BaHebheru 5:12 - Contemporary Southern Sotho Bible 2024

¹² Hobane leha le ne le loketse ho ba mesuwe, ka nako e fetileng, le sa ntse le hloka hore motho a le rute dithuto tsa pele tsa dipolelo tsa Modimo; mme le fetohile ba hlokang lebese, e seng dijo tse thata.

Sesotho 1909/1961 (SO)

¹² Hobane ekabeba ke kgale le le baruti, athe le sa ntse le tshwanelwa ke ho rutwa ditaba tsa bonyenyane, tseo taba tsa Modimo di qalwang ka tsona; mme le fetohile batho ba tshwanelwang ke ho fepjwa ka lebese, e seng ka dijo tse tiileng.

BIBELE

¹² Le ka be le se le le ba rutang ba bang jwale, empa le sa ntse le hloka ho rutwa hape dithuto tsa ho qala tsa lentswe la Modimo. Bakeng sa hore le je dijo tse thata, le sa ntse le hloka ho ja lebese.

Baasraak Sotho NT

¹² Hobane leha le ne le loketse ho ba mesuwe, ka nako e fetileng, le sa ntse le hloka hore motho a le rute dithuto tsa pele tsa dipolelo tsa Modimo; mme le fetohile ba hlokang lebese, e seng dijo tse thata.

BaHebheru 5:12 ပူးပေါင်းရင်းမြစ်များ

Mattheu 17:17

Jesu a araba a re: “Oho moloko o sa dumeleng, o kgopo, ke tla ba le lona ho fihlela neng? ke tla le mamella ho fihlela neng? mo tlise kwano ho nna.

Mareka 9:19

A mo araba, a re: “Moloko o sa dumeleng, ke tla ba le lona ho fihlela neng? ke tla le mamella ho fihlela neng? mo tlise ho nna.

Diketso 7:38

Enwa ke yena ya neng a le phuthehong e lehwatateng, a ena le lengeloi le neng le bua le yena thabeng ya Sinai, a ena le bontata rona, ya ileng a amohela dipolelo tse phelang hore a tle a re fe tsona.

Baroma 3:2

Ho hoholo ka mekgwa yohle; haholoholo, kahobane dipolelo tsa Modimo di behilwe ho bona.

1 Bakorinthe 14:19

Leha ho le joalo, ka phuthehong ke ne ke rata ho bua mantsoe a mahlano ka kelello ea ka, e le hore le bona ke rute ba bang ka lentsoe la ka, ho e-na le ho bua mantsoe a likete tse leshome ka leleme lesele.

1 Bakorinthe 14:20

Banab’eso, le se ke la ba bana matleng a kelello;

Bagalata 4:3

Ka mokgwa o jwalo le rona, ha re sa le bana, re ne re le makgoba a tsa motheo tsa lefatshe.

BaFilipi 3:1

Qetellong, barab’eso, le thabele Morena. Ho le ngolla tsona tseo, ho ’na ha ho nkutloisitse bohloko, empa ho lōna hoa le sireletsa.

BaKolose 3:16

A Lentswe la Kreste le ikahele ka ho lona ka ho enneng ka bohlale bohle; le rutane le ho eletsana ka dipesaleme le difela le dipina tsa moya, le binele Morena ka mohau ka dipelong tsa lona.

BaHebheru 10:32

Le mpe le hopole mehla ya pele, eo, ha le se le boneseditswe, le mameletse ntwa e kgolo ya mahlomola;

BaHebheru 5:11

Re na le ditaba tse ngata tseo re ka di bolelang ka yena, tse thata ho bolelwa, kahobane le ba botswa ho utlweng.

BaHebheru 5:13

Hobane e mong le e mong ya nwang lebese ha a tsebe lentswe la ho loka, hobane ke lesea.

BaHebheru 6:1

Ka baka leo, a re tloheleng ditaba tsa motheo tsa thuto ya Kreste, re feteleng phethehong; re sa thee hape motheo oa pako ea mesebetsi e shoeleng, le oa tumelo ho Molimo;

1 Petrose 2:2

Jwaloka bana ba sa tswa tswalwa, le lakatse lebese le sa hlwekang la Lentswe, le tle le hole ka lona.

1 Petrose 4:11

E mong ha a bua, a bue jwalokaha e le dipolelo tsa Modimo; ekare ha motho a sebeletsa, a e sebeletse ka matla ao Modimo a fanang ka wona, hore Modimo o tle o tlotliswe nthong tsohle ka Jesu Kreste, eo poko le matla a hae e leng tsa kamehla le mehla. Amen.