Pr 3:25 - Chuj San Mateo Bible

^25-26 Yujto ayoch Jehová yipoc a c'ool, yuj chi' man̈ ol ach schacan d'a junoc yaal, man̈ ol a na' to ay tas ol ja d'a ib'an̈, icha sja d'a yib'an̈ eb' chuc sb'eyb'al.

Chuj San Sebastian Bible

²⁵ Ma'oj a xiwi, toq'ue tza na'a to 'ay junc tas 'ay smay 'oj jawc 'a eb'n̈ 'icha tz'aj sjaw 'a yib'n̈ eb' maysch'olnil sb'eyb'al.

Pr 3:25 ပူးပေါင်းရင်းမြစ်များ

Salmos 112:7

Malaj sxivc'olal d'a junoc ab'ix ay smay. Te tec'an syutej yac'anoch Jehová yipoc sc'ool.

Salmos 73:19

Elan̈chamel ol aj satel eb'. D'a scal xivc'olal ol lajvoccanel eb'.

Salmos 91:5

Man̈ ol on̈ xivlaj d'a junoc tas ay smay tz'ec' d'ac'valil. Man̈ ol on̈ xivpaxlaj d'a jul-lab' sjulchaj d'a c'ualil.

Is 54:14

A tojolal, ol yic'n̈ej yipoc d'a e cal, ol ex colchajcanel d'a yol sc'ab' eb' anima tzex ixtani, eb' tzex xib'tani. Man̈xa mach ol ex xib'tanoc.

Miqueas 4:4

A eb' anima, man̈xalaj b'aj ol xiv eb'. Junjun mach ol yal yic'an yip d'a yalan̈ yen̈ul sc'ab' te' yuva yed' d'a yalan̈ yen̈ul sc'ab' te' yigo. A Jehová Yajal d'a Smasanil syac' sti' d'a jun tic.

Zacarías 9:8

A in ol in ajn̈ejec' d'a in cajnub', ol in tan̈vejn̈ej, yic malaj junoc soldado ajc'ol ol och d'a yool. Man̈xo ol yixtejpaxlaj in chon̈ab' tic eb', yujto a in val ol in tan̈vej, xchi Jehová.

Mt 24:15

A vin̈aj Daniel, vin̈ schecab' Dios d'a peca', a vin̈ aljinaccan yuj jun vin̈ tz'ac'an chucal, tz'ac'an juvoc juntzan̈ tasi. A mach tz'avtan jun ab'ix chi', nachajocab' el yuuj. Ayic ol eyilan jun chi' d'a yol stemplo Dios,

Mt 24:6

Ol eyab' yoch juntzan̈ nivac oval. Ol eyab'anpax specal juntzan̈xo ijan ol ochoc. Palta man̈ ex xivoc, yujto yovalil icha chi' ol ujoc elc'ochi. Palta manto ol lajvoc el-laj yolyib'an̈q'uinal tic ta'.

Mr 4:40

Ix lajvi chi', ix yalan d'a eb' sc'ayb'um chi': —¿Tas yuj tzex te xivi? ¿Tas yuj maxto eyac'och Dios d'a e c'ool? xchi d'a eb'.

Lc 21:9

Ayic ol eyab'an specal yoch nivac oval, axo yac'anpax oval eb' comon anima yed' eb' yajal, man̈ ex te xivoc, yujto a juntzan̈ chi' yovalil ol b'ab'laj ujoc, palta man̈oclaj d'a jun ratoal chi' ol lajvoquel yolyib'an̈q'uinal tic, xchi Jesús chi' d'a eb'.

Jn 14:1

Ix yalanxi Jesús d'a eb' sc'ayb'um: —Man̈ eyac' somchaj e c'ool. Tzeyac'och Dios d'a e c'ool, tzin eyac'anpaxoch d'a e c'ool.

A Sb'ab'el Carta San Pedro 3:14

Palta tato yujn̈ej co vach' b'eyb'al scab' syail, te vach' quico'. Yujto tz'ib'yajcani: Man̈ eyec xiv e b'a e naan yuj tas ijan tzex yutej eb'. Man̈ e cha somchajel e pensar, xchicani.