Rt 4:6 - Chuj San Mateo Bible

⁶ Ayic ix yab'an jun chi' vin̈, ix yalan vin̈: —Tato icha chi' yaji, max yal-laj in manan luum. Ay talaj tz'ic'an in macb'en yuuj. Tato tza nib'ej tza mancanel lum a ach tic, syal a manan luum, svac' in derecho tic d'ayach, xchi vin̈.

Chuj San Sebastian Bible

⁶ Ax yic xyab'n winac to 'ixta yaji, 'ix yaln winac: —Toto 'ixta yaj jun cha, ma'oj stac' in mann lu'um, xjuwt 'el in macl tic yu'uj. Palta toto tza nib'j tza mancn lum ach tic, tztac' tza mancni. An tzwac' 'ayach, xchi winac.

Rt 4:6 ပူးပေါင်းရင်းမြစ်များ

Gn 38:8

Ix lajvi chi' ix yalan vin̈aj Judá d'a vin̈aj Onán icha tic: —Ic'laj a b'a yed' ix yetb'eyum vin̈ uc'tac chamnac, tza c'anab'ajej co ley, ichato yin̈tilal vin̈ uc'tac chi' ol elcan uuj yed' ix, xchi vin̈aj Judá chi'.

Lv 25:25

Tato ay junoc eyetchon̈ab' slajviel masanil tas ay d'ay, yuj chi' schon̈b'at slum d'a junocxo, a junoc te ayto yuj sb'a yed' jun schon̈an slum chi' syal smananxiel jun lum chi' b'aj schon̈nac chi'.

Dt 25:7

Palta tato malaj sgana vin̈ syic' ix smu' chi' jun, syal sb'at ix d'a yichan̈ eb' juez yed' d'a yichan̈ eb' yichamtac vinaquil chon̈ab', syalan ix icha tic: A vin̈ in mu' malaj sgana vin̈ sb'inajcan vin̈ yuc'tac d'a scal co chon̈ab'. Max stac'laj vin̈ vic'an in b'a yed'oc icha d'a sleyal, tato xchi ix.

Dt 25:8

Slajvi chi' tz'avtaj vin̈ yuj eb' yichamtac vinaquil chon̈ab' chi', sc'anb'an eb' vin̈ d'a vin̈. Tato max yal sc'ol vin̈ syic' ix smu' chi',

Dt 25:9

sc'och ix d'a stz'ey vin̈ d'a yichan̈ eb' vin̈ yichamtac vinaquil chon̈ab' chi', syic'anel junoc xan̈ab' vin̈ ix, stzub'anpax och ix d'a sat vin̈, syalan ix: Icha tic tz'utaj eb' vin̈ malaj sgana syac'can b'inaj yuc'tac, xcham ix.

Rt 2:20

Ix yalanxi ix yalib' ix chi' icha tic: —Yac'ocab' svach'c'olal Jehová d'a yib'an̈ vin̈aj Booz chi', yujto vach' syutej spensar vin̈ d'ayon̈ a on̈ pitzan on̈ tic, icha yutejnac spensar vin̈ d'a eb' vin̈ co chamnac. Ix yalanxi ix: —A vin̈ chi' te ayto cuj co b'a yed' vin̈, yuj chi' smoj ton scolvaj vin̈ d'ayon̈, xchi ix.

Rt 3:13

Canan̈ d'a tic d'a jun ac'val tic. Ato q'uic'an svala', tato scha sc'ol vin̈ chi' ach yic'an icha sleyal. Tato icha chi', vach' toni. Tato man̈ ol yal sc'ol vin̈ jun, svac' in ti' d'a yichan̈ Jehová ach vic'ani. Vayan̈ ticnaic, axo yic ol sacb'oc, ol ach paxoc, xchi vin̈.

Rt 3:9

—¿Mach ach? xchi vin̈. —A in Rut in a checab' in. A ach tic, smoj tzach colvaj d'ayin, yujto te ayto uj a b'a yed' vin̈ vetb'eyum chamnac, xchi ix.