Rt 3:10 - Chuj San Mateo Bible

¹⁰ —Yac'ocab' svach'c'olal Jehová d'ayach. A ticnaic, ix nachajel vuuj chajtil to vach' a pensar, yujto tza nib'ej sb'inajcan vin̈ etb'eyum chamnac. Q'uinaloc ta man̈ ichocta, syal ic'an a b'a yed' junocxo vin̈ to quelemto, vach'chom meb'a', ma b'eyum, an̈ej tato syal a c'ool, palta maj a c'ulej icha chi'.

Chuj San Sebastian Bible

¹⁰ 'Ix yaln winac: —Ya' cab' Jehová syaxilal 'a eb'an̈. A ticnec, 'ix nachj 'el wu'uj, chajtlto caw tojl a nab'en, yic tza sayn 'ec' tas tz'aj sb'inax pax win echmil chamnc cha. Q'uinloc man̈ 'ixta'oc, tztac' a sayn 'ec' junc xo win caw quelmto, wach'xam meb'a', mto rico, cojn toto tzyal a c'ojol, palta mantzac a b'o 'ixta'.

Rt 3:10 ပူးပေါင်းရင်းမြစ်များ

Gn 24:31

Ix yalan vin̈ d'a vin̈ checab' chi': —Mamin, con̈ ved'oc b'aj ay in pat, yujto ay svach'c'olal Jehová d'ayach. Max yal tzach can d'a tic. Toxo ix in b'o b'aj ol ach vayoc, ay pax b'aj vach' ol can noc' a camello tic, xchi vin̈.

Rt 1:8

Ayic van scot eb' ix d'a yoltac b'e, ix yalan ix d'a eb' ix yalib' chi' icha tic: —A ticnaic, paxan̈ec d'a spat e mam e nun. A Jehová ol och eyed'oc yujto vach'n̈ej ix eyutej e b'a d'ayin yed' d'a eb' vin̈ vune'.

Rt 2:11

Ix tac'vi vin̈ d'a ix icha tic: —Yujto ix vab' masanil tas ix a c'ulej d'a ix alib' atax yic ix cham vin̈ etb'eyum, ix actejcan a mam a nun yed' a chon̈ab' b'aj aljinac ach, ix ach ja d'a co chon̈ab' to man̈ ojtacoctaxon tic.

Rt 2:20

Ix yalanxi ix yalib' ix chi' icha tic: —Yac'ocab' svach'c'olal Jehová d'a yib'an̈ vin̈aj Booz chi', yujto vach' syutej spensar vin̈ d'ayon̈ a on̈ pitzan on̈ tic, icha yutejnac spensar vin̈ d'a eb' vin̈ co chamnac. Ix yalanxi ix: —A vin̈ chi' te ayto cuj co b'a yed' vin̈, yuj chi' smoj ton scolvaj vin̈ d'ayon̈, xchi ix.

Rt 2:4

Ayic van sic'an ixim ix, ix c'och vin̈aj Booz chi', spetoj vin̈ d'a Belén. Ix yalan vin̈ d'a eb' smunlajvum chi' icha tic: —Aocab' Jehová ayoch eyed'oc, xchi vin̈. —Yac'ocab' svach'c'olal Jehová d'ayach, xchi eb' munlajvum chi' d'a vin̈.

Rt 3:9

—¿Mach ach? xchi vin̈. —A in Rut in a checab' in. A ach tic, smoj tzach colvaj d'ayin, yujto te ayto uj a b'a yed' vin̈ vetb'eyum chamnac, xchi ix.

A Ch'an̈ B'ab'el Libro Samuel 15:13

Yuj chi' ix b'at vin̈aj Samuel chi' ta'. Axo ix c'och vin̈, ix yalan vin̈aj Saúl chi' d'a vin̈ icha tic: —Yac'ocab' svach'c'olal Jehová d'a ib'an̈. Toxo ix in c'anab'ajej tas ix yala', xchi vin̈.