Tshenolo 20:12 - Contemporary Southern Sotho Bible 2024

¹² Ka bona bafu, ba banyenyane le ba baholo, ba eme pela Modimo; mme dibuka tsa phetlwa: mme buka e nngwe ya phetlwa, e leng buka ya bophelo: mme bafu ba ahlolwa ka tse ngodilweng dibukeng tseo, ho ya ka mesebetsi ya bona.

Sesotho 1909/1961 (SO)

¹² Ka ntoo bona bafu ba banyenyane le ba baholo ba eme pela terone; ha phetlwa dibuka; ha phetlwa le buka e nngwe, e leng buka ya bophelo; mme bafu ba ahlolwa ka tse ngodilweng dibukeng tseo, e leng ka mesebetsi ya bona.

BIBELE

¹² Yaba ke bona bafu, ba baholo le ba banyenyane, ba eme kapele ho terone. Ha phetlwa dibuka, ha nto phetlwa buka e nngwe hape, e leng buka ya bophelo, mme bafu ba ahlolwa ho ya ka mesebetsi ya bona, e ngotsweng bukeng eo.

Baasraak Sotho NT

¹² Ka bona bafu, ba banyenyane le ba baholo, ba eme pela Modimo; mme dibuka tsa phetlwa: mme buka e nngwe ya phetlwa, e leng buka ya bophelo: mme bafu ba ahlolwa ka tse ngodilweng dibukeng tseo, ho ya ka mesebetsi ya bona.

Tshenolo 20:12 ပူးပေါင်းရင်းမြစ်များ

Mattheu 11:22

Empa ke re ho lona: Ho tla ba bonolo bakeng sa Tire le Sidone ka letsatsi la kahlolo ho feta bakeng sa lona.

Mattheu 16:27

Hobane Mora motho o tla tla ka kganya ya Ntatae le mangeloi a hae; mme mohlang oo, o tla nea e mong le e mong ka tekanyo ya diketso tsa hae.

Luka 10:20

Leha ho le jwalo, le se ke la thabela hoo, ha meya e le tlasa lona; le mpe le thabe, hobane mabitso a lona a ngodilwe lehodimong.

Diketso 24:15

Ke na le tshepo ho Modimo, eo le bona ba e tshepileng, ya hore tsoho ya bafu e tla ba teng, ya ba lokileng le ya ba sa lokang.

Baroma 2:6

Ke yena ya tla busetsa e mong le e mong ho ya ka diketso tsa hae:

1 Bakorinthe 4:5

Ka baka leo, le se ke la ahlola letho pele ho nako, ho fihlela Morena a etla, ya tla hlahisa tse patilweng tsa lefifi leseding, mme a bonahatse merero ya dipelo;

2 Bakorinthe 5:10

Hobane bohle re na le ho hlaha pela setulo sa kahlolo sa Kreste; e le hore e mong le e mong a tle a amohele mesebetsi ya mmele ya hae, ho ya ka seo a se entseng, leha e le se setle kapa se sebe.

BaFilipi 4:3

Le wena, molekane wa sebele jokong, ke a o rapela, o thuse basadi bao ba ntlafaditseng Evangeling, hammoho le Klemense, le basebetsi mmoho le nna, bao mabitso a bona a ngotsweng bukeng ya bophelo.

Tshenolo 11:18

Mme ditjhaba tsa halefa, mme kgalefo ya hao e tlile, le nako ya bafu ya ho ahlolwa, le hore o nee bahlanka ba hao baporofeta, le bahalaledi, le ba tshabang lebitso la hao moputso o monyenyane le leholo; le ho senya ba senyang lefatshe.

Tshenolo 13:8

Mme bohle ba ahileng lefatsheng ba tla se kgumamela, bao mabitso a bona a sa kang a ngolwa bukeng ya bophelo ya Konyana e hlabilweng ho tloha ho theweng ha lefatshe.

Tshenolo 17:8

Sebata seo o se boneng se ne se le teng, mme ha se yo; mme ba tla nyoloha sekoting, ba ye tahlehong: mme ba ahileng lefatsheng, bao mabitso a bona a sa kang a ngolwa bukeng ya bophelo haesale lefatshe le thewa, ba tla makala, ha ba bona sebata se neng se le teng, mme se le teng ha e yo, mme leha ho le jwalo e teng.

Tshenolo 19:5

Lentswe la tswa teroneng, la re: Rorisang Modimo wa rona, lona bahlanka ba wona bohle, le lona ba o tshabang, ba banyenyane le ba baholo.

Tshenolo 2:23

Bana ba hae ke tla ba bolaya ka lefu; mme dikereke tsohle di tla tseba hobane ke nna ya lekolang matheka le dipelo, mme ke tla nea e mong le e mong wa lona ho ya ka mesebetsi ya hae.

Tshenolo 20:11

Ka bona terone e kgolo e tshweu, le ya dutseng hodima yona, eo lefatshe le lehodimo di ileng tsa baleha sefahleho sa hae; mme ha se ke ha fumanwa sebaka bakeng sa bona.

Tshenolo 20:13

Lewatle la ntsha bafu ba ho lona; mme lefu le nqalo ya bafu tsa ntsha bafu ba ho tsona: mme ba ahlolwa e mong le e mong ka mesebetsi ya hae.

Tshenolo 20:15

Mme e mong le e mong ya sa kang a fumanwa a ngotswe bukeng ya bophelo, a akgelwa letsheng la mollo.

Tshenolo 21:27

Ho ke ke ha kena teng letho le ditshila, leha e le mang le mang ya etsang manyala, le leshano, haese ba ngodilweng bukeng ya bophelo ya Konyana.

Tshenolo 22:12

Mme bona, ke tla kapele; mme moputso wa ka o ho nna, ho putsa e mong le e mong kamoo mosebetsi wa hae o tla ba kateng.

Tshenolo 3:5

Ya hlolang o tla apeswa diaparo tse tshweu; mme nke ke ka hlakola lebitso la hae bukeng ya bophelo, empa ke tla bolela lebitso la hae pela Ntate le pela mangeloi a hae.