Rt 2:20 - Chuj San Mateo Bible

²⁰ Ix yalanxi ix yalib' ix chi' icha tic: —Yac'ocab' svach'c'olal Jehová d'a yib'an̈ vin̈aj Booz chi', yujto vach' syutej spensar vin̈ d'ayon̈ a on̈ pitzan on̈ tic, icha yutejnac spensar vin̈ d'a eb' vin̈ co chamnac. Ix yalanxi ix: —A vin̈ chi' te ayto cuj co b'a yed' vin̈, yuj chi' smoj ton scolvaj vin̈ d'ayon̈, xchi ix.

Chuj San Sebastian Bible

²⁰ 'Ix yaln pax 'ix Noemí: —Ya' cab' Jehová syaxilal 'a yib'n̈ jun winc cha, yujto caw wal wach' xyutj snab'en 'ayon̈, 'ixtnta pax yutjnac snab'en 'a win wichmil chamnac. A jun winc cha, 'ayt cuj qui b'a yet'oc, yuj cha, to 'ay yaln yic on̈ scolni, xchi 'ix.

Rt 2:20 ပူးပေါင်းရင်းမြစ်များ

A Ch'an̈ Schab'l Libro Samuel 2:5

yuj chi' ix yac'b'at juntzan̈ eb' schecab' vin̈, yic b'at yal eb' d'a eb' icha tic: Yac'ocab' svach'c'olal Jehová d'ayex yuj tastac vach' ix e c'ulej yujto ix e muc vin̈aj Saúl co reyal.

A Ch'an̈ Schab'l Libro Samuel 9:1

Ix sc'anb'anec' vin̈aj rey David chi' tato ayto junocxo yin̈tilal vin̈aj Saúl ixto cani, yic syac'an svach'c'olal vin̈ d'ay yuj svach'c'olal vin̈aj Jonatán yac'nac d'a vin̈.

Job 19:25

Vojtac to a in Columal pitzann̈ej, axo d'a slajvub' c'ual ol emul d'a sat lum tic yic tzin scolani.

Pr 17:17

A eb' vach' yac'antaxon qued'oc, ayn̈ejoch eb' qued'oc. Ayic ay co yaelal, icha val co c'ab' coc syutej sb'a eb' d'ayon̈.

Lv 25:25

Tato ay junoc eyetchon̈ab' slajviel masanil tas ay d'ay, yuj chi' schon̈b'at slum d'a junocxo, a junoc te ayto yuj sb'a yed' jun schon̈an slum chi' syal smananxiel jun lum chi' b'aj schon̈nac chi'.

A Scarta San Pablo D'a Eb' Aj Filipos 4:10

A ticnaic, tzin tzalaj yuj Cajal Jesús, yujto ix in e nacot junelxo ayic ix eyac'ancot e colval d'ayin. Vojtac to an̈eja' naan in eyuuj, palta malaj val b'aj ix eyac'cot e colval d'ayin, yujto max yal eyuuj.

Rt 2:21

Ix yalan ix Rut chi' icha tic: —Ix yalpax vin̈ d'ayin icha tic: Syal a cotn̈ej a sic' ixim, an̈ej yed' eb' ix in checab' tic tzach b'ati, masanto ol lajvoc munlajel tic, xchi vin̈ d'ayin, xchi ix.

Rt 3:12

Yeltoni ayto vuj in b'a ed'oc, palta ayto val junxo vin̈ te ayto uj a b'a yed'oc d'a vichan̈.

Rt 4:14

Ix yalan eb' ix ix d'a ix Noemí chi' icha tic: —Alchajocab' vach' lolonel d'a Jehová, yujto toxo ix yac' jun iachiquin ilumaloc. Nivanocab' ol aj sb'inaj d'a scal chon̈ab' Israel.

Rt 4:4

Yuj chi' sval d'ayach talaj tza manel luum. Tato tzic' luum, d'a val yichan̈ eb' testigo tic yed' eb' vin̈ yichamtac vinaquil chon̈ab' tic, tzalancani to tzic' luum. Yujto a ach tic smoj ic'an luum. Tato max a mancan lum jun, al d'ayin ticnaic, yujto a in tic schab'ilxo macan̈ vaji, malaj junocxo syal smanan luum, xchi vin̈aj Booz chi'. Ix tac'vi vin̈ ayto yuj sb'a yed' vin̈aj Elimelec chi' icha tic: —Ol in man luum, xchi vin̈.

Rt 4:6

Ayic ix yab'an jun chi' vin̈, ix yalan vin̈: —Tato icha chi' yaji, max yal-laj in manan luum. Ay talaj tz'ic'an in macb'en yuuj. Tato tza nib'ej tza mancanel lum a ach tic, syal a manan luum, svac' in derecho tic d'ayach, xchi vin̈.