A Ch'an̈ B'ab'el Libro Yic Yab'ixal Eb' Rey 12:20 - Chuj San Sebastian Bible

²⁰ A yic xyab'n eb' israel, chajtlto a Jeroboam tox 'ix japx cajn 'a yol schon̈b' eb' yit israelal, x'at ya'nc eb' 'awtxoc coti, yic tzch'oxn sb'a 'a sat eb' chon̈ab'. Xlajw cha, 'ix ya'n 'och eb' sreyloc. Cojxn eb' yin̈tl Judá 'ix can yet' Roboam, win yin̈tl David.

Chuj San Mateo Bible

²⁰ Ayic ix yab'an eb' israel to ayxo ec' vin̈aj Jeroboam d'a yol schon̈ab' eb', ix schecan eb' avtajcot vin̈ yic sch'oxan sb'a vin̈ d'a yichan̈ eb'. Ix yac'anoch vin̈ eb' sreyaloc. Axon̈ej eb' yin̈tilal Judá ix can yed' vin̈aj Roboam yixchiquin vin̈aj David.

A Ch'an̈ B'ab'el Libro Yic Yab'ixal Eb' Rey 12:20 ပူးပေါင်းရင်းမြစ်များ

A Ch'an̈ Schab'l Libro Samuel 20:2

Smasnil eb' israel cha, 'ix yactjcan eb' rey David, ax yet' Seba yunnal Bicrí 'ix 'at eb'. Palta ax eb' soldado 'a yin̈tl Judá, tza'n eb' yuj sreyal, 'ix b'ey cot eb' 'a sti a Jordán masnto 'a Jerusalén.

A Ch'an̈ B'ab'el Libro Yic Yab'ixal Eb' Rey 11:13

Ma'oj wi'c yopiso chi smasnil, 'oj wa'cn jun macn̈oc eb' et israelal chi 'a 'a, yujn̈ej in chamc'ojlal 'a in checb' David cha, yuj pax in chamc'ojlal 'a Jerusalén tic, yujto caw an in si'jnac 'eli, xchi.

A Ch'an̈ B'ab'el Libro Yic Yab'ixal Eb' Rey 11:26

An̈jtona 'ix 'och pax junx win 'ajc'ojlal 'a win rey Salomón, atn Jeroboam yunnal Nabat 'aj chon̈b' Sereda. Yin̈tl Efraín winac, schecb' Salomón yaji, Zerúa sb'i snun winac, chamnc yichmil 'ix.

A Ch'an̈ B'ab'el Libro Yic Yab'ixal Eb' Rey 11:32

Ax 'a Salomón 'oj wa'cn jun macn̈ocx 'in̈tal 'a 'a, yuj in chamc'ojlal 'a in checb' David, yuj pax in chamc'ojlal 'a Jerusalén, atn jun in chon̈b' in si'jnac 'el 'a scal smasnil chon̈b' Israel.

A Ch'an̈ B'ab'el Libro Yic Yab'ixal Eb' Rey 11:35

Palta at 'a jun yunnal, ata 'oj wi'c jun reyl cha, ax 'ayach, ata 'oj wac' lajn̈e 'in̈tal eb'.

A Ch'an̈ B'ab'el Libro Yic Yab'ixal Eb' Rey 11:36

A 'a jun yunnal cha, cojxn junc 'in̈tal 'oj wa'cn 'a 'a, sec wach' 'ayt mach 'oj nanc cot in checb' David 'a wojltac 'a Jerusalén, atn jun chon̈b' sic'b'il 'el wu'uj, yic tzb'inax in b'i ta'.

A Ch'an̈ B'ab'el Libro Yic Yab'ixal Eb' Rey 11:37

An 'oj ach wa'ch reyl 'a yib'n̈ smasnil tas tza nib'ej, atn chon̈b' Israel.

A Ch'an̈ Schab'il Libro Yic Yab'ixal Eb' Rey 17:21

Yujto a Jehová x'i'n 'el eb' israel 'a yol sc'ab' eb' yin̈tl David, ax Jeroboam yunnal Nabat, a 'ix ya'ch eb' sreyloc. Ax win 'ix 'i'n 'el eb' yit israelal chi 'a Jehová, caw wal niwquil smul eb' 'ix 'ochi.

Os 11:12

A eb' 'aj Efraín, atn eb' israel tic, cojxn̈ej wal 'es tzlaj yac' eb' 'ayin, caw tzin yixtj paxti eb'. A eb' 'aj Judá, caw tenmtac eb' 'ayin, ticni Cojxn in Dios in, to tz'el'chn̈ej tas tzwala.

Os 8:4

Tzlaj ya'ch eb' jun tzo'n̈ sreyal yet' syajlil, palta man̈oc in tzin si'ch eb'. Xlaj yi'nc cot eb' q'uen plata yet' q'uen oro, ax yet' q'uen xlaj sb'o eb' jun tzo'n̈ yechl sdiosal, yuj cha, mun a jun tzo'n̈ chi tz'i'n cot 'a yib'n̈ eb'.

A Ch'an̈ B'ab'el Libro Samuel 10:24

'Ix yaln Samuel 'a smasnil eb' chon̈b' chi 'ixtic: —¡'Iltec wal jun si'ch Jehová tic qui reyloc! ¡May wal junc 'a qui cal tztac' slajb'tzan sb'a yet' winac! xchi. Yuj cha, 'ix yaln eb' chon̈b' yet' stzaljc'ojlal 'ixtic: ¡Viva win rey! xchi eb'.