2 BaThesalonika 2:16 - Contemporary Southern Sotho Bible 2024

¹⁶ Jwale, Morena wa rona Jesu Kreste ka sebele, le Modimo, Ntata rona, ya re ratileng, mme ka mohau wa rona a re nea matshediso a sa feleng le tshepo e molemo.

Sesotho 1909/1961 (SO)

¹⁶ Mme Morena wa rona Jesu Kreste, yena ka sebele, le Modimo, Ntata rona, o re ratileng, o re fileng ka mohau wa wona tshediso e sa feleng le tshepo e molemo,

BIBELE

¹⁶ Morena wa rona Jesu Kreste ka sebele, le Modimo Ntata rona ya re ratileng, eo mohaung wa hae a re fileng tshediso e sa feleng le tshepo e tiileng,

Baasraak Sotho NT

¹⁶ Jwale, Morena wa rona Jesu Kreste ka sebele, le Modimo, Ntata rona, ya re ratileng, mme ka mohau wa rona a re nea matshediso a sa feleng le tshepo e molemo.

2 BaThesalonika 2:16 ပူးပေါင်းရင်းမြစ်များ

Luka 16:25

Empa Abrahama a re: Ngwanaka, hopola hobane o amohetse tse molemo tsa hao bophelong ba hao;

Johanne 13:1

Eitse ha Jesu a tsebile pele ho mokete wa Paseka, hore nako ya hae e tlile ya ho tloha lefatsheng lena, ho ya ho Ntate, a ratile ba hae ba lefatsheng, a ba rata ho isa qetellong.

Johanne 15:13

Ha ho ya nang le lerato le fetang lena, hore motho a tele bophelo ba hae bakeng sa metswalle ya hae.

Johanne 15:9

Jwalokaha Ntate a nthatile, le nna ke le ratile jwalo: dulang leratong la ka.

Johanne 16:22

Le lona jwale le saretswe, empa ke tla boela ke le bona, mme dipelo tsa lona di tla thaba, mme ha ho motho ya le amohang thabo ya lona.

Johanne 3:16

Hobane Modimo o ratile lefatshe hakalo, o bile wa le nea Mora wa wona ya tswetsweng a nnotshi, hore e mong le e mong ya dumelang ho yena a se ke a timela, a mpe a be le bophelo bo sa feleng.

Johanne 4:14

Empa e mong le e mong ya nwang metsi ao ke tla mo nea wona, a ke ke a nyorwa le ka mohla o le mong; empa metsi ao ke tla mo fa wona, e tla ba ka ho yena sediba sa metsi a phallang ho isa bophelong bo sa feleng.

Diketso 15:11

Empa re dumela hoba re tla bolokeha ka mohau wa Morena Jesu Kreste, jwalokaha bona.

Diketso 18:27

Eitse ha a rata ho fetela Akaia, baena ba ngola, ba kgothatsa barutuwa hore ba mo amohele;

Baroma 1:7

Ke dumedisa ba leng Roma, baratuwa ba Modimo, ba bitseditsweng ho ba bahalaledi, ke re: Le ke le newe mohau le kgotso ke Modimo Ntata rona, le ke Morena Jesu Kreste.

Baroma 4:16

Ka baka leo, ke ka tumelo, hore e tle e be ka mohau; hore pallo e tle e tiye leloko lohle; e seng ho bao e leng ba molao feela, empa le ho bao e leng ba tumelo ya Abrahama; ke yena ntata rona bohle.

Baroma 4:4

Jwale ho ya sebetsang moputso ha o balwe e le mohau, empa e le molato.

Baroma 5:8

Empa Modimo o totisitse lerato la wona ho rona, ka hore, re sa le baetsadibe, Kreste o bile a re shoela.

Baefese 5:2

Le tsamaye leratong, jwalokaha Kreste le yena a re ratile, mme a ikgafa bakeng sa rona, hore e be nyehelo le sehlabelo se monko o monate ho Modimo.

Baefese 5:25

Lona banna, ratang basadi ba lona, jwalokaha Kreste le yena a ratile kereke, mme a itela ka baka la yona;

BaKolose 1:23

Ekare ha le tiisetsa tumelong, le theilwe, le tiile, mme le sa suthe tshepong ya Evangeli eo le e utlwileng, e leng yona e bolellwang dibopuwa tsohle tse tlasa lehodimo; eo nna Paulosi ke entsweng mosebeletsi wa yona;

BaKolose 1:5

Hobane tshepo eo le e boloketsweng lehodimong, eo le e utlwileng pele ka lentswe la nnete ya Evangeli;

1 BaThesalonika 1:3

Ke sa phetse ho hopola mesebetsi ya lona ya tumelo, le mosebetsi wa lerato, le mamello ya lona ya tshepo ho Morena wa rona Jesu Kreste, mahlong a Modimo Ntata rona.

1 BaThesalonika 3:11

Jwale Modimo, Ntata rona, le Morena wa rona Jesu Kreste, a ke a lokise tsela ya rona ho tla ho lona.

2 BaThesalonika 2:13

Empa rona re tshwanetse ho leboha Modimo kamehla ka baka la lona, banabeso ba ratwang ke Morena, hobane Modimo o le kgethetse ho tloha tshimolohong, hore le tle le bolokehe ka kgalaletso ya Moya le ka ho dumela nnete.

Tite 1:2

Ka tshepo ya bophelo bo sa feleng, boo Modimo o ke keng wa bua leshano, o bo tshepisitseng pele lefatshe le eba teng;

Tite 2:13

re ntse re lebeletse tshepo e lehlohonolo, le ponahatso ya kganya ya Modimo o moholo, le Mopholosi wa rona Jesu Kreste;

BaHebheru 7:19

Hobane molao ha o a ka wa etsa letho le phethehileng, empa ho kentswe tebello e fetisang ka molemo; eo re atamelang Modimo ka yona.

1 Johanne 3:16

Seo re lemohileng lerato la Modimo ka sona, ke hobane o re teletse bophelo ba hae;

Tshenolo 1:5

le ho Jesu Kreste, eo e leng paki e tshepehang, letsibolo la bafu, le kgosana ya dikgosi tsa lefatshe. Ho ya re ratileng, ya re hlatswitseng dibeng tsa rona ka madi a hae.

Tshenolo 22:5

Mme ha ho sa tla hlola ho eba bosiu teng; mme ha ba hloke lebone, leha e le lesedi la letsatsi; hobane Morena Modimo o ba bonesetsa: mme ba tla busa kamehla le mehla.

Tshenolo 3:9

Bona, ke tla o neela ba sinagoge ya Satane, ba ipitsang Bajuda, athe hase bona, ba mpa ba bua leshano; bona, ke tla etsa hore ba tle ba kgumame pela maoto a hao, mme ba tle ba tsebe hoba ke o ratile.