Ro 13:3 - Chuj San Mateo Bible

³ Yujto a eb' yajal chi', ay yopisio eb' man̈ yicoc xiv eb' vach' sb'eyb'al d'a eb', palta yic xiv eb' chuc sb'eyb'al d'a eb'. Yuj chi', tato co gana max on̈ xiv d'a eb', yovalil vach' scutej co b'eyb'al. Tato icha chi' stzalaj eb' qued'oc.

Chuj San Sebastian Bible

³ Yujto a eb' yajl cha, 'ay yopiso eb', sec tzxiw eb' maysch'olnil sb'eyb'al. Man̈ yujoc xiw eb' wach' sb'eyb'al 'ay yopiso eb'. Yuj cha, toto tzqui nib'jec matz on̈ xiwc yuj eb', yowlal wach' tzcutjec qui b'eyb'al yil eb'. Toto 'ixta', 'oj tzaljoc eb' quet'ec.

Ro 13:3 ပူးပေါင်းရင်းမြစ်များ

Pr 14:35

A eb' checab' ay spensar, stzalaj vin̈ rey yed' eb'. Axo pax eb' checab' malaj spensar jun, scot yoval sc'ol vin̈ rey d'a yib'an̈ eb'.

Pr 20:2

A eb' rey te ov, lajan eb' icha junoc noc' choj tz'el yav yuj yoval, a eb' stec'b'ej sb'a stzuntzan eb', ay smay scham eb' yuj eb'.

Ro 13:2

Tato ay on̈ scac' oval yed' eb' yajal chi', syalelc'ochi to van schichonoch co c'ool d'a tas ix sb'ocan Dios. Tato icha chi' tz'aj cac'an oval yed' eb', munil scac'och yaelal d'a quib'an̈.

Ro 13:4

Ayoch yopisio eb' yuj Dios, yuj svach'iloc eb' anima smasanil. Palta tato chuc scutej co b'a, smoj ton co xiv d'a eb', yujto yel ay yalan yic eb' yac'anoch yaelal d'a quib'an̈. Yujto ayoch yopisio eb' yuj Dios, yic tz'ac'jioch syaelal eb' chuc syutej sb'a yuj eb'.

Dt 25:1

Tato ay chavan̈oc anima syac' oval, yovalil sb'at eb' d'a yichan̈ eb' yajal, yic sb'o yaj yoval eb' chi'.