A Ch'an̈ B'ab'el Libro Yic Yab'ixal Eb' Rey 13:32 - Chuj San Sebastian Bible

³² Yujto caw 'oj 'el'choc tas 'ix yac' Jehová yalcn win 'a jun yet'l xajmb'al 'ay 'a Betel, yet' 'a smasnil jun tzo'n̈ n̈a yic sdiosal eb' 'anma 'ay 'a jolmctac witz 'a yol yic Samaria, xchi.

Chuj San Mateo Bible

³² Yujto yovalil ol elc'och tas ix schec Jehová yal vin̈ d'a jun altar d'a Betel tic yed' d'a juntzan̈ lugar chaan̈ ay d'a yol yic Samaria tic, aton b'aj syaq'uem sb'a eb' anima, xchi vin̈.

A Ch'an̈ B'ab'el Libro Yic Yab'ixal Eb' Rey 13:32 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 12:29

'Ix ya'n can jun yechl quelm wacx chi 'a chon̈b' Betel, ax junx xya'cn 'a chon̈b' Dan.

A Ch'an̈ B'ab'el Libro Yic Yab'ixal Eb' Rey 12:31

'Ix sb'on pax Jeroboam chi yatutal jun tzo'n̈ comn dios chi 'a lum jolmctac witz. 'Ix si'n pax 'och jun tzo'n̈ eb' yit chon̈b' ya'malc 'och sti eb' 'anma 'a jun tzo'n̈ scomn diosal cha, atn eb' man̈ levitaoc.

A Ch'an̈ B'ab'el Libro Yic Yab'ixal Eb' Rey 13:2

A Jehová 'ix aln 'a 'a, yuj cha, caw ow xyutj yaln 'a jun yet'l xajmb'al chi 'ixtic: Ach yet'l xajmb'al, a Jehová 'ix aln 'ixtic: A 'a scal eb' yin̈tl David, ata 'oj 'aljoc jun winc 'unin, 'oj 'ajxoc sb'ic Josías. A 'a eb'an̈, ata 'oj yac' milxoc cham win jun tzo'n̈ eb' ya'mal 'och cob' sti eb' 'anma 'a scomn diosal, atn eb' tz'a'n jun tzo'n̈ incienso 'a eb'an̈, ax ya'n pax tz'a win sb'acl 'anma 'a eb'an̈, xchi Dios, xchi jun checb' cha.

A Ch'an̈ B'ab'el Libro Yic Yab'ixal Eb' Rey 16:24

Xlajw cha, 'ix smann win jun lum tzaln 'a win Semer sb'i. 136 libra q'uen plata xyac' win stojloc lu'um, ax 'a lum tzaln cha, ata 'ix yac' win b'o jun chon̈ab', ata 'ix yac' reyl junx waque ab'il. 'Ix ya'n sb'ic Samaria, yujto Semer sb'i win 'ay yic lum 'a yic mantzac chon̈x lu'um.

A Ch'an̈ Schab'il Libro Yic Yab'ixal Eb' Rey 17:29

Palta junjn nacion̈ 'ix sb'o sdiosal 'a junjn chon̈b' 'aj 'ix can cajan; 'ix 'at ya'nc 'och eb' 'a yojl yet'l yic eb' 'aj Samaria b'ob'il yuj 'a jolmctac witz.

2 Cr 25:13

Ax pax eb' soldado Israel to ma'ix chax 'at 'a owl yuj Amasías, atn eb' 'ix checx can meltzjc 'a yatut, a eb' cha, 'ix ya'cn lajwc eb' jun tzo'n̈ chon̈b' 'a yol smacb'en Judá. Tzchaj 'at 'a Samaria masnto 'a Bet-horón, 'oxe mil 'anma smilcn cham eb', til wal tas 'ix yel'j 'at eb'.

Lv 26:30

'Oj laj in mac' poj jun tzo'n̈ yet'l e diosal 'aj tzeyal e b'a, ax in ma'n poj yet'l 'aj tz'a incienso. 'Oj in molb'tzoc 'och b'uln e niwnal chamnc chi 'a yib'n̈ jun tzo'n̈ e diosal may spixn cha. 'Ixta wal 'oj wutc in ch'oxn 'eli, to man̈xtzac ex in nib'j wila'.

A Tas Sc'ulejnac Eb' Schecab' Jesús Hechos 8:14

Ax yic 'ix yab'n eb' schecb' Jesús 'ayc' 'a Jerusalén, chajtlto 'ay eb' 'aj Samaria 'ix ya'ch spaxti Dios 'a sc'ojol. Yuj cha, 'ix schecn 'at eb' Pedro yet' Juan ta'.