Sofonías 2:12 - Chuj San Mateo Bible

¹² Yed' ex pax tic, ex aj Etiopía, ol ex cham yuj yespada Jehová.

Chuj San Sebastian Bible

¹² An̈jtona ex 'aj Etiopía, 'oj e lajw pax yuj yespada Jehová, ax e chami.

Sofonías 2:12 ပူးပေါင်းရင်းမြစ်များ

Salmos 17:13

Mamin Jehová, ochan̈ ved'oc, mac sat eb' ayoch ajc'olal d'ayin yic stelvi eb'. Ac'lab'ej q'uen espada tzin a colanel d'a yol sc'ab' eb' chuc chi'.

Is 10:5

Ix yalan Jehová icha tic: Ob'iltac vin̈ sreyal Asiria. A ticnaic van vac'lab'an vin̈ icha junoc te' c'ococh svac'lab'ej yed' yoval in c'ool yic svac'anoch eyaelal.

Is 13:5

Aton eb' ix cot d'a juntzan̈ nación te najat, b'aj slajvic'och lum luum. A Jehová sjavi yed' syamc'ab' yic yoval sc'ool, ol satanel masanil anima d'a sat luum tic.

Is 20:3

Ix lajvi chi', ix yalan Jehová icha tic: A vin̈ in checab' aj Isaías tic, oxe' ab'il ix b'eyec' vin̈ d'a yoc. Malaj xan̈ab' vin̈ ayochi, an̈ej pax yol spichul vin̈ ayochi. A jun tic, ch'oxnab'il yaj d'a Egipto yed' d'a Etiopía.

Is 43:3

A in Jehová in, e Diosal in, e Columal vaji. A inxon̈ej Ochi, a in vac'lab'ejnac Egipto, Etiopía yed' Seba e tojoloc.

Ez 30:24

Ol vac' val yip sc'ab' vin̈ sreyal Babilonia chi'. Ol vac'och q'uen vespada d'a yol sc'ab' vin̈. Palta ol in mac' q'uichaj sc'ab' vin̈ sreyal Egipto chi' schab'il. Ol el yav vin̈ sc'acvi d'a yichan̈ vin̈ yajc'ol chi', icha sc'acvi junoc mach vanxo schami.