Rt 2:10 - Chuj San Mateo Bible

¹⁰ Ayic ix yab'an ix icha chi', ix em n̈ojan ix d'a sat luum, ix yalan ix d'a vin̈ icha tic: —¿Tas yuj te vach' tzutej a c'ool d'ayin, ina to a in tic ch'oc chon̈ab'il in? xchi ix.

Chuj San Sebastian Bible

¹⁰ A yic xyab'n 'ix 'ixta', 'ix 'em n̈ojnjoc 'ix 'a sat lu'um, 'ix yaln 'ix 'a win Booz chi 'ixtic: —¿Tas yuj wach' tzotj paxtinc a b'a 'ayin? Caw wach' pax tzotj a nab'en 'ayin, tic pax wal chuc chon̈b'al in, xchi 'ix.

Rt 2:10 ပူးပေါင်းရင်းမြစ်များ

Gn 18:2

Axo ix yilan vin̈, lin̈jab' ec' oxvan̈ vinac d'a yichan̈b'at vin̈. Ayic ix yilan eb' chi' vin̈, ix b'at lemnaj vin̈ schacot eb', ix emc'och n̈ojnaj vin̈ d'a sat lum d'a yichan̈ eb'.

A Ch'an̈ Schab'l Libro Samuel 19:28

Vach'chom masanil yin̈tilal in mam vicham syal a milanchamoc, palta ix in avtej vael ed'oc d'a a mexa, yuj chi' man̈xalaj tas vach' valani, xchi vin̈.

A Ch'an̈ Schab'l Libro Samuel 7:18

Yuj chi' ix och vin̈aj David chi' d'a yichan̈ Jehová, ix em c'ojan vin̈ ix lesalvi vin̈, ix yalan vin̈ icha tic: Mamin Jehová Vajalil, ¿tas val jab'oc velc'och yed' eb' in mam vicham, yuj chi' ix ac' jun nivan opisio tic d'ayin?

A Ch'an̈ Schab'l Libro Samuel 9:8

Ix em n̈ojan vin̈aj Mefi-boset chi', ix yalan vin̈: —Mamin rey, ¿tas val yuj tz'oc' a c'ol d'ayin? A in a checab' in tic lajan in icha junoc noc' chamnac tz'i', xchi vin̈.

Lv 19:34

Xajan tzeyutej eb', ichato eyetchon̈ab' eb'. Ya'ilejec eb', icha tz'aj eya'ilan e b'a. Tze nacoti to a ex tic najtil ec'nac ex d'a ch'oc chon̈ab'il d'a yol yic Egipto. A in ton Jehová e Diosal in svala'.

Mt 25:35

Yujto ayic yochnac in vejel, in eyac'nac vaoc. Ayic stacjinac in ti', eyac'nac a' vuq'uej. Ayic in b'eyec' icha yec' junoc b'eyum anima, eyac'nac in posado.

Lc 1:43

A in tic, ¿tom ay jab'oc vopisio? A ach tic snun ach Cajalil, palta tzach javi in a c'umej.

Lc 1:48

A in tic schecab' in Dios. Ix oc' sc'ol d'ayin, vach'chom malaj velc'ochi. Yuj chi' masanil tiempo ol yal eb' anima to vach' vico',

Ro 12:10

Sco xajanej co b'a, yujto cuc'tac canab' co b'a. Yovalil squic' emta co b'a junjun on̈, yic vach' ay quelc'och junjun on̈.

Rt 2:11

Ix tac'vi vin̈ d'a ix icha tic: —Yujto ix vab' masanil tas ix a c'ulej d'a ix alib' atax yic ix cham vin̈ etb'eyum, ix actejcan a mam a nun yed' a chon̈ab' b'aj aljinac ach, ix ach ja d'a co chon̈ab' to man̈ ojtacoctaxon tic.

Rt 2:13

Ix tac'vi ix icha tic: —Mamin, ste tzalaj in c'ool yuj tas tzal tic d'ayin, te vach' tzutej a c'ool d'ayin vach'chom man̈ in lajanoc yed' junoc eb' ix a checab' tic, xchi ix.

Rt 2:19

Ix sc'anb'an ix yalib' ix chi' d'ay: ¿Mach ay yic b'aj ach xid'ec' chi'? ¿B'ajtil ix a sic' ixim cebada tic? Yac'ocab' svach'c'olal Jehová d'a yib'an̈ jun mach vach' ix yutej sb'a chi' d'ayach, xchi ix. Ix yalan ix Rut chi' icha tic: —A jun vin̈ ay yic b'aj in xid'ec' chi', Booz sb'i vin̈, xchi ix.

Rt 2:2

Ix yal ix Rut chi' d'a ix Noemí icha tic: —Tzin tevi d'ayach, comonoc tzin a chab'ati, b'at vila' talaj ay b'aj van sjochchaj ixim cebada, talaj scha sc'ol eb' vin̈ aj munlajel chi' tzin sic' jayeoc sjolom quic d'a spatictac eb' vin̈, xchi ix. —Ixic, xchi ix.

Rt 2:9

A yed' eb' ix ol ach b'at b'aj sjochvi cebada eb' vin̈ in munlajvum tic. Toxo ix val d'a eb' vin̈ to malaj tas syal eb' vin̈ d'ayach. Ayic stacji a ti', syal ic'anelta a' uc' d'a yol ch'ub' b'aj syiq'uelta yic eb' vin̈ in munlajvum chi', xchi vin̈ d'a ix.

A Ch'an̈ B'ab'el Libro Samuel 25:23

Ayic ix yilanb'at vin̈aj David ix Abigail chi', ix emta ix d'a yib'an̈ noc' b'uru chi', ix em n̈ojan ix d'a sat luum.