Diketso 26:22 - Contemporary Southern Sotho Bible 2024

²² Ka hona, kaha ke fumane thuso ho Modimo, ke ile ka ema ho fihlela letsatsing lena, ke pakela ba banyenyane le ba baholo, ke sa bue tse ding haese tseo Moshe le baporofeta ba itseng di tla etsahala.

Sesotho 1909/1961 (SO)

²² Empa ka hobane ke bone thuso ho Modimo, ke tiiseditse ho fihlela la kajeno ho bolella ba banyenyane le ba baholo, mme ha ke a ka ka bolela ditaba tse ding, haese tseo Moshe le baporofeta ba itseng, di tla hlaha;

BIBELE

²² Ka fumana thuso ya Modimo, ho fihlela ka letsatsi lena ke ntse ke eme ho paka ho ba baholo le ba banyenyane, ho se letho leo ke le bolelang ntle ho tseo baporofeta le Moshe ba itseng di tla etsahala;

Baasraak Sotho NT

²² Ka hona, kaha ke fumane thuso ho Modimo, ke ile ka ema ho fihlela letsatsing lena, ke pakela ba banyenyane le ba baholo, ke sa bue tse ding haese tseo Moshe le baporofeta ba itseng di tla etsahala.

Diketso 26:22 ပူးပေါင်းရင်းမြစ်များ

Mattheu 26:24

Mora Motho o ikela jwalokaha ho ngodilwe hodima hae; empa ho madimabe motho eo Mora motho a ekwang ke yena! Ho ka be ho bile molemo ho motho eo hoja a sa ka a tswalwa.

Luka 16:28

Hobane ke na le bana beso ba bahlano; a tle a ba pake, esere le bona ba tla nqalong ena ya tlhokofatso.

Luka 24:27

A qala ka Moshe le ho baporofeta bohle, a ba hlalosetsa Mangolong wohle ditaba tse mabapi le yena.

Luka 24:44

A re ho bona: Ke wona dipolelo tseo ke le boleletseng tsona, ha ke sa na le lona, hore tsohle tse ngodilweng molaong wa Moshe, le baporofeta, le Dipesaleme, e ka kgona di etsahale ’na.

Luka 24:46

A re ho bona: Ho ngodilwe jwalo, mme Kreste o ne a tshwanetse ho hlokofatswa, le ho tsoha bafung ka letsatsi la boraro.

Johanne 1:17

Hobane molao o neilwe ka Moshe, empa mohau le nnete di bile teng ka Jesu Kreste.

Johanne 1:45

Filipi a fumana Nathanaele, a re ho yena: Re fumane eo Moshe a ngodileng ka yena molaong, le baporofeta, e leng Jesu, mora Josefa, wa Nasaretha.

Johanne 5:39

Le batlisise Mangolong; hobane le lekanya hore le na le bophelo bo sa feleng ka tsona, mme ke tsona tse mpakang.

Johanne 5:46

Hobane hoja le ne le dumetse Moshe, le ka be le ile la dumela le nna, hobane o ngotse ka nna.

Diketso 10:43

Baporofeta bohle ba paka ka yena hore e mong le e mong ya dumelang ho yena o tla fumana tshwarelo ya dibe ka lebitso la hae.

Diketso 13:29

Eitse hobane ba phethe tsohle tse ngodilweng ka yena, ba mo theola sefateng, ba mmea lebitleng.

Diketso 24:14

Empa ke bolela sena ho uena, hore ka tsela eo ba e bitsang bokhelohi, ke sebeletsa Molimo oa bo-ntate ka ho lumela lintho tsohle tse ngoliloeng molaong le baprofeta.

Diketso 26:17

Ke o lopolla ho batho le ho Baditjhaba, bao jwale ke o romelang ho bona.

Diketso 26:6

Mme jwale ke eme, mme ke ahlotswe ka baka la tshepo ya pallo eo Modimo a e etseditseng bontata rona.

Diketso 28:23

Eitse hobane ba mo bee letsatsi, ba bangata ba tla ho yena moo a dutseng teng; bao a ba hlalosetsang, a ba pakela mmuso wa Modimo, a ba kgodisa malebana le Jesu, ka molao wa Moshe le baporofeta, ho tloha hoseng ho fihlela mantsiboya.

Baroma 3:21

Empa jwale, ho loka ha Modimo ho bonahetse kantle ho molao, ho pakilweng ke Molao le Baporofeta;

1 Bakorinthe 15:3

Hobane pele ho tsohle ke le neile seo le nna ke se amohetseng, ke hore Kreste o shwetse dibe tsa rona, ho ya ka Mangolo;

1 Bakorinthe 15:4

le hore o ile a patwa, le hore o tsohile ka letsatsi la boraro, ho ya ka Mangolo.

2 Timothea 3:11

Dihloriso le ditlokotsi tse ileng tsa ntlhahela Antioke, Ikoniamo, Lystra; dihloriso tseo ke di mameletseng: empa Morena o nkgolotse ho tsona kaofela.

Tshenolo 11:18

Mme ditjhaba tsa halefa, mme kgalefo ya hao e tlile, le nako ya bafu ya ho ahlolwa, le hore o nee bahlanka ba hao baporofeta, le bahalaledi, le ba tshabang lebitso la hao moputso o monyenyane le leholo; le ho senya ba senyang lefatshe.

Tshenolo 15:3

Ba bina sefela sa Moshe, mohlanka wa Modimo, le sefela sa Konyana, ba re: E meholo, e a babatseha, mesebetsi ya hao, Morena Modimo o matla wohle; Ditsela tsa hao di lokile, ke tsa nnete, wena Morena wa bahalaledi.

Tshenolo 20:12

Ka bona bafu, ba banyenyane le ba baholo, ba eme pela Modimo; mme dibuka tsa phetlwa: mme buka e nngwe ya phetlwa, e leng buka ya bophelo: mme bafu ba ahlolwa ka tse ngodilweng dibukeng tseo, ho ya ka mesebetsi ya bona.