1 Timothea 3:15 - Contemporary Southern Sotho Bible 2024

¹⁵ Empa ha nka dieha, o tle o tsebe kamoo o tshwanetseng ho itshwara kateng ka tlung ya Modimo, e leng kereke ya Modimo o phelang, tshiya le motheo wa nnete.

Sesotho 1909/1961 (SO)

¹⁵ hore, leha nka dieha, o tle o tsebe kamoo ho tshwanetsweng ho etswa kateng, ka tlung ya Modimo, eo e leng kereke ya Modimo o phelang, tshiya le motheo wa nnete.

BIBELE

¹⁵ Empa haeba nka dieha, o se o ntse o tseba kamoo o tshwanetseng ho itshwara kateng ka tlung ya Modimo, e leng kereke ya Modimo ya phelang, tshiya le motheo wa nnete.

Baasraak Sotho NT

¹⁵ Empa ha nka dieha, o tle o tsebe kamoo o tshwanetseng ho itshwara kateng ka tlung ya Modimo, e leng kereke ya Modimo o phelang, tshiya le motheo wa nnete.

1 Timothea 3:15 ပူးပေါင်းရင်းမြစ်များ

Mattheu 16:16

Simone Petrose a araba, a re: O Kreste, Mora Modimo o phelang.

Mattheu 18:18

Kannete ke re ho lona: Tsohle tseo le di tlamang lefatsheng, di tla tlangwa lehodimong;

Johanne 1:17

Hobane molao o neilwe ka Moshe, empa mohau le nnete di bile teng ka Jesu Kreste.

Johanne 14:6

Jesu a re ho yena: Ke nna tsela, le nnete, le bophelo;

Johanne 18:37

Pilato a re ho yena: Ha ho le jwalo, na o morena na? Jesu a araba, a re: Ke wena o reng ke morena. Ke tswaletswe hona, mme ke tletse hona lefatsheng, ke tle ke pakele nnete. E mong le e mong wa nnete o utlwa lentswe la ka.

Johanne 6:69

Mme rona re dumetse, mme re a tseba hobane o Kreste, Mora Modimo o phelang.

Diketso 1:2

Ho fihlela letsatsi leo a nyolotsweng ka lona, ka Moya o Halalelang a laetse baapostola bao a neng a ba kgethile.

Diketso 14:15

Ba re: Benghadi, ke ka baka lang ha le etsa dintho tsee? Le rōna re batho ba nang le maikutlo a tšoanang le a lōna, ’me re le bolella litaba tse molemo hore le furalle lintho tsena tsa lefeela le fetohele ho Molimo o phelang, o entseng leholimo le lefatše le leoatle le lintho tsohle tse ho tsona.

Baroma 3:2

Ho hoholo ka mekgwa yohle; haholoholo, kahobane dipolelo tsa Modimo di behilwe ho bona.

Baroma 9:26

Mme etlare moo ho neng ho itswe ho bona: Ha le setjhaba sa ka; teng ba tla bitswa bana ba Modimo o phelang.

1 Bakorinthe 10:32

Le se ke la kgopisa Bajuda, leha e le Baditjhaba, leha e le kereke ya Modimo;

1 Bakorinthe 3:16

Ana ha le tsebe hoba le tempele ya Modimo, le hoba Moya wa Modimo o dutse ho lona na?

2 Bakorinthe 3:3

Erekaha le bonahaditswe hore le lengolo la Kreste, le ngotsweng ke rona, e seng ka enke, empa e le ka Moya wa Modimo o phelang; e seng matlapeng a lejoe, empa matlapeng a nama a pelo.

2 Bakorinthe 6:16

Tempele ya Modimo e na le tumellano efe le ditshwantsho? hobane le tempele ya Modimo o phelang; jwalokaha Modimo o itse: Ke tla aha hara bona, ke tsamaye hara bona; mme ke tla ba Modimo wa bona, bona e be setjhaba sa ka.

2 Bakorinthe 6:7

Ka lentswe la nnete, ka matla a Modimo, ka dihlomo tsa ho loka ka letsohong le letona le ka ho le letshehadi.

