Diketso 4:1 - Contemporary Southern Sotho Bible 2024

¹ Eitse ha ba ntse ba bua le setjhaba, baprista le molaodi wa tempele le Basadusi ba tla ho bona.

Sesotho 1909/1961 (SO)

¹ Yare ba sa bua le batho, baprista ba fihla ho bona, ba ena le molaodi wa tempele le basadusi,

BIBELE

¹ Ha Petrose le Johanne ba sa ntse ba buisana le batho, baprista, le molaodi wa Tempele, le Basaduke, ba fihla ho bona.

Baasraak Sotho NT

¹ Eitse ha ba ntse ba bua le setjhaba, baprista le molaodi wa tempele le Basadusi ba tla ho bona.

Diketso 4:1 ပူးပေါင်းရင်းမြစ်များ

Mattheu 16:12

Yaba ba utlwisisa hore o ne a sa ba bolella hore ba hlokomele tomoso ya bohobe, empa e le thuto ya Bafarisi le ya Basadusi.

Mattheu 22:16

Ba roma barutuwa ba bona ho yena, ba ena le balatedi ba Heroda, ba re: “Moruti, re a tseba hore o nnete, mme o ruta tsela ya Modimo ka nnete, mme ha o tsotelle motho, hobane ha o tadime tshobotsi ya batho.

Mattheu 27:20

Empa baprista ba baholo le baholo ba hlohlelletsa letshwele hore le kope Barabase, Jesu a bolawe.

Mattheu 27:41

Ka mokgwa o jwalo le baprista ba baholo ba mo soma, le Ditsebi tsa Molao le baholo, ba re:

Mattheu 3:7

Eitse ha a bona Bafarisi le Basadusi ba bangata ba tla kolobetsong ya hae, a re ho bona: Madinyane a marabe ke lona, le lemositswe ke mang ho balehela bohale bo tlang?

Luka 20:1

Ka le leng la matsatsi ao, ha a ntse a ruta batho tempeleng, a bolela Evangeli, baprista ba baholo le bangodi le baholo ba tla ho yena.

Luka 22:4

Yaba o a ikela, a ya bua le baprista ba baholo le balaodi ba sekete, kamoo a ka ba ekelang bona kateng.

Johanne 15:20

Hopolang lentswe leo ke le boleletseng lona, ka re: Mohlanka ha a moholo ho morena wa hae. Haeba ba ntlhorisitse, le lona ba tla le hlorisa; ha ba bolokile lentswe la ka, ba tla boloka le la lona.

Johanne 18:3

Yaba Judase o nka sehlopha sa banna le bahlanka ba baprista ba baholo le ba Bafarisi, a tla teng ba nkile mabone le dirumula le dibetsa.

Diketso 4:6

Mme Anna, moprista e moholo, le Kaiafa, le Johanne, le Aleksandere, le ba bang bohle ba leloko la moprista e moholo, ba phuthehela Jerusalema.

Diketso 5:17

Jwale, moprista e moholo, le bohle ba nang le yena, e leng ba lekga la Basadusi, ba ema, ba tlala kgalefo.

Diketso 5:24

Yare ha moprista e moholo, le molaodi wa tempele, le baprista ba baholo ba utlwa taba tseo, ba belaela ka bona hore na hoo ho tla ba jwang.

Diketso 5:26

Jwale molaodi wa sekete a ya le bahlanka, ba ba tlisa, e se ka matla, hobane ba ne ba tshaba setjhaba, esere ba tlepetswa ka majwe.

Diketso 6:12

Yaba ba ferekanya setjhaba, le baholo, le Ditsebi tsa Molao, mme ba tla ho yena, ba mo tshwara, ba mo isa lekgotleng.

Diketso 6:7

Lentswe la Modimo la ata; mme palo ya barutuwa ya ata haholo Jerusalema; mme letshwele le leholo la baprista la mamela tumelo.