1 Petrose 3:11 - Contemporary Southern Sotho Bible 2024

¹¹ A a furalle bobe, a etse botle; a batle kgotso, mme a e phehelle.

Sesotho 1909/1961 (SO)

¹¹ a kgelohe bobe, mme a etse ho molemo, a batle kgotso, a e phehelle.

BIBELE

¹¹ A furalle bobe, a etse botle, a batle kgotso, a e pheelle,

Baasraak Sotho NT

¹¹ A a furalle bobe, a etse botle; a batle kgotso, mme a e phehelle.

1 Petrose 3:11 ပူးပေါင်းရင်းမြစ်များ

Mattheu 5:45

Le tle le be bana ba Ntata lona ya mahodimong, hobane o chabisetsa ba babe le ba molemo letsatsi la hae, mme o nesetsa ba lokileng le ba sa lokang pula.

Mattheu 5:9

Ho lehlohonolo ba bopang kgotso, hobane ba tla bitswa bana ba Modimo.

Mattheu 6:13

O se ke wa re isa molekong, o mpe o re lopolle ho e mobe: Hobane mmuso ke wa hao, le matla, le kganya ka ho sa feleng. Amen.

Mareka 14:7

Hobane bafumanehi le na le bona kamehla, mme le ka ba etsetsa hantle neng kapa neng ha le rata, empa nna ha le na nna kamehla.

Luka 1:79

Ho kgantsha ba dutseng lefifing le moriting wa lefu, ho tataisetsa maoto a rona tseleng ya kgotso.

Luka 6:35

Empa ratang dira tsa lona, le etse hantle, mme le adime le sa tshepe letho; mme moputso wa lona o tla ba moholo, mme le tla ba bana ba Ya Hodimodimo;

Luka 6:9

Jesu a re ho bona: Ke tla le botsa taba e le nngwe; Na ho lumelletsoe ho etsa hantle kapa ho etsa bobe ka sabatha? ho pholosa bophelo, kapa ho bo timetsa?

Johanne 17:15

Ha ke o rapele hore o ba tlose lefatsheng, empa ke re o ba sireletse ho ya kgopo.

Baroma 12:18

Ha ho ka etswa ka ho lona, le phele ka kgotso le batho bohle.

Baroma 14:17

Hobane mmuso wa Modimo hase ho ja le ho nwa; empa ho loka, le kgotso, le thabo ka Moya o Halalelang.

Baroma 14:19

Ka baka leo, a re lateleng tse tlisang kgotso, le tseo re ka hahanang ka tsona.

Baroma 5:1

Ka baka leo, kahobane re beilwe ba lokileng ka tumelo, re na le kgotso le Modimo ka Morena wa rona Jesu Kreste;

Baroma 7:19

Hobane molemo oo ke o ratang, ha ke o etse, empa bobe boo ke sa bo rateng, ke bona boo ke bo etsang.

Baroma 7:21

Jwale, ke fumana molao o reng, ha ke rata ho etsa botle, bobe bo teng ho nna.

Baroma 8:6

Hobane ho beha kelello nameng ho bolela lefu; empa ho beha kelello moeeng ho bolela bophelo le khotso.

Bagalata 5:22

Empa tholwana ya Moya ke lerato, thabo, kgotso, mamello, bonolo, molemo, tumelo,

Bagalata 6:10

Ka baka leo, ha re sa na le sebaka, a re etseng bohle hantle, haholo ba ntlo ya tumelo.

BaKolose 3:15

Mme kgotso ya Modimo e buse dipelong tsa lona, eo le biletsweng yona mmeleng o le mong; mme le be le teboho.

1 Timothea 6:18

Hore ba etse se molemo, ba rue mesebetsing e metle, ba ikemisetse ho aba, ba rate ho arolelana;

BaHebheru 12:14

Latelang kgotso le batho bohle, le kgalalelo, eo ho seng motho ya tla bona Morena kantle ho yona.

BaHebheru 13:16

Empa le se ke la lebala ho etsa hantle le ho abelana, hobane Molimo o khahlisoa ke mahlabelo a joalo.

Jakobo 4:17

Ka baka leo, ho ya tsebang ho etsa botle, mme a sa bo etse, ho yena ke sebe.

1 Petrose 3:12

Hobane mahlo a Morena a tadima ba lokileng, mme ditsebe tsa hae di mamela merapelo ya bona;

3 Johanne 1:11

Moratuwa, o se ke wa latela se sebe, o mpe o latele se molemo. Ya etsang botle ke wa Modimo, empa ya etsang bobe ha a eso bone Modimo.