Dios chi 'ixtic: —Tzin tew 'ayach, to tzach leslwi 'a Jehová a Diosal wu'uj, sec tzb'ox can in c'ab' tic, xchi. Xlajw cha, 'ix leslwi jun schecb' Dios cha, 'ix b'ox can sc'ab' win rey chi jun 'ejm xo, 'icha yaj xon 'a yic yalan̈.

A Ch'an̈ B'ab'el Libro Yic Yab'ixal Eb' Rey 17:16

A 'ixm harina cha, may x'aj 'ixm slajwi, 'ixta pax jun aceite cha, ma'ix lajwi. 'Ix 'el'ch 'icha wal xyutj Jehová yaln 'a Elías.

A Ch'an̈ B'ab'el Libro Yic Yab'ixal Eb' Rey 22:28

'Ix yalnto can win Micaías jab'x 'a win rey 'ixtic: Toto tzach meltzj 'a tzaljc'ojlal, to 'ixta', man̈oc Jehová xpaxtin 'ayn tzyal cha. Ex wit chon̈ab', tzcham e cuyn jun tic, xchi Micaías.

A Ch'an̈ B'ab'el Libro Yic Yab'ixal Eb' Rey 22:35

A 'a jun c'u cha, caw niwquil jun owl chi x'ochi, 'ix to syam chan̈ lin̈n eb' win rey Acab 'a yol scaruaje yic tzya'n to wal eb' owl yet' ewin 'aj Siria cha. Caw xb'ey schic'l win yel 'a yol scaruaje, ax 'a yemc'ul cha, 'ix cham winac.

Am 3:14

A yic 'oj jawc jun c'u yic 'oj wa'nc 'och yailal 'a yib'n̈ eb' israel yuj jantc smaysch'olnilal eb' tzb'o'o, a yic cha, c'uxn 'oj in ma'cn lan̈chjoc jun tzo'n̈ yet'l xajmb'al eb' 'a Bet-el. A sch'ac jun tzo'n̈ yet'l xajmb'al cha, 'oj ma'xoc 'ejm b'uychjoc 'a sat lu'um.

Mr 16:20

Xlajw chi b'i'an, 'ix 'at eb' yal-l spaxti Dios 'a junjn lugar. 'Ix 'och Cajlil yet' eb'. 'Ix sch'ox jun tzo'n̈ milagro yet' eb', sec chequel to yel jun spaxti chi tz'ec' yal eb' cha. Ya' cab'i'.]

Dt 18:22

Toto a jun checb' cha, wan yaln jun tzo'n̈ paxti chi 'a in b'i an Jehová in, q'uinloc matz 'el'ch paxi, atn jun chi tzch'oxn 'eli to man̈oc in tzwala, mun tzb'an̈ sb'a yaln sch'ocoj. A jun cha, man̈ ex xiw 'a 'a, xchi Dios, xchi Moisés.