Bagalata 2:9

Yare ha Jakobo, le Kefase, le Johanne, ba neng ba bonahala e le ditshiya, ba lemoha mohau oo ke o neilweng, ba nea nna le Barnabase matsoho a matona a kopano; hore re ye ho baditjhaba, mme bona ba ye ho ba lebollo.

Bagalata 3:1

Lona Bagalata ba mahlanya, ke mang ya le loileng, hore le se ke la mamela nnete, bao Jesu Kreste a hlahisitsweng pontsheng ya lona, a thakgisitswe?

Baefese 4:21

Ekare ha le mo utlwile, mme le rutilwe ke yena, jwalokaha nnete e le ho Jesu;

BaKolose 1:5

Hobane tshepo eo le e boloketsweng lehodimong, eo le e utlwileng pele ka lentswe la nnete ya Evangeli;

1 BaThesalonika 1:9

Hobane bona ka bobona ba bolela tsa ho kena ha rona ho lona, le kamoo le ileng la sokolohela ho Modimo ka ho tlohela medimo ya bohata, hore le sebeletse Modimo o phelang, wa nnete;

1 Timothea 3:14

Tsena ke o ngolla tsona, ke tshepile ho tla ho wena haufinyane.

1 Timothea 3:16

Mme ha ho pelaelo hore sephiri sa borapedi ke se seholo: Modimo o bonahaditswe nameng, a bolelwa hore o lokile moyeng, a bonwa ke mangeloi, a bolelwa hara ditjhaba, a dumelwa lefatsheng, a phahamisetswa kganyeng.

1 Timothea 3:2

Mookamedi e ka kgona e be ya se nang molato, e be monna wa mosadi a le mong, a hlaphohetswe, a hlaphohelwe hantle, a le boitshwaro, a amohele baeti, a tshwanele ho ruta;

1 Timothea 3:5

(Ekare ha motho a sa tsebe ho busa ntlo ya hae, o tla hlokomela kereke ya Modimo jwang?)

1 Timothea 4:10

Hobane ke ka baka leo re sebetsang ka thata, mme re a hloriswa, hobane re tshepile Modimo o phelang, o leng Mopholosi wa batho bohle, haholo wa ba dumelang.

1 Timothea 6:16

Ke yena a nnotshi ya nang le ho se shwe, ya ahileng leseding le sa atameleheng; eo ho seng motho ya kileng a mmona, leha e le ya ka kgonang ho mmona: ho yena e be tlhompho le matla a sa feleng. Amen.

2 Timothea 2:19

Leha ho le jwalo, motheo wa Modimo o tiile, o nang le tiiso ena: Morena o tseba ba hae. Hape, e mong le e mong ya bolelang lebitso la Kreste a ke a furalle bokgopo.

2 Timothea 2:20

Empa ka tlung e kgolo, ha ho na dipitsa tsa kgauta le tsa silefera feela, empa le tsa lehong le tsa letsopa; mme tse ding ke tsa hlompho, tse ding ke tse hlomphollang.

BaHebheru 10:21

Mme re na le moprista e moholo ya okametseng ntlo ya Modimo;

BaHebheru 12:22

Empa le tlile thabeng ya Sione, motseng wa Modimo o phelang, e leng Jerusalema wa lehodimo, le ho letshwele le se nang palo la mangeloi.

BaHebheru 3:12

Banabeso, iponeleng, esere mohlomong ho e mong wa lona ho ka ba le pelo e mpe ya ho se dumele, ya ho furalla Modimo o phelang.

BaHebheru 9:14

Hakakang madi a Kreste, ya iteletseng Modimo ka Moya o sa feleng, a se na sekodi, a tla hlatswa matswalo a lona mesebetsing e shweleng hakakang, hore le tle le sebeletse Modimo o phelang?

1 Petrose 2:5

Le lona, jwaloka majwe a phelang, le hahilwe ntlo ya moya, le boprista bo halalelang, ho hlahisa mahlabelo a moya, a amohelehang ho Modimo ka Jesu Kreste.

1 Petrose 4:17

Hobane nako e fihlile ya hore kahlolo e qale ka tlung ya Modimo;

Tshenolo 7:2

Ka bona lengeloi le leng le nyoloha botjhabela, le tshwere letshwao la Modimo o phelang, mme la howeletsa ka lentswe le phahameng mangeloi a mane a neng a neilwe ho senya lefatshe le lewatle.