Pr 22:18 - Chuj San Mateo Bible

¹⁸ Vach' tato tze sic'can d'a e pensar yic vach' tzeyalub'tan̈ej smasanil.

Chuj San Sebastian Bible

¹⁸ Wach' toto tze molcn 'a e nab'en, yic wach' tztac' eyalb'tan̈n smasnil.

Pr 22:18 ပူးပေါင်းရင်းမြစ်များ

Salmos 119:103

Ec'b'al schi'al a lolonel d'a yichan̈ schi'al noc' yal chab' svab'i.

Salmos 119:111

A a lolonel ix al d'ayin, vicn̈ej yaj d'a masanil tiempo, yujto a' tz'ac'an in tzalajc'olal.

Salmos 119:13

Ol valel masanil a ley, aton juntzan̈ alb'ilcan uuj.

Salmos 119:162

Stzalaj in c'ool yuj tas alnaccani, icha junoc mach te nivan sb'eyumal syic'a'.

Salmos 119:171

Sval vach' lolonel d'ayach, yujto tzin a c'ayb'ej d'a a b'eyb'al.

Salmos 19:10

Yelxo val te nib'ab'il d'a yichan̈ q'uen oro te vach'. Yelxo val te chi' d'a yichan̈ noc' yal chab' ayoch d'a yed'tal.

Pr 10:13

Tato ay co pensar, scheclajel co jelanil d'a tas scala'. Tato malaj co pensar jun, tzon̈ mac'jin̈ej d'a te' jixc'ab' te'.

Pr 10:21

A slolonel eb' vach' spensar, man̈ jantacoc eb' sc'ayb'aj yuuj. Axo eb' malaj spensar jun, scham eb' yuj sman̈ pensaril chi'.

Pr 15:7

Ayic slolon eb' ay spensar, a jelanil syalel eb'. Axo eb' malaj spensar jun, malaj yelc'och tas syal eb'.

Pr 16:21

A eb' jelan spensar, syal anima to te ay spensar eb'. A yuj lolonel vach' syal eb', syic' sjelanil anima chi'.

Pr 2:10

Icha chi' ol aj sjelanb'i a pensar, ol ach tzalaj yed' tas ojtac chi'.

Pr 22:19

A ticnaic svac' val eyojtaquejeli, yic vach' tzeyac'och Jehová yipoc e c'ool.

Pr 25:11

A junoc b'elan̈ lolonel vach' tz'alchaj d'a stzolal, lajan icha junoc mansan nab'a oro, aypaxoch q'uen plata yelvanub'oc.

Pr 3:17

Tato sco b'eyb'alej jelanil, tzalajc'olal tzon̈ eq'ui, junc'olal tzon̈ aji.

Pr 4:20

Ach vuninal, cha ab' in lolonel tic, maclej val ab' sic'lab'il.

Pr 4:21

Mocab' iq'uel a sat d'ay, sic'can d'a a pensar,

Pr 8:6

Ab'ec val sic'lab'il, ol alchaj juntzan̈ tastac nivac yelc'och d'ayex, man̈xo jantacoc svach'il.

Jeremías 15:16

Ayic tzalan a lolonel d'ayin tzin chan̈ej vab'i, an̈ej ayoch in tzalajc'olaloc, yujto ic in Mamin Jehová in Diosal, Yajal ach d'a Smasanil.

Malaquías 2:7

A ex sacerdote ex tic, a eyopisio to tze c'ayb'ej eb' anima yic tzin yojtaquejel eb'. Smoj sc'och masanil anima d'ayex, yic syab'an sc'ayb'ub'al eb', yujto a in Jehová Yajal in d'a Smasanil, in checab' eyaji.

Jn 7:38

Tato ayex tzin eyac'och d'a e c'ool, icha to ay jun a a' tz'el yoc ol pac' d'ayex. Aton jun chi' tz'ac'an e q'uinal d'a juneln̈ej. Yujto icha chi' syalcan d'a Slolonel Dios Tz'ib'ab'ilcani, xchi Jesús d'a eb' anima chi'.

A Ch'an̈ Carta D'a Eb' Hebreo 13:15

Yuj chi', yovalil scaln̈ej vach' lolonel d'a Dios yuj Jesucristo. A juntzan̈ vach' lolonel scal tic d'a Dios, aton co silab' yaji.