Rt 2:19 - Chuj San Mateo Bible

¹⁹ Ix sc'anb'an ix yalib' ix chi' d'ay: ¿Mach ay yic b'aj ach xid'ec' chi'? ¿B'ajtil ix a sic' ixim cebada tic? Yac'ocab' svach'c'olal Jehová d'a yib'an̈ jun mach vach' ix yutej sb'a chi' d'ayach, xchi ix. Ix yalan ix Rut chi' icha tic: —A jun vin̈ ay yic b'aj in xid'ec' chi', Booz sb'i vin̈, xchi ix.

Chuj San Sebastian Bible

¹⁹ 'Ix sc'anb'n 'ix yalb' 'ix cha: ¿'Ajtil ach munlj ticnec? ¿Mach 'ay smunljel 'aj ach xit' si'j sjolm cebada tic? Wach' yic jun mach 'ix colwj 'aych 'a jun c'u tic. Yujto niwn sjolm a cebada 'ix a sic'a, xchi 'ix Noemí cha. 'Ix yaln 'ix Rut 'ixtc 'a 'ix yalb' cha: —A sb'i jun winc 'ay yic munljel 'aj in xit' cha, tzcuch Booz, xchi 'ix.

Rt 2:19 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 7:21

Ix yac'och chab' oy vin̈aj Hiram chi' d'a sat templo chi'. Ayic ix yac'anem vin̈ d'a yed'tal, ay jun ix can d'a co q'uexan̈ ayic tzon̈ och d'a yol templo chi', Jaquín ix yac' vin̈ sb'iej. Axo junxo oy chi' ix can d'a co vach', Boaz ix yac' vin̈ sb'iej.

Salmos 41:1

Vach' yic eb' scolvaj d'a eb' meb'a', a Jehová ol colanel eb' d'a scal syaelal.

Salmos 41:2

A' ol tan̈van eb', ol ac'joc sq'uinal eb' yed' stzalajc'olal yuuj d'a sat luum tic. Man̈ ol ac'joc ochlaj eb' d'a yol sc'ab' eb' ajc'ool yuuj.

Salmos 44:1

Ach co Diosal, ix cab' a poder yujto a eb' co mam quicham ix alan d'ayon̈ tas utejnac eb' d'a peca'.

Rt 2:10

Ayic ix yab'an ix icha chi', ix em n̈ojan ix d'a sat luum, ix yalan ix d'a vin̈ icha tic: —¿Tas yuj te vach' tzutej a c'ool d'ayin, ina to a in tic ch'oc chon̈ab'il in? xchi ix.