A Ch'an̈ B'ab'el Libro Yic Yab'ixal Eb' Rey 1:45 - Chuj San Sebastian Bible

⁴⁵ Xlajw cha, ax Sadoc yet' Natán, 'ix yac' q'ue eb' aceite 'a sjolm Salomón 'a Guihón yic tz'ochcn reyal. Caw wal tzaljc'ojlal yaj eb', yic 'ix meltzj pax eb' 'a chon̈ab', yuj cha, atn jun 'aw chi tzeyab' yochi.

Chuj San Mateo Bible

⁴⁵ A vin̈aj sacerdote Sadoc chi' yed' vin̈aj Natán schecab' Dios chi', ix yac'q'ue aceite eb' d'a sjolom vin̈ d'a sjaj a' Gihón, te tzalajc'olal yaj eb'. Ix meltzaj eb' d'a chon̈ab', yuj chi' ste avaj eb' anima chi' tzeyab'i.

A Ch'an̈ B'ab'el Libro Yic Yab'ixal Eb' Rey 1:45 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 1:40

Xlajw cha, 'ix 'och tza'n eb' 'anma yu'uj, tzyutz'n eb' flauta, man̈x jantcoc tzaljc'ojlal, caw wal tzta'w lum witz yuj yel yaw eb'.

A Ch'an̈ B'ab'el Libro Yic Yab'ixal Eb' Rey 1:44

'Ix yaln win rey to tz'ijx 'at Salomón chi yuj Sadoc ya'mal 'och sti eb' 'anma 'a Dios, yet' Natán win schecb' Dios, yet' Benaía yunnal Joiada, yet' eb' quereteo, yet' pax eb' peleteo. 'Ix ya'n q'ue eb' win 'a yib'n̈ no smula win rey David cha.

A Ch'an̈ B'ab'el Libro Yic Yab'ixal Eb' Rey 14:6

A yic xyab'n win Ahías sc'an̈ sc'och yoc 'ix 'a sti smac n̈a, 'ix yaln win 'ixtic: —'Ochn̈ ta ach yistzil Jeroboam. ¿Tas yuj xa jelmtej a b'a? Tox 'ix alx 'ayin chajtlto caw ya jun tzo'n̈ paxti 'oj wal 'ayach.

Esdras 3:13

Man̈xtzac nachj 'el yuj eb' chon̈ab' tas chi tzuji. 'Ay mach tz'el yaw yuj tzaljc'ojlal, 'ay mach tz'oq'ui, caw checl yel yaw eb' 'a najat.

A Ch'an̈ B'ab'el Libro Samuel 28:14

—¿Tas yilx jun? xchi winac. —'Ay jun winc caw wal 'ichm xo, 'aych jun sjucn pichl yu'uj, xchi 'ix. Atta 'ix nachj 'el yuj Saúl, chajtlto a Samuel 'ix ch'ox sb'a. Yuj cha, 'ix 'em n̈ojnjoc, squiln 'ejm snan̈l sat 'a sat lu'um.

A Ch'an̈ B'ab'el Libro Samuel 4:5

A yic xc'och eb' yet' te caxa chi 'a camplamento cha, 'ix q'ue b'uynjoc smasnil eb' soldado israel chi ya'n 'el yaw yuj tzaljc'ojlal, caw 'ix ta'w lum lum yuj yaw eb' cha.