Rt 2:2 - Chuj San Mateo Bible

² Ix yal ix Rut chi' d'a ix Noemí icha tic: —Tzin tevi d'ayach, comonoc tzin a chab'ati, b'at vila' talaj ay b'aj van sjochchaj ixim cebada, talaj scha sc'ol eb' vin̈ aj munlajel chi' tzin sic' jayeoc sjolom quic d'a spatictac eb' vin̈, xchi ix. —Ixic, xchi ix.

Chuj San Sebastian Bible

² Ax 'ix Rut cha, 'ix yal 'ix 'a 'ix Noemí 'ixtic: —Tzin tew 'ayach, to tzac' in permiso tzin 'at 'a 'aj wan yoch polj cebada, toq'ue 'ay junc polm cebada tzchaj sc'ojl in si'n chac sjolm quic 'a spatctaquil, xchi 'ix. —'Ixc 'an, xchi 'ix Noemí cha.

Rt 2:2 ပူးပေါင်းရင်းမြစ်များ

Gn 32:6

Axo yic ix jax eb' vin̈ checab' chi', ix yalan eb' vin̈ d'a vin̈aj Jacob icha tic: —Toxo ix on̈ xid'ec' d'a vin̈ uc'tac, tic van sja vin̈ ul ach scha'a. Chan̈e' ciento val vinac yed'nac vin̈, xchi eb' vin̈ schecab' vin̈ chi'.

Lv 19:10

Ayic tze molan sat te' uva, man̈ ex meltzaj e say eyil d'a schaelal, man̈ e sic'q'ue sat sc'ajb'anemi. A juntzan̈ chi' canocab'i, yicxo eb' meb'a' yed' eb' ch'oc chon̈ab'il yaji. A in ton Jehová e Diosal in svala'.

Lv 19:16

Man̈ ex alvoc pecal d'a scal eb' eyetchon̈ab'. Man̈ e nachaan̈ esal lolonel d'a yib'an̈ junoc eyetanimail yic smiljichamoc. A in ton Jehová in svala'.

Lv 19:9

Ayic tze molanq'ue sat tas tzeyavej d'a e luum, man̈ pilanoc tzeyutej e molanq'ue d'a stitac, man̈ ex ec' d'an̈an̈ e sic'anq'ue ixim jolom trigo scan eyuuj.

Lv 23:22

Ayic sc'och stiempoal e jochan ixim e trigo, man̈ e sic'q'ue ixim scan d'a scal yoc yed' ixim ay d'a stitac, yujto a juntzan̈ chi' yic eb' meb'a' yaji yed' eb' ch'oc chon̈ab'il ayec' d'a e cal. A in Jehová e Diosal in svala', xchi d'a vin̈.

Rt 2:3

Ix b'at ix Rut chi' b'aj van sjochchaj ixim cebada chi', ix och ijan ix sic'an ixim scan yuj eb' vin̈ sjochan ixim chi'. C'ocb'il val a jun munlajel b'aj ix c'och ix chi' yic vin̈aj Booz, aton jun vin̈ ayto yuj sb'a yed' vin̈ xilb'a Elimelec chi'.

Rt 2:7

Ix sc'an spermiso ix d'ayin yic tz'ec' ix d'a scal ixim jochb'ilxo, yic sic'anchaan̈ ixim scan yuj eb' munlajvum tic ix. Atax d'a q'uin̈ib'alil ix javi ix, max och vaan ix sic'anchaan̈ ixim, ato val yic'an yip ix tic, xchi vin̈.

A Ch'an̈ B'ab'el Libro Samuel 1:18

—Yuj val dios d'ayach, comonoc vach' tzin can d'a a sat, xchi ix. Ix lajvi chi' ix meltzaj ix, ix jax ix b'aj ayec' eb' chi', ix va ix d'a tzalajc'olal, man̈xalaj yilc'olal ix.