A Ch'an̈ B'ab'el Libro Yic Yab'ixal Eb' Rey 11:24 - Chuj San Sebastian Bible

²⁴ 'A yaln̈taxi, yic xlajw smiln cham David smasnil eb' soldado 'aj Sobá, 'ix smolb'tzan Rezón chi jun tzo'n̈ eb' 'elc'um. Xlajw cha, x'och win syajlilc eb', yic tz'och eb' 'ajc'ojlal 'a Salomón cha. Xlajw cha, 'ix 'at eb' 'a Damasco, axta xcan cajn eb' ta'. 'Ix ya'n 'och eb' Rezón chi sreyloc chon̈b' Damasco cha.

Chuj San Mateo Bible

²⁴ Ayic yac'jinac ganar vin̈aj Hadad-ezer sreyal Soba chi' yed' smiljicham eb' soldado vin̈ yuj vin̈aj rey David, a vin̈aj Rezón chi' smolb'ej jun n̈ilan̈ eb' elc'um vin̈, yoch vin̈ yajaloc eb'. Sb'atcan cajan vin̈ yed' eb' soldado chi' d'a Damasco, ata' ac'jioch vin̈ reyal yuj eb'.

A Ch'an̈ B'ab'el Libro Yic Yab'ixal Eb' Rey 11:24 ပူးပေါင်းရင်းမြစ်များ

Gn 14:15

Ax 'a yic 'ac'wal, 'ix spojn 'at Abram smasnil eb' winc ajun yet' cha, 'ix ya'n eb' owl yet' chan̈wn̈ eb' rey cha. 'Ix pechx 'at eb' yuj eb', masnto 'a Hoba. A jun lugar cha, ata 'ay 'a yojltac 'at Damasco.

A Ch'an̈ Schab'l Libro Samuel 10:18

Ax x'aji, 'ix 'atx eb' sirio chi 'elc 'a yojltac eb' israel cha. A eb' xcham yuj David 'a owl cha, uque ciente eb' 'aych 'a yol caruaje yic owal yet' chawinc mil eb' soldado sirio 'ay q'ue 'a yib'n̈ chej. 'Ix smiln pax David win Sobac, atn win syajlil eb' soldado cha, 'ix chamcn win ta'.

A Ch'an̈ Schab'l Libro Samuel 10:6

Ax eb' amonita, 'ix nachj 'el yuj eb' to tu tas sb'o eb' 'a sat David, yuj cha, 'ix 'at stojnc eb' junc'l mil eb' soldado sirio xcot 'a chon̈b' Bet-rehob, yet' 'a chon̈b' Soba, yet' jun mil eb' soldado xyac' win sreyl Maaca, yet' lajchwe mil pax eb' xcot 'a chon̈b' Is-tob.

A Ch'an̈ Schab'l Libro Samuel 10:8

A eb' soldado amonita cha, 'ix 'el-l eb' 'a yol sti spuertail schon̈b' cha, yic tz'och eb' 'a owal, ya' sb'a ax eb' soldado sirio 'ay 'a Soba, 'a Rehob, eb' xcot 'a Is-tob yet' eb' xya' cot win sreyl Maaca, 'ix can eb' 'a snajtil 'el sti chon̈b' cha, axta stojlb'tzej sb'a eb', yic tz'och eb' 'a owal.

A Ch'an̈ Schab'l Libro Samuel 8:3

Ya'jnar pax ganar David win Hadad-ezer, atn win yunnal Rehob, win sreyl Soba, yic wan s'at win Hadad-ezer chi 'at scha 'i'nc 'ec' slum macb'il yuj 'a sti a Éufrates.

A Ch'an̈ B'ab'el Libro Yic Yab'ixal Eb' Rey 11:25

Caw wal x'och 'ajc'ojlal 'a chon̈b' Israel, yic pitzn to Salomón: Ax Rezón cha, 'ix 'och reyl 'a Siria.

A Ch'an̈ B'ab'el Libro Yic Yab'ixal Eb' Rey 15:18

Yuj cha, 'ix yi'n 'elt win Asa chi smasnil q'uen oro, yet' q'uen plata molb'il 'a yatut Jehová, yet' pax q'uen molb'il 'a yol sdespacho win rey cha. 'Ix ya'n win eb' q'uen 'a eb' schecab', yic tz'at ya'nc eb' 'a win Ben-adad sreyl Siria, ata cajn win 'a Damasco. (A Ben-adad cha, yunnal Tabrimón, yixchicn Hezión.) 'Ix ya'n win Asa chi alxoc 'a win Ben-adad 'ixtic:

A Ch'an̈ B'ab'el Libro Yic Yab'ixal Eb' Rey 19:15

Yuj cha, xyaln Jehová 'ixtc 'a 'a: 'Ixic, ata tzach meltzj pax 'a a b'e 'aj ach jaw 'a lum cusltac lum yic Damasco. A yic tzach c'och ta', tza si'cn 'och win Hazael sreyloc Siria.

A Ch'an̈ B'ab'el Libro Yic Yab'ixal Eb' Rey 20:34

Xlajw cha, xyaln Ben-adad chi 'ixtic: —A jun tzo'n̈ chon̈b' yijnac 'ec' in mam 'a yol sc'ab' a mam, ticnec tzwa'x can meltzjoc eb' 'ayach, tztac' pax s'at eb' a chon̈wjum 'a Damasco, 'icha ya'jnac in mam 'a Samaria, xchi. —An xo pax tic, tzach wa'l 'a libre yuj jun trato tic, xchi Acab. 'Ixta xyutj eb' sb'on jun strato cha, xlajw cha, 'ix pax Ben-adad.

A Ch'an̈ Schab'il Libro Yic Yab'ixal Eb' Rey 14:28

Ax jantc to yab'xil Jeroboam yet' smasnil tas 'ix 'el sb'oni, ata tz'ib'b'il can 'a ch'an̈ libro 'aj tz'ib'b'il can yab'xil eb' sreyl chon̈b' Israel. Ata tzyal yab'xil smasnil owl 'ix yac'a', yic 'ix yi'n can pax 'ec' jun tzo'n̈ chon̈b' to yic xon Israel 'a yaln̈taxi, atn Damasco yet' Hamat.

A Ch'an̈ Schab'il Libro Yic Yab'ixal Eb' Rey 8:7

Xlajw cha, 'ix 'at Eliseo 'a Damasco scapitalil chon̈b' Siria. A yic jun tiempoal cha, caw wal ya'ay win Ben-adad sreyl chon̈b' cha. 'Ix alx 'a 'a chajtlto tox 'ix c'och win schecb' Dios 'a jun chon̈b' cha,

A Tas Sc'ulejnac Eb' Schecab' Jesús Hechos 9:2

'Ix sc'ann win jun tzo'n̈ ch'an̈ carta, yic tzyi'n 'at 'a jun tzo'n̈ scapiya eb' yit israelal 'ay 'a chon̈b' Damasco. A jun tzo'n̈ carta chi tz'a'n yopiso win syamn jantcn̈ej eb' tzya'ch snab'en 'a Jesús, eb' winac, yet' eb' 'ix. Tznib'j win tzyij 'at eb' 'a preso 'a Jerusalén.