A Ch'an̈ B'ab'el Libro Yic Yab'ixal Eb' Rey 12:13 - Chuj San Sebastian Bible

¹³ Caw wal yelc'ojlal ya 'ix yutj win rey chi spacn 'a eb' chon̈ab'. Ma'ix schaj win yab' jun tzo'n̈ nab'en 'ix yal eb' 'ichmtac winac.

Chuj San Mateo Bible

¹³ Axo vin̈ rey chi', maj yal-laj vin̈ icha ix aj yalan eb' vin̈ ichamtac vinac chi', palta te chuc ix yutej vin̈ spacan d'a eb' chon̈ab' chi'.

A Ch'an̈ B'ab'el Libro Yic Yab'ixal Eb' Rey 12:13 ပူးပေါင်းရင်းမြစ်များ

Gn 16:6

Yuj cha, xta'w Abram 'ixtic: —A 'ix 'a'mal servil tic, yol a c'ab' 'ay 'ix. Ach tza na'a tas tzotj 'ix, xchi winac. Yuj cha, x'och 'ix Sarai 'ajc'ojlal 'a 'ix Agar, masnto x'at 'ix 'elc yuj 'ix.

Gn 42:30

—A win yajl 'a jun chon̈b' cha, caw wal ow xyutj paxtinc sb'a win 'ayn̈ on̈, tolab' ton̈j tz'at quil 'elt 'a yol schon̈b' cha, 'icha to 'ilwjum on̈ yalni.

Gn 42:7

Yajn̈ej xyojcan 'el José eb' yu'tac cha, palta 'icha to man̈ yojcoc sb'a yet' eb', 'ixta xyutj sb'a, ow xyutj paxtinc sb'a 'a eb': —¿'Ajtil ex cot ax tic? xchi. —On̈ cot 'a Canaán, to tzon̈ jaw manj trigo on̈, xchi eb'.

A Ch'an̈ Schab'l Libro Samuel 19:43

Yuj cha, 'ix ta'w eb' yit israelal eb' chi 'ixtic: —Wach'xam to 'ixta', palta an̈ tic on̈, lajn̈e 'in̈tal 'ec'b'aln̈ 'a eyib'n̈ on̈. Yuj cha, caw wal 'ay caln quic 'a win rey tic 'a eyib'n̈ on̈. ¿Tas yuj tzon̈ e patquilj can 'eli? ¿Tom man̈oc on̈ 'ix qui b'ab'l alej to tzmeltzj qui reyal? xchi eb'. Palta ax eb' 'aj Judá, caw wal ya tas 'ix yal eb' 'a yib'n̈ jun tzo'n̈ xo eb' yit israelal cha.

A Ch'an̈ B'ab'el Libro Yic Yab'ixal Eb' Rey 12:12

Ax 'a yic schab'jial, 'ix c'ochx Jeroboam yet' smasnil eb' 'anma 'at yalx sb'a 'a win rey Roboam, 'icha yaj yaln winac.

A Ch'an̈ B'ab'el Libro Yic Yab'ixal Eb' Rey 12:14

A jun tzo'n̈ nab'en 'ix yal eb' quelmtac winac, a 'ix yal 'a eb' 'anma cha, 'ix yaln 'ixtc 'a eb': Toto a in mam 'al yutjnac eyicatz, an xo pax tic, yel xo caw 'al 'oj wutc eyicatz. Toto tz'um no sc'anjnac in mam yic ex sma'ni, an xo pax tic, a no tz'um 'aych q'uen 'a sn̈i', a no 'oj in c'anlb'oc ax ex in ma'ni, xchi winac.

Ex 10:28

Yuj cha, 'ix yaln pax win rey chi 'ixtc 'a Moisés: —'Eln̈ 'a in tz'ey tic. Man̈x b'a'n̈ tzin nib'j tzach wil jun 'ejm xo 'a tic. Toto tzach jaw jun 'ejmoc xo, a 'a yic xon jun c'u cha, tzach cham 'a tic, xchi win rey cha.

Ex 5:2

'Ix ta'w win rey chi 'a eb' 'ixtic: —¿Mach jun Jehová tzeyal cha? Alc jac wab'i', sec 'oj in yiclc tas 'oj yala', ax ex in chan 'ati. An tic man̈ wojcoc xon jun Jehová tzeyal cha. Yuj cha, toc 'ayx wan ex in chan 'ati, xchi winac.

Pr 10:11

A spaxti eb' wach' sb'eyb'al, a tz'a'n 'ejm wach' 'a scal 'anma', ax 'a scal spaxti eb' tu sb'eyb'al, ata c'ub'b'il 'el 'ixtj 'anma'il.

Pr 10:32

A eb' wach' snab'en, an̈j wach' paxti tzyal eb'; ax eb' maysch'olnil snab'en, cojn tu paxti tzyal eb'.

Pr 13:20

Toto jun tzon̈ 'e'c yet' eb' wach' snab'en, caw 'oj qui jelnb'iec; ax toto a yet' eb' tu snab'en tzon̈ 'eq'uec, 'oj qui satc 'eli.

Pr 15:1

A mach wach' tzyutj spacn junc paxti', tztup 'ejm owl yu'uj; ax toto ow tzyutj spacni, ton̈j tzwach' niwtj junc owl chi yu'uj.

Pr 18:23

A eb' meb'a', caw 'emmquilal stew eb' 'a mach 'aj tzyal sb'a; ax eb' rico, caw niwquil tzyutj eb' yol sjaj yic tzta'w eb'.

Ec 10:12

Toto tzon̈ paxtinec yet' qui jelnal, wach' tzalx 'ayn̈ec yuj qui paxti cha, palta toto tzon̈ paxtinec yet' qui man̈ nab'enal, mun tzquijec cot 'a quib'an̈.

Ec 2:19

Yujto may yalnb'il, tom jelan mto may snab'en win 'oj macn 'ec' yico'oc in munljel xlaj wab' syal in b'on yet' in jelnal. A jun tzo'n̈ tic, caw wal nab'an̈ej.

Santiago 3:17

Palta ax jun jelnal tzcot 'a satcha'an̈, man̈ 'ichcta tz'aji. Toto 'aych jun jelnal tic 'ayn̈ec, may qui paltailec 'a sat Dios, junc'ojlal xoj tzcutjec qui b'a. 'Emmquilal tzcutjec qui b'a. Yiclum on̈cn̈ej 'a junc tas. Caw tz'o'ch qui c'ojlec 'a eb' quit 'anma'il, 'ela tzlaj cutquec qui b'a 'a eb'. Man̈ qui chab'c'ojloquec eb' quit 'anma'il, man̈ chab'satoc tzcutjec pax qui b'a 'a eb'.

A Ch'an̈ B'ab'el Libro Samuel 20:10

Yuj cha, xyaln pax David 'ixtic: —¿Mach 'oj alnc wab'i', toto tu 'oj yutc ta'wc sb'a a mam chi 'ayach? xchi.