Baroma 8:34 - Contemporary Southern Sotho Bible 2024

³⁴ Ke mang ya ahlolang? Kreste ke yena ya ileng a shwa, e, haholo, ya tsohileng bafung, ya ka letsohong le letona la Modimo, ya bileng a re rapellang.

Sesotho 1909/1961 (SO)

³⁴ Ya tla ba tswa ke mang? Kreste ke yena ya shweleng, a bileng a tsoha, hape ke yena ya leng ka letsohong le letona la Modimo, hapehape e sa le yena ya re rapellang.

BIBELE

³⁴ Ke mang ya ka ba ahlolang, athe Kreste Jesu o ile a shwa, a ba a tsoha bafung, yena ya leng ka letsohong le letona la Modimo, ya bileng a re rapellang?

Baasraak Sotho NT

³⁴ Ke mang ya ahlolang? Kreste ke yena ya ileng a shwa, e, haholo, ya tsohileng bafung, ya ka letsohong le letona la Modimo, ya bileng a re rapellang.

Baroma 8:34 ပူးပေါင်းရင်းမြစ်များ

Mattheu 20:28

Jwalokaha Mora Motho a sa tlela ho sebeletswa, empa ho sebeletsa, le ho fana ka bophelo ba hae ho ba topollo ya ba bangata.

Mareka 16:19

Eitse hobane Morena a bue le bona, a nkelwa lehodimong, mme a dula ka letsohong le letona la Modimo.

Johanne 14:19

Ho se ho se hokae, mme lefatshe ha le sa tla mpona; empa lona le a mpona, hobane ke phela, le lona le tla phela.

Johanne 16:23

Mme ka letsatsi leo ha le ka ke la mpotsa letho. Kannetenete ke re ho lona: Tsohle tseo le tla di kopa ho Ntate ka lebitso la ka, o tla le nea tsona.

Diketso 2:24

Eo Modimo o mo tsositseng, o mo lokolletse mahloko a lefu, hobane ho ne ho sa kgonehe hore a ka tshwarwa ke lona.

Baroma 14:13

Ka baka leo, a re se keng ra hlola re ahlolana;

Baroma 14:9

Hobane Kreste o shwele, a ba a tsoha, a boela a phela, hore e tle e be Morena wa ba shweleng le wa ba phelang.

Baroma 4:25

Ke yena ya neng a neelwa ka baka la ditlolo tsa rona, mme a tsoswa hore re bewe ba lokileng.

Baroma 8:1

Jwale, ha ho sa le tsuo ho ba leng ho Kreste Jesu, ba sa tsamayeng ka nama, ba mpang ba tsamaya ka Moya.

Baroma 8:27

Mme ya lekolang dipelo, o tseba mohopolo wa Moya, hobane o rapella bahalaledi ho ya ka thato ya Modimo.

BaKolose 3:1

Jwale, ha le tsohile le Kreste, batlang tsa hodimo, moo Kreste a dutseng letsohong le letona la Modimo.

BaHebheru 1:3

Eo e neng e le kganya ya kganya ya wona, le setshwantsho se bonahalang sa botho ba wona, a tsheheditse tsohle ka lentswe la matla a wona, ha a se a hlatswa dibe, a dula ka letsohong le letona la E moholo hodimodimo;

BaHebheru 7:25

Ka baka leo, o na le matla a ho pholosa ka ho fetisisa ba atamelang Modimo ka yena, kahobane o phela ka mehla ho ba rapella.

BaHebheru 9:24

Hobane Kreste ha a ka a kena sehalalelong se entsweng ka matsoho, seo e leng setshwantsho sa sehalalelo sa nnete; empa o kene lehodimong ka bolona, hore a tle a bonahale jwale pela sefahleho sa Modimo bakeng sa rona.

1 Petrose 3:18

Hobane Kreste le yena o kile a shwela dibe hang feela, ya lokileng a shwela ba sa lokang, hore a tle a re ise ho Modimo, a bolawa nameng, empa a phediswa ke Moya.

1 Petrose 3:22

Ke yena ya nyolohetseng lehodimong, mme a ka letsohong le letona la Modimo; mangeloi le balaodi le ba matla di behilwe katlasa hae.

Tshenolo 1:18

Ke nna ya phelang, mme ke ne ke shwele; mme, bona, ke phela ka ho sa feleng, Amen; mme ke na le dinotlolo tsa lefu le dihele.