Rt 2:8 - Chuj San Mateo Bible

⁸ Yuj chi', ix yalan vin̈aj Booz chi' d'a ix Rut chi' icha tic: —Ach ix, ab' tas ol vala': Man̈xo ach b'at a sic'chaan̈ ixim cebada tic d'a yic junocxo mach, palta canan̈ yed' eb' ix in checab' tic.

Chuj San Sebastian Bible

⁸ Yuj cha, 'ix yaln win Booz 'ixtc 'a 'ix Rut cha: —Ach 'ix, 'ab' tas tzwala, man̈x ach 'at si'j sjolm cebada tic 'a scal smunljel junc xo mach. Cann̈ej yet' eb' 'ix wa'mal servil tic.

Rt 2:8 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 5:13

Palta axo eb' schecab' vin̈ ajun yed'oc, ix yal eb' d'a vin̈ icha tic: —Mamin, q'uinaloc ay junoc tas ajaltac ix yal vin̈ schecab' Dios d'ayach, ¿tom max a c'anab'ajej? Ocxo jun, an̈ej ix yal vin̈ to tza b'iquel a b'a tzach b'oxicani, xchi eb' d'a vin̈.

Lv 19:9

Ayic tze molanq'ue sat tas tzeyavej d'a e luum, man̈ pilanoc tzeyutej e molanq'ue d'a stitac, man̈ ex ec' d'an̈an̈ e sic'anq'ue ixim jolom trigo scan eyuuj.

Mt 9:2

Ata' ay jun vin̈ sicb'inac eli, ix ic'jib'at vin̈ d'a sat svaynub' yuj juntzan̈ eb' vin̈ vinac d'a Jesús. Axo ix yilan Jesús to ix yac'och eb' d'a sc'ool. Yuj chi' ix yalan d'a vin̈ sicb'inac el chi': —Ach vetanimail, tec'tec' tzutej a b'a. Ix ac'jican lajvoc a mul, xchi d'a vin̈.

Mt 9:22

Yuj chi' ix meltzajb'at q'uelan Jesús d'a ix, ix yalan d'a ix: —Ach ix, tec'tec' tzutej a b'a. Tzach b'oxican vuuj, yujto in ac'och d'a a c'ool, xchi d'a ix. D'a jun rato chi' ix b'oxican ix.

A Scarta San Pablo D'a Eb' Aj Filipos 4:8

Axo ticnaic ex vuc'tac ex vanab', scac'och co pensar d'a masanil tas yel, d'a masanil tas smoj nivan yelc'och d'a co sat, d'a masanil tas tojol, d'a masanil tas malaj spaltail, d'a masanil tas vach' yed' d'a masanil tas ay yelc'ochi. An̈ejtona', d'a masanil tas vach' d'a yichan̈ Dios yed' d'a masanil tas b'aj smoj tz'alji vach' lolonel, ata' scaq'uec och co pensar.

Rt 2:7

Ix sc'an spermiso ix d'ayin yic tz'ec' ix d'a scal ixim jochb'ilxo, yic sic'anchaan̈ ixim scan yuj eb' munlajvum tic ix. Atax d'a q'uin̈ib'alil ix javi ix, max och vaan ix sic'anchaan̈ ixim, ato val yic'an yip ix tic, xchi vin̈.

Rt 2:9

A yed' eb' ix ol ach b'at b'aj sjochvi cebada eb' vin̈ in munlajvum tic. Toxo ix val d'a eb' vin̈ to malaj tas syal eb' vin̈ d'ayach. Ayic stacji a ti', syal ic'anelta a' uc' d'a yol ch'ub' b'aj syiq'uelta yic eb' vin̈ in munlajvum chi', xchi vin̈ d'a ix.

A Ch'an̈ B'ab'el Libro Samuel 3:16

Palta ix avtaj vin̈ yuj vin̈aj Elí chi', icha tic: —Samuel, xchi vin̈. —Ina in tic, xchi vin̈.

A Ch'an̈ B'ab'el Libro Samuel 3:6

Ix avajxi Jehová d'a vin̈: —Samuel, xchi. Ix q'uex van vin̈, ix b'atxi vin̈ b'aj ayec' vin̈aj Elí chi', ix yalanxi vin̈: —Ina in tic, ¿tas yuj tzin avtej? xchi vin̈. —Ach vuninal, malaj ach tzach vavtej. B'at vayan̈xi, xchi vin̈aj Elí chi'.