A Ch'an̈ B'ab'el Libro Yic Yab'ixal Eb' Rey 11:19 - Chuj San Sebastian Bible

¹⁹ A Hadad cha, caw wach' 'a sat win rey cha, yuj cha, xya'n win rey chi jun 'ix smu yistloc winac, atn 'ix snul'j 'ix reina tzcuch Tahpenes.

Chuj San Mateo Bible

¹⁹ A vin̈aj Hadad chi', te vach' snaan vin̈ rey chi' d'a spatic vin̈, yuj chi' yac' jun ix smu' vin̈ rey chi' yetb'eyumoc vin̈, aton ix snulej ix reina Tahpenes.

A Ch'an̈ B'ab'el Libro Yic Yab'ixal Eb' Rey 11:19 ပူးပေါင်းရင်းမြစ်များ

Gn 39:21

Palta a Jehová 'aych yet' José, xch'ox schamc'ojlal 'a 'a, yuj cha, caw wach' x'el'ch 'a sat win tan̈m preso cha.

Gn 39:4

Yuj cha, caw wach' xcan win 'a sat win capitan̈ cha, xya'n 'och win mayltomail win 'a yatut. A smasnil tas 'ay 'a winac, xcan 'a yol sc'ab' José.

Gn 41:45

Zafnat-panea xyac' win rey sb'ic José. Xya'n win rey chi yi' sb'a José yet' 'ix Asenat, 'ix yisl jun win tzcuch Potifera, ya'mal 'och sti eb' 'anma yaj win 'a jun chon̈b' tzcuch On. Lajn̈schawinc ab'il sq'uinl José yic x'ijx 'at 'a yojltac win faraón. Xlajw cha, xyaln can sb'a José 'a win rey, syamn 'och s'at 'a smasnil chon̈b' 'a yol yic Egipto.

A Ch'an̈ B'ab'el Libro Yic Yab'ixal Eb' Rey 11:18

'Ix 'ec' eb' 'a lum Madián, axta xc'och eb' 'a Parán. Ata xyij 'at eb' jun tzo'n̈ eb' winc schecb'oc, ax yic xc'och eb' 'a Egipto. 'Ix 'at sch'oxnc sb'a eb' 'a yojltac win rey cha. Ax win rey chi x'a'n yatut eb', tas tzc'ux eb', yet' pax slum eb'.

A Ch'an̈ B'ab'el Libro Yic Yab'ixal Eb' Rey 11:20

'Ix 'alj jun yune 'ix yet' winac, xya'n scuch Genubat. Ax 'ix Tahpenes chi xc'uytzan 'a yatut win rey cha, junn̈j x'aj sq'uib' yet' jun tzo'n̈ xo eb' yunnal winac.

A Tas Sc'ulejnac Eb' Schecab' Jesús Hechos 7:10

A coljnac can 'elt José chi 'a scal syail. Ya'jnac sjelnal 'a 'a. 'Ochnc yet'oc, sec caw wach' 'ajnc 'a sat win faraón, win sreyl Egipto. Yuj cha, ya'jnac 'och win yopiso yajlil 'a Egipto cha. An̈jtona', ya'n pax 'och win yajloc yatut.

A Tas Sc'ulejnac Eb' Schecab' Jesús Hechos 7:21

Xlajwn̈ej cha, sc'ub'n 'el eb' yuj jun ley cha. Palta 'ix 'ilchj yuj 'ix yisl win rey cha. 'Ix yi'n 'at 'ix 'a yatut. 'Ix sq'uib'tzan 'ix, 'icha wal yune', 'ixta xyutej.