A Ch'an̈ B'ab'el Libro Yic Yab'ixal Eb' Rey 13:2 - Chuj San Sebastian Bible

² A Jehová 'ix aln 'a 'a, yuj cha, caw ow xyutj yaln 'a jun yet'l xajmb'al chi 'ixtic: Ach yet'l xajmb'al, a Jehová 'ix aln 'ixtic: A 'a scal eb' yin̈tl David, ata 'oj 'aljoc jun winc 'unin, 'oj 'ajxoc sb'ic Josías. A 'a eb'an̈, ata 'oj yac' milxoc cham win jun tzo'n̈ eb' ya'mal 'och cob' sti eb' 'anma 'a scomn diosal, atn eb' tz'a'n jun tzo'n̈ incienso 'a eb'an̈, ax ya'n pax tz'a win sb'acl 'anma 'a eb'an̈, xchi Dios, xchi jun checb' cha.

Chuj San Mateo Bible

² A val Jehová ix checan vin̈, yuj chi' te ov ix yutej vin̈ yalan d'a altar chi', ix yalan vin̈: A ex tzeyaq'uem e b'a d'a jun altar tic, a val Jehová ix alani to a d'a yin̈tilal vin̈aj David ay jun unin ol aljoc. A jun chi', Josías ol sb'iej. A vin̈ ol milancham juntzan̈ eb' vin̈ sacerdote yic comon dios d'a yib'an̈ jun altar tic, aton eb' sn̈usan incienso d'a tic. Ol sn̈usanpaxtz'a sb'aquil anima vin̈ d'a yib'an̈, xchi Jehová, xchi vin̈ schecab' chi'.

A Ch'an̈ B'ab'el Libro Yic Yab'ixal Eb' Rey 13:2 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 13:32

Yujto caw 'oj 'el'choc tas 'ix yac' Jehová yalcn win 'a jun yet'l xajmb'al 'ay 'a Betel, yet' 'a smasnil jun tzo'n̈ n̈a yic sdiosal eb' 'anma 'ay 'a jolmctac witz 'a yol yic Samaria, xchi.

2 Cr 34:1

A Josías cha, wajxque ab'il sq'uinal yic schan 'el yich ya'n reyal, 31 ab'il 'ix yac' reyl 'a Jerusalén.

2 Cr 34:3

A 'a yic swajxquil ab'il yoch reyal, yic quelm 'unn wali, 'ix schan 'el yich yaln sb'a 'a sDiosal David, atn smam yicham. Ax 'a slajchwil ab'il yoch reyal, syamn 'och satn 'el jun tzo'n̈ tas man̈ wach'c 'a Judá yet' 'a yol chon̈b' Jerusalén. 'Ix ya'n satxoc 'el jun tzo'n̈ macsej 'a jolmctac witz, jun tzo'n̈ sch'oxnb'il comn dios tzcuch Aserá, jun tzo'n̈ yechl to tzeyb'il b'o'oc, yet' pax jun tzo'n̈ yechl to tenb'il b'o'oc.

Is 1:2

Ex 'aj satcha'an̈ yet' ex 'aj sat lum tic, 'ab'ec. A eb' 'anma tic, xin c'uytzej eb' 'a yic yune'al masnto x'och yip eb', palta ax x'aji, 'ix meltzj 'och eb' 'ajc'ojlal 'ayin.

Is 42:9

'Iltec wal 'ix 'aj 'el'ch smasnil tas waljnac 'a yictax yaln̈taxi. Ax ticnec, 'ay jun tzo'n̈ xo tas mantzac wal 'ayex, a 'oj wala'. 'Aycto tzwaln cani, ya' sb'a mantzac uji, xchi Dios.

Is 46:10

A 'a yictax pecti', waln cani tas 'oj ujc 'a slajb' c'ual. Waln cani to 'oj ujc tas nab'il wu'uj, 'oj in b'o smasnil tas tzin nib'ej.

Is 58:1

'Ix yaln Dios 'ayn 'ixtic: 'Awjan̈ yet' smasnil ep 'a eb' in chon̈ab', atn eb' yin̈tl Jacob. May yuj tzach xiwi, caw 'ip yel aw 'icha yic tz'utz'x q'uen trompeta. Tzaln yab' eb' to caw wal tenmtac eb', 'ix 'och smul eb' 'a in sat.

Jeremías 1:2

A yic yoxlajn̈il xo ab'il yoch win Josías yunnal Amón reyl 'a chon̈b' Judá, ata x'el yich spaxtin Jehová 'ayin.

Jeremías 22:29

¡Ex cajn ex 'a jun nacion̈ tic, macljec eyab' wal tas tzyal Jehová!

Ez 36:1

Ach 'anma', al 'a eb' 'et israelal 'ay 'a lum jolmctac witz, to tzchaj eb' yab' in paxti'.

Ez 36:4

Yuj cha, an Jehová in, an tzwal 'ayx 'ixtc ex israel, to tze chaj eyab' in paxti tic, jantcn̈ej ex to 'aycn e lum 'a lum jolmctac witz, 'a lum tzalctac, 'a lum stitc a', 'a lum niwc pan̈an, 'a eb' lum chon̈b' mac'b'il 'ejmi, 'a eb' lum chon̈b' cusltac yajcn sch'ocj 'a yol e macb'en cha, eb' chon̈b' to c'uxn 'elc'b'il 'at tas 'ay 'a yuj jun tzo'n̈ xo nacion̈ 'a sla'nil cha, atn eb' tzb'uchwj 'ayex.

Ez 38:4

'Oj wa'ch junc q'uen 'icha ch'oc 'a yaln̈ a ti', ax ach in to'n meltzjoc. 'Oj ach wi' cot 'a tic yet' smasnil eb' a soldado 'ay q'ue 'a yib'n̈ chej, eb' to yet'n̈j syamc'ab' yic owal, eb' soldado yet' yespada, eb' 'et'jnac syamc'ab' tzmacn sat jul-lab', yet' pax smasnil jun tzo'n̈ xo yamc'ab' yic owal.

Lc 19:40

Yuj cha, xyaln Jesús 'ixtic: —Tzwal 'ayex, toto sictac tz'aj eb', toto man̈x 'a mach tz'awji, ax jun tzo'n̈ q'uen q'uen tic 'oj 'awjc cha'an̈, xchi 'a ewinac.

Dt 32:1

Yab' cab' satcha'an̈, yet' lum lu'um, tas 'oj wala'.