Baroma 8:29 - Contemporary Southern Sotho Bible 2024

²⁹ Hobane bao a ba tsebileng esale pele, o bile o ba rere esale pele hore ba tshwane le setshwantsho sa Mora wa hae, hore e tle e be letsibolo hara baena ba bangata.

Sesotho 1909/1961 (SO)

²⁹ Hobane bao o itsebetseng bona pele, o bile o ba reretse pele, hore ba tla bapa le setshwantsho sa Mora wona, hore yena e tle e be wa letsibolo hara baena ba bangata.

BIBELE

²⁹ Bao a ba tsebileng e sa le pele, o ba kgethile e sa le pele hore ba tshwane le Mora wa hae, e le hore Mora e be letsibolo hara bana ba bangata ba Modimo.

Baasraak Sotho NT

²⁹ Hobane bao a ba tsebileng esale pele, o bile o ba rere esale pele hore ba tshwane le setshwantsho sa Mora wa hae, hore e tle e be letsibolo hara baena ba bangata.

Baroma 8:29 ပူးပေါင်းရင်းမြစ်များ

Mattheu 12:50

Hobane e mong le e mong ya etsang thato ya Ntate ya mahodimong, ke yena ngwaneso, le kgaitsedi ya ka, le mme.

Mattheu 25:40

Morena o tla araba, a re ho bona: Kannete ke re ho lona: Erekaha le etseditse e mong wa bana beso ba banyenyane bana, le entse ho nna.

Mattheu 28:10

Jesu a re ho bona: Se tshoheng; eyang le bolelle banabeso hore ba ye Galelea, mme ba tla mpona teng.

Mattheu 7:23

Jwale ke tla bolela ho bona, ke re: Ha ke eso le tsebe le ka mohla; ntloheleng, lona ba sebetsang bokgopo.

Johanne 17:16

Hase ba lefatshe, jwalokaha le nna ke se wa lefatshe.

Johanne 17:19

Mme ke a iitshepisa ka baka la bona, hore le bona ba halaletswe ka nnete.

Johanne 17:26

Ke ba tsebisitse lebitso la hao, mme ke tla le bolela, hore lerato leo o nthatileng ka lona le be ho bona, le nna ke be ho bona.

Johanne 20:17

Jesu a re ho yena: O se ke wa ntshwara; hobane ha ke eso nyolohele ho Ntate; le ho Modimo wa ka, le Modimo wa lona.

Baroma 11:2

Modimo ha o a lahla setjhaba sa wona seo o se tsebileng pele. Na ha le tsebe seo Lengolo le se bolelang ka Elia? kamoo a rapellang ho Modimo kateng, ho Iseraele, a re:

Baroma 13:14

Le mpe le apare Morena Jesu Kreste, mme le se ke la ipatlela nama ho phethahatsa ditakatso tsa yona.

Baroma 9:23

le hore a tle a tsebise monono wa kganya ya hae hodima dijana tsa mohau, tseo a di lokiseditseng kganya pele.

1 Bakorinthe 15:49

Mme jwalokaha re apere setshwantsho sa wa lefatshe, re tla apara le setshwantsho sa wa lehodimo.

1 Bakorinthe 2:7

Empa re bolela bohlale ba Modimo e leng sephiri, e leng bohlale bo patilweng, boo Modimo o bo lokisitseng pele ho mehla ya lefatshe, e tle e be kganya ya rona.

1 Bakorinthe 8:3

Empa ekare ha motho a rata Modimo, yena o tsejwa ke wona.

2 Bakorinthe 3:18

Empa rona bohle, ka difahleho tse ahlamileng, re tadima jwaloka seipone kganya ya Morena, re fetohela setshwantshong se le seng ho tloha kganyeng ho isa kganyeng, jwalokaha re le ka Moya wa Morena.

Baefese 1:11

Le rona re ruile lefa ho yena, re rerelwe pele ka morero wa ya sebetsang dintho tsohle ka morero wa thato ya hae.

Baefese 4:24

mme le apare motho e motjha, ya bopilweng ka mokgwa wa Modimo ho lokeng le kgalalelong ya nnete.

BaFilipi 3:21

Ke yena ya tla fetola mmele ya rona e nyatsehang, e tle e tshwane le mmele wa hae o tlotlehang, ka matla ao ka wona a nang le matla a ho bea dintho tsohle katlasa hae.

BaKolose 3:10

mme le apare motho e motjha, ya ntjhafatswang tsebong ka setshwantsho sa ya mmopileng.

2 Timothea 1:9

Ke yena ya re pholositseng, mme a re bitsa ka pitso e halalelang, e seng ka ho ya ka mesebetsi ya rona, empa ka ho ya ka morero wa wona le mohau wa wona, oo re o neilweng ka Kreste Jesu mehleng ya kgale,

2 Timothea 2:19

Leha ho le jwalo, motheo wa Modimo o tiile, o nang le tiiso ena: Morena o tseba ba hae. Hape, e mong le e mong ya bolelang lebitso la Kreste a ke a furalle bokgopo.

1 Petrose 1:2

Ba kgethilweng ho ya ka tsebo e sa le pele ya Modimo Ntate, ka kgalaletso ya Moya, ho isa kutlong le ho fakweng ka madi a Jesu Kreste: A le ke le atisetswe mohau le kgotso.

1 Petrose 1:20

Ke yena ya neng a rerelwe pele lefatshe le eso ho thewe, empa a bonahatswa mehleng ena ya bofelo bakeng sa lona.

1 Johanne 3:2

Baratuwa, jwale re bana ba Modimo, mme ha ho eso bonahatswe seo re tla ba sona; hobane re tla mmona kamoo a leng kateng.

Tshenolo 13:8

Mme bohle ba ahileng lefatsheng ba tla se kgumamela, bao mabitso a bona a sa kang a ngolwa bukeng ya bophelo ya Konyana e hlabilweng ho tloha ho theweng ha lefatshe.