A Ch'an̈ B'ab'el Libro Yic Yab'ixal Eb' Rey 11:21 - Chuj San Sebastian Bible

²¹ Ax yic xyab'n win Hadad chi 'a Egipto, chajtlto a win rey David, tox 'ix cham winac, an̈jtona win Joab syajlil eb' soldado, chamnc xo paxi, yuj cha, xyaln 'a win rey chi 'ixtic: —Chaj in meltzjoc 'a in lu'um, xchi.

Chuj San Mateo Bible

²¹ Axo yic yab'an specal vin̈aj Hadad d'a Egipto chi' to a vin̈aj rey David chamnacxo vin̈, chamnacxo pax vin̈aj Joab yajalil eb' soldado, yalan vin̈ icha tic d'a vin̈ sreyal Egipto chi': —Cha in meltzaj d'a in chon̈ab', xchi vin̈.

A Ch'an̈ B'ab'el Libro Yic Yab'ixal Eb' Rey 11:21 ပူးပေါင်းရင်းမြစ်များ

Gn 45:24

A yic xyaln can sb'a eb' yu'tac José chi 'a 'a, xyaln 'a eb' 'ixtic: —Man̈ eyac' owl 'a yol b'e, xchi 'a eb'. Xlajw cha, xpaxt ewinac.

A Ch'an̈ Schab'l Libro Samuel 3:21

'Ix yaln Abner 'a David 'ixtic: —A ticnec mamin rey, yowlal tzin 'ati yic tz'at in molb'tzanc smasnil eb' quit chon̈b'ec yic tzb'on eb' junc strato et'oc, sec 'ixta wal 'oj otc a'n reyl 'a 'icha wal tznib'j a c'ojol, xchi. —'Ixc 'an, xchi David cha. Xlajw cha, xyaln can sb'a Abner 'a David, 'ix 'at 'a tzaljc'ojlal.

A Ch'an̈ B'ab'el Libro Yic Yab'ixal Eb' Rey 11:20

'Ix 'alj jun yune 'ix yet' winac, xya'n scuch Genubat. Ax 'ix Tahpenes chi xc'uytzan 'a yatut win rey cha, junn̈j x'aj sq'uib' yet' jun tzo'n̈ xo eb' yunnal winac.

A Ch'an̈ B'ab'el Libro Yic Yab'ixal Eb' Rey 11:22

—¿Tas yuj tza nib'j meltzjoc a b'a 'a a lum cha? ¿Tom 'ay tas tzyac' palta 'aych wet' 'a tic? xchi win rey cha. —May jac tas tzyac' palta 'ayin, palta tzin tew 'ayach, to tzin a chaj meltzjoc, xchi win Hadad cha. Yuj cha, 'ix schan win rey chi meltzjoc winac. Ax Hadad cha, caw 'ix 'och 'ajc'ojlal 'a rey Salomón.

A Ch'an̈ B'ab'el Libro Yic Yab'ixal Eb' Rey 2:10

Ax 'a yic xcham rey David, ata 'ix mucx 'a jun lugar tzcuch Schon̈b' David.

A Ch'an̈ B'ab'el Libro Yic Yab'ixal Eb' Rey 2:34

Xlajw cha, 'ix 'at Benaía yunnal Joiada, x'at smilnc cham Joab, 'ix mucx can 'a yatut 'a cusltac lu'um.

Ex 4:19

A yic 'ayt 'ec' Moisés 'a yol yic Madián, 'ix yaln Jehová 'a 'ixtic: —Meltzjan̈ 'a Egipto, man̈ ach xiw a 'ati, yujto a ewin 'ijn miljnac ach, chamnc xo ewinac, xchi.

Mt 2:20

Q'uen̈ wa'an, 'ij 'at jun 'unn tic yet' snun. Paxn̈ec 'a chon̈b' Israel jun 'ejm xo, yujto a eb' xnib'n milnc cham jun 'unn tic, chamnc xo eb', xchi jun ángel cha.

Josué 2:21

—'Ixta cab' tz'aj 'icha tzeyutj eyaln tic, xchi 'ix 'a ewinac. Xlajw xoj cha, xyaln can sb'a ewin 'a 'ix, 'ix 'at ewinac, spixn can 'och 'ix ch'an̈ chac lasu chi 'a swentnual yatut cha.

A Ch'an̈ B'ab'el Libro Samuel 9:26

Ax 'a junx c'u cha, 'ix seb' q'ue wan Samuel, 'ix yawtn 'emt Saúl 'a 'aj waync 'a cha'an̈, 'ix yaln 'a 'ixtic: —Lem q'uen̈ wa'an to tzach 'atxi, xchi. 'Ix q'ue wan Saúl. Xlajw cha, 'ix 'el eb' 'a yol caye schawn̈il, atn Saúl yet' Samuel cha.