Diketso 13:2 - Contemporary Southern Sotho Bible 2024

² Yare ha ba ntse ba sebeletsa Morena, mme ba itima dijo, Moya o Halalelang wa re: Nkgetheleng Barnabase le Saule bakeng sa mosebetsi oo ke ba bileditseng wona.

Sesotho 1909/1961 (SO)

² Ha ba ntse ba sebeletsa Morena, ba itima dijo, Moya o Halalelang wa re: Nkgetheleng Barnabase le Saule, ba ye mosebetsing oo ke ba bileditseng wona.

BIBELE

² Ha ba ntse ba phetha tshebeletso ya Morena Jesu, mme ba itima dijo, Moya o Halalelang wa re: “Nkgetheleng Baranabase le Saule bakeng sa mosebetsi oo ke ba bitseditseng wona.”

Baasraak Sotho NT

² Yare ha ba ntse ba sebeletsa Morena, mme ba itima dijo, Moya o Halalelang wa re: Nkgetheleng Barnabase le Saule bakeng sa mosebetsi oo ke ba bileditseng wona.

Diketso 13:2 ပူးပေါင်းရင်းမြစ်များ

Mattheu 17:21

Empa mofuta oo ha o tswe, haese ka thapelo le ka ho itima dijo.

Mattheu 6:16

Hape, ha le itima dijo, le se ke la sosobanya difahleho jwaloka baikaketsi; Kannete ke re ho lona: Ba se ba fumane moputso wa bona.

Mattheu 9:38

Ka hona rapelang Morena wa kotulo hore a romele basebetsi kotulong ya hae.

Luka 10:1

Kamora tseo, Morena a bea ba bang ba mashome a supileng, mme a ba roma ka bobedi, hore ba mo etelle pele metseng yohle le nqalong tsohle moo yena a neng a tla ya teng.

Luka 2:37

E ne e le mohlolohadi ya ka bang dilemo tse mashome a robileng meno e le mmedi a metso e mene, ya neng a sa tlohe tempeleng, a sebeletsa Modimo ka ho itima dijo le ka merapelo bosiu le motsheare.

Diketso 10:19

Yare Petrose a ntse a nahana ka pono eo, Moya wa re ho yena: Bona, banna ba bararo ba a o batla.

Diketso 10:30

Korenelio a re: Matsatsi a mane a fetileng ke ne ke itima dijo, ho fihlela hora ena; ka hora ya boroba mono o le mong, ka rapela tlung ya ka, mme bonang, ka bona monna ya apereng seaparo se kganyang, a ema pela ka;

Diketso 13:3

Eitse hobane ba itime dijo, ba rapele, ba bea matsoho hodima bona, ba ntoo ba kgutlisa.

Diketso 13:4

Yaba bona, kahobane ba romilwe ke Moya o Halalelang, ba theohela Selosia; ba tloha teng ka sekepe, ba ya Sipera.

Diketso 14:26

Ho tloha moo ka sekepe ho ya Antioke, moo ba neng ba laeleditswe mohaung wa Modimo bakeng sa mosebetsi oo ba o phethileng.

Diketso 20:28

Itebeleng, le hlokomele le mohlape wohle, oo Moya o Halalelang o le beileng balebedi ba wona, ho alosa kereke ya Modimo, eo o ithuetseng yona ka madi a hae.

Diketso 22:21

A re ho nna: Tloha, hobane ke tla o romela ho baditjhaba hole.

Diketso 4:36

Le Josefa, eo baapostola ba mo reileng Barnabase, ke ho re, Mora wa Matshediso, ke ho re, Molevi, wa naha ya Sipera.

Diketso 6:4

Empa rona re tla nne re tiisetse thapelong le tshebeletsong ya lentswe.

Diketso 8:29

Yaba Moya o re ho Filipi: “Atamela, o tsamaye le koloi ena.”

Diketso 9:15

Empa Morena a re ho yena: “Tsamaya, hobane yena ke sejana se kgethilweng ho nna, sa ho jara lebitso la ka pela baditjhaba, le ho marena, le ho bana ba Iseraele.

Baroma 1:1

Ke le Pauluse, mohlanka wa Kreste Jesu, ya bitseditsweng ho ba moapostola, ya kgethetsweng Evangeli ya Modimo,

Baroma 10:15

Mme ba tla bolela jwang, ha ba sa rongwe? jwalokaha ho ngodilwe, ho thwe: A matle hakakang maoto a ba bolelang Evangeli ya kgotso, ba tlisang molaetsa o molemo wa tse molemo!

Baroma 15:16

Hore ke tle ke be mosebeletsi wa Kreste Jesu ho baditjhaba, ya bolelang Evangeli ya Modimo, hore sehlabelo sa baditjhaba se tle se amohelehe, se halaleditswe ke Moya o Halalelang.

1 Bakorinthe 12:11

Empa tsena tsohle di sebetsa Moya o le mong o le mong, o arolelang e mong le e mong kamoo o ratang kateng.

1 Bakorinthe 7:5

Le se ke la etsetsana bolotsana, haese ka tumellano ka nako e itseng, le tle le ikemisetse ho itima dijo le ho rapela; le boele le kopane, Satane a tle a se ke a le leka ka baka la ho se ithibe ha lona.

2 Bakorinthe 11:27

Ka kgathala le bohloko, ke fadimehile hangata, ka tlala le lenyora, ka ho itima dijo hangata, ka serame le ho hlobola.

2 Bakorinthe 6:5

ka lichapo, ka litlamong, ka meferefere, ka meferefere, ka litebelo, ka ho itima lijo;

Bagalata 1:15

Empa eitse ha ho kgahla Modimo, ya nkarohanyang le popelong ya mme, wa mpitsa ka mohau wa wona,

Baefese 3:7

Ke entswe mosebeletsi wa yona, ho ya ka neo ya mohau wa Modimo, oo ke o neilweng ka tshebetso ya matla a wona.

BaKolose 4:17

Le re ho Arkipo: Hlokomela tshebeletso eo o e filweng Moreneng, hore o e phethe.

1 Timothea 2:7

Tseo ke kgethetsweng ho ba mmoledi le moapostola wa tsona, ke bolela nnete ka Kreste, ha ke etse leshano, ke le moruti wa baditjhaba tumelong le nneteng.

2 Timothea 1:11

Tseo ke laetsweng ho ba mmoledi wa tsona, le moapostola, le moruti wa baditjhaba.

2 Timothea 2:2

Tseo o di utlwileng ho nna hara dipaki tse ngata, o di bee matsohong a batho ba tshepehang, ba tlang ho tseba ho ruta ba bang.

2 Timothea 4:11

Ke Luka a le mong feela ea nang le ’na. Nka Mareka, u tle le eena, hobane o na le thuso ho ’na tšebeletsong.

2 Timothea 4:5

Empa wena, fadimeha nthong tsohle, o mamelle bohloko, o etse mosebetsi wa mmoledi wa Evangeli, o phethe tshebeletso ya hao ka botlalo.

BaHebheru 5:4

Ha ho motho ya inkelang tlotla eo, haese ya bitsitsweng ke Modimo, jwaloka Arone.