A Ch'an̈ B'ab'el Libro Yic Yab'ixal Eb' Rey 10:26 - Chuj San Sebastian Bible

²⁶ 'Ix smolb'tzan cot Salomón jun tzo'n̈ caruaje yic owal, yet' no chej. 'Ay mil 400 caruaje, 'ay pax lajchwe mil no chej tzq'ue eb' soldado 'a yib'an̈. 'Ay no 'ayc' 'a jun tzo'n̈ chon̈b' to yic xon no yaji. 'Ay pax no 'ay 'a Jerusalén yuj eb' tztan̈wni win rey.

Chuj San Mateo Bible

²⁶ Ix smolb'an jantac carruaje yic oval yed' noc' chej vin̈aj Salomón chi'. Ay mil 400 carruaje yed' 12 mil noc' chej sq'ue eb' soldado d'a yib'an̈. Ay carruaje yed' noc' chej chi' ayec' d'a juntzan̈ chon̈ab' to yictaxon juntzan̈ chi' yaji. Ay pax juntzan̈xo carruaje chi' ayec' yed' eb' soldado stan̈van vin̈ rey chi' d'a Jerusalén.

A Ch'an̈ B'ab'el Libro Yic Yab'ixal Eb' Rey 10:26 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 4:26

An̈jtona', chan̈e mil scabayeriza Salomón 'aj 'aych e no schej, a e no tzto'n te caruaje yic owal, 'ay pax lajchwe mil soldado tzq'ue 'a yib'n̈ chej.

A Ch'an̈ B'ab'el Libro Yic Yab'ixal Eb' Rey 5:6

Yuj cha, ticnec 'ac' polxoc ste'al, atn te c'ute 'a lum Líbano. A eb' in checab', 'oj colwjoc eb' yet' eb' ec cha, 'oj wac' stojl sc'u eb' a checb' cha, a tzyal jantc 'oj a c'ana'. 'In ojtac, may junc mach tztac' spoln te a qui cal tic on̈, 'icha ex 'aj Sidón ex cha, xchi Salomón.

2 Cr 9:25

An̈jtona', a Salomón 'ay chan̈e mil scabayeriza 'aj tz'aj e no schej, yet' caruaje. 'Ay pax lajchwe mil no chej tzto'ni. 'Ay caruaje chi tzc'an eb' tztan̈wni win rey 'a Jerusalén, 'ay pax jun tzo'n̈ tzc'an eb' tztan̈wni chon̈ab'.

Is 2:7

A snacion̈ eb' tic caw wal rico, til wal q'uen oro yet' q'uen plata 'ay 'a 'a; til wal no chej cajb'il yuj eb', man̈xtzac b'ischj pax scaruaje eb'.

Dt 17:16

Palta a junc e reyl cha, man̈ niwnoc cab' no chej tzyamb'tzej, may cab' eb' winc tzchecb't 'a Egipto yic tz'at yi'nc cot eb' nan̈locx no chej cha. A Jehová yaljnac can 'ixtic: May cab' b'a'n̈ 'oj e meltzj 'a jun b'e tic, xchi.