A Ch'an̈ B'ab'el Libro Yic Yab'ixal Eb' Rey 12:10 - Chuj San Sebastian Bible

¹⁰ Ax eb' quelmtac winc jun q'uib'nc yet' cha, 'ix ta'w eb', 'ix yaln eb' 'ixtc 'a 'a: A jun tzo'n̈ 'anma 'ix aln 'ayach, chajtlto tzej 'emt jac jun munljel chi 'aycn 'och 'a yib'n̈ eb' yuj a mam cha, 'ixtc tzotj aln 'a eb' 'ixtic: Toto ya munljel 'aj 'ayx can 'och yuj in mam, an xo pax tic, yel xo wal caw ya munljel 'aj 'oj ex wa'chi.

Chuj San Mateo Bible

¹⁰ Ix tac'vi eb' vin̈ quelemtac chi' d'a vin̈: —A eb' tz'alan chi' to tziq'uel jab'oc munlajel aycanoch d'a yib'an̈ eb' yuj vin̈ a mam chi', al d'a eb' icha tic: Ya munlajel b'aj yac'nac ex och vin̈ in mam chi', a inxo pax tic, ec'alto syail b'aj ol ex vac'ochi.

A Ch'an̈ B'ab'el Libro Yic Yab'ixal Eb' Rey 12:10 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 12:11

Toto 'al yutjnac in mam eyicatz, an xo pax tic, yel xo wal 'al 'oj wutc eyictz cha. Toto a in mam, cojn tz'um sc'anjnac 'a yic ex sma'ni, palta an xo pax tic, a no tz'um 'aych q'uen 'a sn̈i', a no 'oj in c'anlb'oc, ax ex in ma'ni, xa chi 'a eb', xchi ewin quelmtac cha.

A Ch'an̈ B'ab'el Libro Yic Yab'ixal Eb' Rey 12:9

Xyaln 'ixtc 'a eb': —¿Tas junc nab'en tzeyac' 'ayn ax tic, tas 'oj wutc wa'n spac spaxti eb' 'anma cha? Yujto tznib'j eb' to tzwij 'emt jac yoc jun munljel 'aycn 'och 'a yib'n̈ yuj in mam, xchi winac.

Pr 10:14

A eb' jelan, matz yij chan̈ sb'a eb' yet' sjelnal cha; ax eb' may snab'en, caw 'ay xo smay jun tzo'n̈ paxti tzyal eb'.

Pr 28:25

A mach til wal tas tznib'j 'och yet' snab'en, cojn owl tzyij cha'an̈; palta toto a Jehová tzya'ch yipc sc'ojol, caw wal 'oj alxoc wach'il.

Pr 29:23

A mach tzyij chan̈ sb'a, 'oj 'ijxoc 'ejmi, ax mach 'emmquilal tzyutj sb'a, 'oj 'ijxoc cha'an̈.

Is 47:6

A yic 'ay cot wowl 'a eb' in chon̈ab', 'ix wa'ch eb' 'a yol a c'ab' sec tz'ixtx eb' o'oj. Ma'ix 'o'ch a c'ojl 'a eb', ax eb' 'ichmtac 'anma', caw wal ya x'ec' eb' o'oj.