Rt 4:9 - Chuj San Mateo Bible

⁹ Ix lajvi chi', ix yalan vin̈aj Booz chi' d'a eb' vin̈ yichamtac vinaquil chon̈ab' yed' jantac eb' ayec' chi': —E masanil, testigo tzex ajcan ticnaic to a in tzin mancanel lum d'a ix Noemí, aton slum vin̈aj Elimelec, lum yic vin̈aj Quelión, lum yic vin̈aj Mahlón.

Chuj San Sebastian Bible

⁹ Xlajw cha, 'ix yaln win Booz 'a eb' yichm wincal chon̈b' cha, yet' 'a eb' 'ayc' cha: —E masnil ax tic, testigo tzex 'ajcn ticnec, tic an 'oj in mancn lum slum 'ix Noemí, lum slum win Elimelec, win Quelión, yet' yic win Mahlón.

Rt 4:9 ပူးပေါင်းရင်းမြစ်များ

Gn 23:11

—Maay mamin, sval d'ayach to a jun n̈aq'ueen yed' lum luum chi' ton̈ej tzin siej d'ayach. Testigo tz'ajcan eb' vetchon̈ab' tic to ton̈ej tzin siej jun lum chi' d'ayach. Muc ix etb'eyum chi' ta', xchi vin̈.

Rt 1:2

A jun vin̈ chi', Elimelec sb'i vin̈, axo ix yetb'eyum vin̈, Noemí sb'i ix. Axo eb' vin̈ yuninal vin̈ chi', aton vin̈aj Mahlón yed' vin̈aj Quelión. Aj Efrata eb', Belén pax sb'i. Ix b'atcan cajan eb' d'a yol yic Moab chi'. Lajun̈e' ab'il ix ec' eb' ta'. Yacb'an ayec' eb' chi' ta', ix cham vin̈aj Elimelec yetb'eyum ix Noemí chi', ix can ix yed' chavan̈ eb' vin̈ yune' chi'. Ix lajvi chi', ix och yetb'eyum eb' vin̈ schavan̈il. Ix yic'laj sb'a eb' vin̈ yed' chavan̈ eb' ix aj Moab chi', jun ix scuch Orfa, axo junxo ix scuch Rut.

Rt 4:10

An̈ejtona' testigo tzex ajpaxcani to ol vic'can ix Rut aj Moab vetb'eyumoc, aton ix yetb'eyumcan vin̈aj Mahlón, yic ol b'inajn̈ejcan vin̈ d'a sluum chi' yed' d'a co cal a on̈ ayto cuj co b'a yed' vin̈ yed' d'a yol co chon̈ab' tic. Yuj chi' testigo tzex ajcan d'a jun lolonel tic, xchi vin̈.

Rt 4:8

Yuj chi' ix yal vin̈ sc'ab' yoc vin̈aj Elimelec chi' d'a vin̈aj Booz chi': —Mancanel luum, xchi vin̈. Ix lajvi chi' ix yic'anel jun xan̈ab' vin̈, ix yac'ancanb'at vin̈ d'a vin̈aj Booz chi'.