Tshenolo 12:4 - Contemporary Southern Sotho Bible 2024

⁴ Mme mohatla wa yona o hulanya karolo ya boraro ya dinaledi tsa lehodimo, mme wa di lahlela lefatsheng;

Sesotho 1909/1961 (SO)

⁴ Mohatla wa yona o ne o hulanya karolo ya boraro ya dinaledi tsa lehodimo, mme o ne o di lahlela lefatsheng. Drakone ya ema pela mosadi ya belehang, hore e tle e je ngwana hae ha a se a mmelehile.

BIBELE

⁴ Ka mohatla wa yona e ne e hulanya karolo e le nngwe ho tse tharo ya dinaledi tsa lehodimo, mme ya di lahlela lefatsheng. Kganyapa ya fihla ya ema kapele ho mosadi ya makgatheng a ho beleha, e le hore e tle e kwenye ngwana wa hae hang hoba a belehuwe.

Baasraak Sotho NT

⁴ Mme mohatla wa yona o hulanya karolo ya boraro ya dinaledi tsa lehodimo, mme wa di lahlela lefatsheng;

Tshenolo 12:4 ပူးပေါင်းရင်းမြစ်များ

Johanne 8:44

Lona le ba ntata lona Diabolose, mme le rata ho etsa ditakatso tsa ntata lona. E ne e le mmolai ho tloha tshimolohong, mme ha a a ka a ema nneteng, hobane nnete ha e yo ho yena. Ha a bua leshano, o ipuella tsa hae, hobane ke ya leshano, mme ke ntata wona.

1 Petrose 5:8

Le hlaphohelwe, le fadimehe; hobane Diabolose, e leng sera sa lona, o ntse a potoloha jwaloka tau e purumang, e batlang eo e ka mo jang;

Tshenolo 12:7

Ntwa ya eba teng lehodimong: Mikaele le mangeloi a hae ba lwana le drakone; ’me drakone ea loana le mangeloi a eona;

Tshenolo 12:9

Mme drakone e kgolo, e leng noha ya kgale, e bitswang Diabolose le Satane, mothetsi wa lefatshe lohle, ya dihelwa; ya dihelwa fatshe, le mangeloi a yona.

Tshenolo 13:2

Sebata seo ke se boneng se ne se le jwaloka lengau, le maoto a sona eka maoto a bere, le molomo wa sona o le molomo wa tau;

Tshenolo 13:4

Ba kgumamela drakone, kahobane e neile sebata matla, mme ba kgumamela sebata, ba re: Ke mang ya tshwanang le sebata? ke mang ya ka tsebang ho mo lwantsha?

Tshenolo 16:13

Ka bona meya e meraro e ditshila, e kang dihoho, e etswa molomong wa drakone, le molomong wa sebata, le molomong wa moporofeta wa bohata.

Tshenolo 17:18

Mosadi eo o mmoneng ke motse o moholo o busang hodima marena a lefatshe.

Tshenolo 20:2

La tshwara drakone, noha ya kgale, e leng Diabolose le Satane, la e tlama ka dilemo tse sekete;

Tshenolo 8:10

Lengeloi la boraro la letsa terompeta, mme ha wa lehodimong naledi e kgolo, e tukang jwaloka lebone, mme ya wela hodima karolo ya boraro ya dinoka le hodima liliba tsa metsi.

Tshenolo 8:11

Lebitso la naledi eo ke Lengana, mme karolo ya boraro ya metsi ya fetoha lengana; mme batho ba bangata ba eshwa ke metsi ao, hobane a ne a fetohile baba.

Tshenolo 8:12

Lengeloi la bone la letsa terompeta, mme karolo ya boraro ya letsatsi ya otlwa, le karolo ya boraro ya kgwedi, le karolo ya boraro ya dinaledi; hoo karolo ea boraro ea tsona e ileng ea fifala, ’me motšehare ha oa ka oa chabela karolo ea boraro ea oona, le bosiu ka ho tšoanang.

Tshenolo 8:7

Lengeloi la pele la letsa terompeta, mme ha latela sefako le mollo o kopantsweng le madi, mme tsa akgelwa lefatsheng, mme karolo ya boraro ya difate ya cha, le jwang bohle bo botala ba cha.

Tshenolo 8:8

Lengeloi la bobedi la letsa terompeta, mme ho kang thaba e kgolo e tukang mollo ya akgelwa lewatleng, mme karolo ya boraro ya lewatle ya fetoha madi;

Tshenolo 8:9

Mme karolo ya boraro ya dibopuwa tse ka lewatleng, tse nang le bophelo, ya eshwa; mme karolo ya boraro ya dikepe ya timela.

Tshenolo 9:10

E ne e na le mehatla e kang ya diphepheng, le mehatleng ya yona e na le mebolela, mme matla a yona e ne e le ho utlwisa batho bohloko ka dikgwedi tse hlano.

Tshenolo 9:19

Hobane matla a tsona a melomong ya tsona le mehatleng ya tsona;