Pr 3:15 - Chuj San Mateo Bible

¹⁵ A jelanil chi', yelxo val te vach' d'a yichan̈ svach'il yilji q'uen tz'och colc'ab'il. Max yal-laj co lajb'an jun jelanil chi' yed' juntzan̈xo tastac te nib'ab'il.

Chuj San Sebastian Bible

¹⁵ A jelnal cha, yel xo wal 'ec'b'al yel'ch 'a yib'n̈ q'uen q'uen man̈x jantcoc sja'l yilxi, matz tac' slajb'tzax yet' jun tzo'n̈ tas caw wal nib'b'il.

Pr 3:15 ပူးပေါင်းရင်းမြစ်များ

Job 28:18

A jelanil chi' te nib'ab'il d'a yichan̈ q'uen coral. Ec'b'al te vach' d'a yichan̈ q'uen cuarzo, ma q'uen perla.

Salmos 63:3

Te nivan yelc'och a vach'c'olal d'a yichan̈ b'aj pitzan in d'a yolyib'an̈q'uinal tic. Yuj chi', ol ach in b'itej.

Pr 20:15

Man̈ jantacoc q'uen oro yed' q'uen q'ueen vach' yilji d'a yolyib'an̈q'uinal tic, palta a eb' slolon d'a jelanil, man̈ comonoc tz'ilchaj eb'.

Pr 31:10

A junoc ix ix te ay spensar, man̈ comonoc tz'ilchaj ix, yujto ec'to yelc'och ix d'a yichan̈ q'uen q'ueen caro stojol.

Pr 8:10

Aq'uec eyip eyic'an e jelanil yed' aj pensaril, yujto yelxo val te nivan yelc'och d'a yichan̈ q'uen oro yed' q'uen plata.

Pr 8:11

Yelxo val te vach' jelanil d'a yichan̈ q'uen q'ueen te vach' yilji yed' d'a yichan̈ junoc tas snib'aj val ochi.

Ec 7:11

Tato jelan on̈, vach' quic d'a yichan̈ eb' anima scha smacb'en d'a yolyib'an̈q'uinal tic.

Ro 8:18

A in tic tzin na'a, a juntzan̈ yaelal van cab'an ticnaic, max yal co lajb'an yed' jun svach'il Dios ol yac' d'ayon̈ d'a slajvub'alxo.