Pr 8:22 - Chuj San Mateo Bible

²² A jelanil chi', aytaxoneq'ui ayic ix el yich smunlajel Jehová, ayic manto sb'o masanil tastac,

Chuj San Sebastian Bible

^22-26 A Jehová, a b'ojnac can jelnal yic mantzac 'el yich smunlji, yic mantzac b'o smasnil tas, yic mantzac b'o lum lum tic; yic mant 'a a niwc mar, yic mantzac can sjaj a niwc a tzb'eyi, yet' eb' a cotc a tzpaq'ui; yic mantzac b'o lum tzalctac yet' lum niwc witz, yic mantzac sb'o lum lum tic, yic mant 'a xon spoccal yolyib'n̈q'uinl tic, 'ayc' xon jelnal chi ta'.

Pr 8:22 ပူးပေါင်းရင်းမြစ်များ

Job 28:23

Palta a Dios yojtac sb'eal jelanil chi', yojtac b'aj ay.

Salmos 104:24

Mamin Jehová, man̈xo b'ischajb'enoc jantac tas ix a b'ocani. Masanil tas ix a b'ocan yed' a jelanil. Majnaquel sat lum luum tic yuj tas ix a b'ocan chi'.

Pr 3:19

A Jehová ix b'oan satchaan̈ yed' sat lum tic yuj sjelanil yed' yaj pensaril.

Miqueas 5:2

A Jehová tz'alan icha tic: A chon̈ab' Belén ay d'a Efrata, vach'chom yunen̈ej d'a scal chon̈ab' d'a yol yic Judá, palta ata' ol cot jun ol vac'och yajalil d'a yib'an̈ in chon̈ab' Israel. Ol cot d'a jun in̈tilal aytaxon d'a peca', a jun ol ac'an yajalil chi', aytaxon yictax yichb'anil, xchi Jehová.

A Scarta San Pablo D'a Eb' Aj Colosas 1:17

Ayic manto b'o yolyib'an̈q'uinal tic, aytaxon ec' Cristo chi'. Yuuj vach' yajec' masanil tasi.

Apoc 3:14

Ix yalanxi Jesús d'ayin: Tz'ib'ejb'at d'a in checab' ayec' d'a scal eb' creyente d'a chon̈ab' Laodicea icha tic: A jun yeln̈ej syala', vach'n̈ej syutej sb'a yac'an testigoal, a' b'ojinac masanil tas yed' Dios, a' tz'alan d'ayex: