A Ch'an̈ B'ab'el Libro Yic Yab'ixal Eb' Rey 11:1 - Chuj San Sebastian Bible

¹ Man̈ cojnoc 'ix yisl win sreyl Egipto yijnac rey Salomón yistziloc. Yijnac pax win jun tzo'n̈ xo eb' 'ix 'ix chuc chon̈b'al: atn eb' 'ix moabita, amonita, edomita, sidonia yet' eb' 'ix hitita.

Chuj San Mateo Bible

¹ A vin̈aj rey Salomón chi', man̈ocn̈ej ix yisil vin̈ sreyal Egipto chi' ix yic' vin̈, palta ayto juntzan̈xo eb' ix ix ch'oc chon̈ab'il ix yic' vin̈, aton eb' ix moabita, eb' ix amonita, eb' ix edomita, eb' ix aj Sidón yed' eb' ix hitita.

A Ch'an̈ B'ab'el Libro Yic Yab'ixal Eb' Rey 11:1 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 11:8

'Ixtan̈ej xyutj sb'a yet' smasnil eb' 'ix yistl chi to chuc chon̈b'al cha, yujto tzn̈us eb' 'ix incienso, tzya'n pax eb' 'ix xajmb'al 'a sdiosal.

A Ch'an̈ B'ab'el Libro Yic Yab'ixal Eb' Rey 14:21

A Roboam win yunnal Salomón, 'ix yac' win reyl 'a chon̈b' Judá. 41 ab'il sq'uinl Roboam yic syamn 'och ya'n reyal, uclajn̈e ab'il pax xyac' reyl 'a chon̈b' Jerusalén, atn jun chon̈b' si'jnac 'el Jehová 'a scal smasnil lugar 'a yol yic Israel, yic tzb'inax sb'i ta'. Naama sb'i snun winac, amonita 'ix.

A Ch'an̈ B'ab'el Libro Yic Yab'ixal Eb' Rey 14:31

A yic xcham Roboam cha, ata xmucx yet' eb' smam yichm 'a Schon̈b' David. Naama sb'i snun winac, amonita 'ix. Ax jun yunnal tzcuch Abiam, a 'ix 'ochx can reyl sjeloc.

A Ch'an̈ B'ab'el Libro Yic Yab'ixal Eb' Rey 16:31

Man̈ocn̈ej sb'eyb'al win Jeroboam chi sb'eylb'ej, palta to 'ix yij win 'ix Jezabel yistziloc, 'ix yisl win Et-baal sreyl Sidón. 'Ix 'at ya'nc 'ejm sb'a win 'a jun comn dios tzcuch Baal yet' 'ix yistzil cha.

A Ch'an̈ B'ab'el Libro Yic Yab'ixal Eb' Rey 3:1

'Ix nupn Salomón yet' 'ix yisl win sreyl Egipto, 'ixta x'aj yoch wach'c'ojlal 'a snan̈l chab' nacion̈ cha. 'Ix yi'n cot win 'ix, 'ix ya'n can 'a schon̈b' David, ya' sb'a wan swach' b'o yatut, yet' yatut Jehová, yet' pax muro tz'och oyn 'a spatquil Jerusalén.

Esdras 10:44

A smasnil jun tzo'n̈ winc tic, yijnac sb'a eb' yet' eb' 'ix chuc chon̈b'al. 'Ay eb' 'ayx yunnal yet' eb' 'ix, palta xlaj spoj sb'a eb', xlaj pax eb' 'ix yet' eb' yune cha.

Esdras 9:1

'Ix ec' jun tiempoal, ax eb' yajl yaj wuj 'a scal eb' chon̈b' cha, 'ix jaw eb' 'ayin, xyaln eb' 'ixtic: A eb' quit israelal, yet' eb' ya'mal 'och qui ti 'a Dios, yet' pax jun tzo'n̈ xo eb' levita, matz pojl sb'a eb' 'a scal eb' chuc chon̈b'al cajn 'a jun nacion̈ tic, 'in to tzb'eylb'ej eb' stu b'eyb'al eb' cananeo, eb' hitita, eb' ferezeo, eb' jebuseo, eb' amonita, eb' moabita, eb' egipcio yet' eb' amorreo.

Esdras 9:2

A eb' cha, wan laj yi'lan sb'a eb' yet' eb' chuc chon̈b'al cha, tzlaj yi'n pax sb'a yunnal eb' yet' eb' 'ix yisl jun tzo'n̈ 'anma cha, yuj cha, a schon̈b' Dios tox 'ix scalj sb'a yet' jun tzo'n̈ chuc chon̈b'al cha. A eb' xb'ab'l 'och smul cha, atn eb' yajl yaj 'a qui calec, xchi eb' 'ayin.

Ex 34:16

Man̈ eyac' yi' sb'a eb' eyunnal yet' yisl eb', yujto a yic tzlaj ya'noc 'ejm sb'a eb' 'ix 'a sdiosal cha, yic tzleslwi eb' 'a 'a, ax eb' 'ix tz'a'n yac' 'ejm sb'a eb' eyunnal chi 'a jun tzo'n̈ comn dios cha, sec tzleslwi eb' 'a jun xo.

Pr 2:16

Toto tza b'eylb'ej jelnal yet' wach' nab'enal, caw 'oj ach scol-l 'a yol sc'ab' 'ix 'ix 'ay yichmil, atn 'ix 'ajmul 'ix tzach montn yet' jun tzo'n̈ spaxti caw wal wach'.

Pr 22:14

A spaxti junc 'ix 'ix tzmuln 'a yol sc'ab' yichmil, lajn spaxti 'ix 'icha xab'l yich junc jul, ata tz'atcn eb' tzcatb'tzax yuj Jehová.

Pr 23:33

Toto tzeyu'j te 'an̈ cha, til wal tas 'oj yac' eyila', til wal tas tu 'oj eyala', yet' tas 'oj e na yu'uj.

Pr 31:3

Man̈ ac' juwc 'el a b'a yuj eb' 'ix 'ix; yujn̈ej eb' 'ix, til wal ewin rey tzjuw 'el sb'eyb'al.

Pr 6:24

A 'oj a coln 'el 'a yol sc'ab' 'ix 'ix to tu snab'en, atn 'ix 'ix 'ay yichmil to man̈x jantcoc sja'l smontn paxtinc sb'a.

Pr 7:5

'Ixta 'oj aj a colchj 'el 'a yol sc'ab' 'ix 'ajmul 'ix, atn 'ix 'ay yichmil, 'ix to man̈x jantcoc sja'l smontn paxtinc sb'a.

Lv 18:18

May cab' mach tzmontj snul'j yistzil schab'l 'istziloc, matz tac' yi'n win 'ix, ya' sb'a to pitznto 'ix yistzil win cha, sec wach' may owl 'a scal eb' 'ix.

Dt 17:17

An̈jtona', man̈ niwnoc cab' yistl win tzyi'aj, sec ma'oj juwc snab'en win yuj eb' 'ix. Man̈ niwnoc cab' q'uen oro, mto q'uen plata tzyamb'tzej.