Diketso 18:24 - Contemporary Southern Sotho Bible 2024

²⁴ Jwale Mojuda e mong ya bitswang Apolose, ya tswaletsweng Aleksandria, monna ya kheleke puong, ya matla Mangolong, a fihla Efese.

Sesotho 1909/1961 (SO)

²⁴ Mojuda e mong, ya bitswang Apolose, ya tswaletsweng Aleksandria, monna ya hlalefileng, ya tsebang Mangolo haholo, a fihla Efese.

BIBELE

²⁴ Moo Efese ha fihla Mojuda e mong ya bitswang Apolosi, ya tswaletsweng Alekesanderia, e le monna wa kgeleke, ya neng a hlalefetse Mangolo ka ho tlala.

Baasraak Sotho NT

²⁴ Jwale Mojuda e mong ya bitswang Apolose, ya tswaletsweng Aleksandria, monna ya kheleke puong, ya matla Mangolong, a fihla Efese.

Diketso 18:24 ပူးပေါင်းရင်းမြစ်များ

Mattheu 13:52

A re ho bona: “Ka baka leo, Setsebi se seng le se seng sa Molao ya rupetsweng mmuso wa mahodimo o tshwana le monga ntlo, ya ntshang letlotlong la hae dintho tse ntjha le tsa kgale.

Luka 24:19

A re ho bona: Dintho dife? Ba re ho yena: Taba tsa Jesu wa Nasaretha, eo e neng e le moporofeta ya matla ketsong le dipolelong pela Modimo le pela setjhaba kaofela.

Diketso 18:19

Yaba o fihla Efese, a ba tlohela teng, empa yena a kena sinagogeng, a buisana le Bajuda.

Diketso 18:21

A mpa a ba sadisa hantle, a re: “E ka kgona ke etse mokete ona o tlang Jerusalema; Mme a tloha Efese ka sekepe.

Diketso 18:28

Hobane o ne a kgodisa Bajuda ka matla pontsheng, a ba bontsha ka Mangolo hore Jesu ke Kreste.

Diketso 19:1

Eitse ha Apolose a ntse a le Korinthe, Pauluse ha a haola le naha e ka hodimo, a fihla Efese;

Diketso 27:6

Jwale molaodi wa lekgolo a fumana sekepe se tswang Aleksandria se yang Italia mme a re kenya teng.

Diketso 6:9

Yaba ho ema ba bang ba sinagoge e bitswang ya Balokolohi, le Bakirene, le Baaleksandria, le ba tswang Silisia le Asia, ba tsekisana le Setefane.

Diketso 7:22

Moshe a rutwa bohlale bohle ba Baegepeta, a ba senatla ka dipolelo le diketsong.

1 Bakorinthe 1:12

Jwale ke bolela hore e mong le e mong wa lona o re: Nna, ke wa Pauluse; le nna ke wa Apolose; le nna ke wa Kefase; le nna ke Kreste.

1 Bakorinthe 16:12

Ha e le Apolose, ngwanabo rona, ke mo qela haholo hore a tle ho lona le badumedi empa o tla tla ha a e-na le nako.

1 Bakorinthe 4:6

Bana beso, taba tseo ke di tshwantshitse ho nna le ho Apolose, ka baka la lona; le tle le ithute ka ho rona ho se lebale batho ho fetisa se ngodilweng, hore ho se ke ha eba e mong wa lona ya ikgohomosetsang e mong ho e mong.

2 Bakorinthe 10:10

Hobane ba re: Mangolo a hae a boima, a matla; empa ha a le teng ka nama, o a fokola, le puo ya hae ke e nyatsehang.

BaKolose 3:16

A Lentswe la Kreste le ikahele ka ho lona ka ho enneng ka bohlale bohle; le rutane le ho eletsana ka dipesaleme le difela le dipina tsa moya, le binele Morena ka mohau ka dipelong tsa lona.

Tite 3:13

Senase, setsebi sa Molao, le Apolose, o tsamaise leetong la bona ka mafolofolo, ba tle ba se ke ba hloka letho.