A Ch'an̈ B'ab'el Libro Yic Yab'ixal Eb' Rey 13:4 - Chuj San Sebastian Bible

⁴ 'Ayc' win rey Jeroboam chi 'a stz'ey jun yet'l xajmb'al cha, a yic xyab'n win smasnil tas 'ix yal win schecb' Dios chi 'a jun yet'l xajmb'al 'ayc' 'a chon̈b' Betel cha, 'ix ya'n 'at win sc'ab' 'a jun schecb' Dios cha, 'ix yaln 'ixtic: ¡Yamc coti! xchi. Palta a jun sc'ab' 'ix ya't 'a yic sch'oxn cha, caw x'ochcn yip, man̈x 'ic stac' spacn sb'a.

Chuj San Mateo Bible

⁴ Ayec' vin̈aj rey Jeroboam d'a stz'ey altar chi', ayic ix yab'an vin̈ masanil tas ix yal vin̈ schecab' Dios yuj jun altar chi', ix yac'anb'at jecan sc'ab' vin̈ sch'oxan vin̈ schecab' Dios chi', ix yalan vin̈: Yamec jun vin̈ tic, xchi vin̈. Palta a sc'ab' vin̈ ix b'at jecan chi', ix tzatzb'icanel lian, majxo yal-laj spacan sb'a.

A Ch'an̈ B'ab'el Libro Yic Yab'ixal Eb' Rey 13:4 ပူးပေါင်းရင်းမြစ်များ

Gn 19:11

Xya'n eb' ángel chi somchjc 'el snab'en ewinac, yuj cha, smasnil eb' 'ayc' 'a spatc n̈a cha, man̈xtoc stac' yiln xon eb'. Smasnil eb' quelem yet' eb' 'ichmtac winac, man̈x 'a junc mach tztac' yilni, caw 'ix c'unb' eb' sayn 'ec' smac te n̈a cha.

A Ch'an̈ B'ab'el Libro Yic Yab'ixal Eb' Rey 12:29

'Ix ya'n can jun yechl quelm wacx chi 'a chon̈b' Betel, ax junx xya'cn 'a chon̈b' Dan.

A Ch'an̈ B'ab'el Libro Yic Yab'ixal Eb' Rey 13:3

A 'a yic jun c'u cha, 'ay jun ch'oxnb'il 'ix sch'ox jun schecb' Dios cha, 'ix yaln 'ixtic: Atn jun ch'oxnb'il tic 'ix yal Jehová: A jun yet'l xajmb'al tic, 'oj pojoc, ax q'uen tan̈ 'ay q'ue 'a yib'an̈, 'oj puccn 'at q'ue'en, xchi.

A Ch'an̈ B'ab'el Libro Yic Yab'ixal Eb' Rey 13:5

A wal 'a yic jun rato cha, 'ix poj jun yet'l xajmb'al cha, 'ix puccn 'at pax q'uen tan̈ 'ay q'ue 'a yib'an̈, caw 'ix 'el'ch 'icha wal xyutj jun schecb' Dios chi yalni, yujto a Jehová a x'a'n yala'.

A Ch'an̈ B'ab'el Libro Yic Yab'ixal Eb' Rey 22:27

Tzeyaln 'ixtc 'a winac: A win rey 'ix alni to tz'och jun winc tic 'a preso, man̈ niwnoc tas tz'ajx sc'uxu', jab' wal jac wal tz'ajx 'a 'a. 'Ixta pax tas tzyuq'uej, masnto tzin meltzj pax 'a tzaljc'ojlal 'a owl cha, xchi win rey, xe chi, xchi win rey chi 'a eb' schecb' cha.

2 Cr 16:10

Yuj cha, caw xcot yowl rey Asa chi 'a jun schecb' Dios cha, 'ix ya'n 'och 'a preso, yujto 'ix cot yowl si'mb'il yuj jun cha. An̈jtona', a 'a yic jun tiempoal cha, ata 'ix 'ixtx 'el jaywn̈ eb' 'anma yuj Asa cha.

Salmos 105:15

Man̈ e tzuntzc eb' sic'b'il 'el wuj tic, man̈ eyixtc eb' in checb' tic, xchi.

Mt 25:40

'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.

Mt 26:57

Ax ewin xyamn Jesús cha, 'ix yij 'at ewin 'a win Caifás, atn win sat ya'mal 'och sti eb' 'anma 'a Dios. Ata 'ix syam sb'a eb' cuywum 'a ley yic Moisés yet' ewin 'ichmtac winc 'ay yopiso.

Lc 6:10

Xlajw cha, 'ix 'ec' q'uel-loc 'a eb' oyn 'och 'a 'a, 'ix yaln 'ixtc 'a winac: —'A' cot a c'ab' 'ayin, xchi 'a winac. 'Ix ya'n cot win sc'ab' 'a 'a, 'ixta to b'i'an, 'ix b'oxi.

Jn 13:20

Wal yel tzwal 'ayex, a mach tzchan eb' in checab', tzyal 'el'chi, an tzin schaj eb'. A eb' tzin chan cha, tzchaj pax eb' jun checjnacn coti, xchi Jesús.

Jn 18:6

Xlajwn̈ej yaln Jesús 'a eb', 'ix 'at tectnoc eb' 'a spatic, 'ix telw 'at pa'njoc eb'.

Apoc 11:5

Toto 'ay mach tznib'n 'ixtnoc eb' chawn̈ cha, 'oj 'eltoc c'ac' 'a sti eb'. Ax eb' 'ajc'ojl 'oj 'ajch 'a eb' cha, 'oj tz'a eb' yuj 'a jun 'ejmn̈ej. 'Ixta 'oj 'aj scham jantcn̈ej eb' tznib'n 'ixtnoc eb'.