Rt 4:12 - Chuj San Mateo Bible

¹² Tzijtumocab' uninal ol yac' Jehová yed' ix, q'uib'ocab'n̈ej sb'isul in̈tilal yed' ix, icha ix aj sq'uib'chaan̈ yin̈tilal vin̈aj Fares, aton vin̈ yuninal vin̈aj Judá yed' ix Tamar, xchi eb'.

Chuj San Sebastian Bible

¹² Niwn cab' onnal 'oj yac' Jehová 'aych yet' 'ix. Q'uib' cab' sb'isl en̈tl yet' 'ix, 'icha 'ajnc sq'uib' sb'isl yin̈tl win Fares yune 'ix Tamar, win yunnal Judá, xchi eb'.

Rt 4:12 ပူးပေါင်းရင်းမြစ်များ

Gn 38:29

Palta ix yic'anxioch sc'ab' jun nene' chi', axo junxo yuc'tac chi' ix alji sb'ab'elal, yuj chi' Fares ix sb'iej yuj ix vetz'vajum chi'. Ix yalan ix: ¿Tas yuj ix a b'ab'laj equejelta a b'a? xchi ix.

1 Cr 2:4

Axo ix Tamar, ix yalib' vin̈aj Judá chi', ay chavan̈ yune' ix yed' vin̈: Aton vin̈aj Fares yed' vin̈aj Zera. A eb' vin̈ yuninal vin̈aj Judá chi' ovan̈ eb' vin̈ d'a smasanil.

Malaquías 2:15

¿Tom man̈ junn̈ejoc b'ob'il on̈ yuj Dios yic junn̈ej nivanil tzon̈ aj yed' eb' ix? ¿Tas nab'il yuj Dios, yuj chi' icha chi' ix on̈ yutej tze na'a? Icha chi' ix on̈ yutej, yic vach' a eb' cuninal ay yelc'och Dios d'a yol sat eb'. Yuj chi' tzeyil val e b'a yed' e pensar yic man̈ chucoc tzeyutej e b'a d'a eb' ix eyetb'eyum b'aj ix eyac' e ti' eyic'lan e b'a yed'oc d'a e quelemal.

Mt 1:3

A vin̈aj Judá chi' smam vin̈aj Fares yed' vin̈aj Zara. Tamar sb'i ix snun eb' vin̈ schavan̈il. A vin̈aj Fares chi' smam vin̈aj Esrom, a vin̈aj Esrom chi' smam vin̈aj Aram.

Rt 4:18

Aton eb' smam yicham vin̈aj rey David d'a stzolal tic, tz'el yich d'a vin̈aj Fares, vin̈aj Hezrón, vin̈aj Ram, vin̈aj Aminadab, vin̈aj Naasón, vin̈aj Salmón, vin̈aj Booz, vin̈aj Obed, vin̈aj Isaí, aton vin̈ smam vin̈aj David chi'.

A Ch'an̈ B'ab'el Libro Samuel 2:20

Yuj chi', ix yal vach' lolonel vin̈aj Elí d'a yib'an̈ vin̈aj Elcana yed' ix Ana chi', ix yalan vin̈ icha tic: Yac'ocab' uninal Jehová yed' ix etb'eyum tic sq'uexuloc vin̈ unin ix yac' ix d'a Jehová, xchi vin̈. Ix lajvi chi', ix meltzaj eb' d'a spat.